@Santhia: I gloube ebe im Normalfall bstellsch scho, ussert es segi haut im Usverkouf, aber di hei ja aube eifach paar Grössine zum probiere u bstelles denn äxtra für Di. E Kollegin het 9 Mönet uf ihres Kleid gwartet. Aber i findes wunderbar wie glasse Du das nimmsch.
I bi mis letscht Wuche ga abstecke u ha de am 10. Februar no mau e Termin.

@Novia: Bi üs louft gad nit viu, göh äuä am Wucheändi no ga gugge füre Schmuck, chömme närne bis mitti Februar nüme würk drzue.

@Similein: Ha ja mis im Usverkouf kouft, u dür das de ou gad gha.

@all: Bi üs louft würkli gad nit viu, het zum einte drmit ztüe, dass mir nit würkli viu Zyt hei, u zum andere dass es Sache git wo mir no nit chöi mache...

ech ha mis chleid metti auguscht 13 bstellt gha ond has jetzt im januar chönne go abstecke. cho eschs chorz vor wiehnachte, aber de hani kei ziit meh gha zom go abstecke. jetzt weissi gar ned recht wie lang das es goht.... aber pressiert jo au nöm so.

mol no öpis anders.... gehts bi euch im omfeld au persone, woner sgfühl händ, ehr chöneds ehne was s'hochzyt betrefft ned recht mache. aso dass a allne idee woner händ, öpis usdsetze händ oder ned guet fendet? aso mer esch scho bewosst, das es am schloss im GG ond min tag esch, ond das es för eus muess stemme. aber wennt emmer ergendwie so sache zghöre bechonsch, aso da wörti ned so mache, da au ned ond jetzt muesch aber scho chli pressiere met dem ond so wiiter, de hani halt gliich chli müeh...
ond nomol öpis anders... wie fendet ehr da: mer händ eusi flitterwoche uf d'seychelle bueched (esch jo ned wörkli grad gönschtig ond en ort womer eifach so mol rasch hii goht...) ond en gueti kollegin (oder ebe doch ned so...) vo mer, hed jetzt ganz spontan beschlosse, dass sie metti februar (aso i 2 Woche) au för 8täg uf d'seychelle goht. da hed sie ennerhalb vome tag beschlosse ond bueched. es heig grad es guets agebot gha. ech ha ned mol gwösst, dass sie vor hed i dferie zgoh...geschweige denn usgrechnet det hii wo mer wänd go flittere...
för mech eschs eifach grad chli en schlag is gsecht gsi. sie "nehmts" mer wie en art weg ond ech fends eifach ned die fein art. wie wenns kei anderi ort gebti zom i d'ferie zgoh. wenns scho lang plant wer -> keis problem, wenn sie noch eusne fliitis goht -> keis problem, wenn sies mer vorher mol gseid hetti, dass sie da am aluege esch ond gern wört goh -> keis problem.... aber so? eifach huschhusch ond mech de chorz per mail informiere...
wa meined ehr? tuen ech chli öbertriibe? oder wörtet ehr da au ned so lässig fende?

Hoi zämä

Wie geits öich so, was louft, was isch aktuell?

@stella: Ja durchus, aber es git ou di andere, die wo sech mega mit eim fröiie, wo mes zT gar nit erwartet hätti...
I verstah iwie scho das es Di närvt, viellech isch es eifach würkli es guets u gäbigs Agebot gsi wo si de spontan het gluegt zgha, u si het nit mau überleit, dass ihr ou derhie göht.
Aso komisch findi das si Dich per Mail informiert! Hesch se mau druf agsproche?

@novia.. woow so kuul heit dir Ringe gfunge.. hesch es Föteli? *gwundrigsein*

bi üs louft im Momänt gad nid soo viu..
- Warte no uf Antwort vom Pfarrer füre nächst Termin
- När sött i de o im Feb. mau mit dr Floristin luege
- wägem Dessert/Turte wei mir o im Feb. mau vrbi go
- mit dr Coiffeuse luege
- wägem Make up (hani no kei ahnig wär/wo u wie )
U wenn sech de bis ändi Feb. (hoffentlech) aui agmäudet hei chöi mir de a die def. Vorbereitig go u mit em Caterer zäme hocke! Am 12.2. hei mir de no üses Ehevorbereitigsvrfahre.. jo u de im März scho die zivili Trauuig.. huui geit nüm lang
U de hoffi das i gli gli mau öbis vom Chleid ghöre..

Ah jo und dr GG het letscht So sine eutere (äntlech) gseit das är de mi Name animmt.. si hei zum glück nid so reagiert wie mirs befürchtet hei..

u was gits bi öich so nöis?
Was zahlet dir für Coiffeur u Make up?

@ novia: wow, so en schöne ring. de hani au aprobiert

@ similein: wägem coiffeur/make up. ich zahle CHF 469.00 für beides. isch rächt tüür, aber halt züri...defür chunnt sie zu mir hei.

@ me: mir händ mittlerwile fascht alles. müend eifach no alles z'änd bespräche. sprich, für d blueme müemer im april nomal gah und dänn halt mit jedem abüter nomal churz vor de hochzyt rede.
han s gfühl das jetz alles passt und han trotzdem angst das a dem tag alles id hose chönnt gah obwohl mir super tz händ...muess mich glaub chli entspanne

@weddingbee: danke
isch scho no tüür de coiffeur und s makeup, aber für züri dänki normal. ich wird warschindlich au ned wenig zahle...
hey super denn sind ier ja voll im zitplan
mitem entspanne hesch rächt! es chunnt alles guet und en riise katastrophe wirds sicher ned geh

hend ier eu alli scho mal mitem pfarrer troffe?

@santhia: merci bi dem sind d stei au obedruffe, gseht nur ufem föteli so us will er chli abgschräget isch. finds no cool wenn mer vo vore luegt gseht mer stei das isch no speziell
hey cool i welle lade gahsch?

Zuletzt bearbeitet am 28.01.14 11:27