Serviette imne Lindgrüen findi e super Idee!! aber i fürchte, so öppis wär bi üs nid möglech, wöu mer jo aues vom Resti bezieh und i dänke nid, dass die Serviettene i aune Farbe hei. Und Stoffserviette für aui chaufe isch de äuä doch chli tüür.
ohhh, dä isch jo au wunderschön!! :-) Und gseht au nacheme guete Tanzbode uus :-) So wie d'Tische uf däm Böud deckt si, gfaut mer ebe scho no. Finge jetz nid, dass das steril usgseht :-) Aber chli meh Farb chönnti mer glich au no vorstöue!
Öise Ruum isch fasch e chli gross für 60 Lüt, aber de heimer gnue Platz zum Tanze :-)
@similein: du hesch ja no gfragt wägem coiffeur/makeup, ich wirde ca. 160.- zahle (je nach ufwand) plus no es haarteil (us ächt-haar) das choschtet ungefähr 120.-. das chani aber nacher bhalte und wider bruche
@me: han hüt d iladige verschickt bin gspannt uf dreaktione
Drücket mir hüt zobe d'Düüme, goh hüt go Chleider aluege!! I hoffe, i finde de glii eis, süsch wirds de doch no knapp ;-) am Samschtig hani au nomol e Termin
I freue mi sehr! :-)
Novia: hesch scho Reaktione übercho uf dini Iladige?
Mir hei jo jetz ändlich öisi Save the Dates Mails verschickt und hei au paar Reaktione übercho! Aber mir heis irgendwie verpasst druf z'schribe, dass si sech scho chöi amäude. Drum, paar heis gmacht, vöu aber nid. Isch jo au irgendwie logisch, dass me bimne Save the Date noni so amäudet. So hei die usgseh (eis Bsp): (wär eigentlich es PDF, aber zgross zum ufelade, drum hani Screenshots gmacht).
Süsch lauft au einiges, bi die ganz Zit am maile mit diverse Lüt: Fotograf, Organischt, Florischtin, mittem Pfarrer träffe mer nis nöscht Donnschtig, usw. hufff....
@santhia: ich drück dier d düüme für hüt das du es chleid findsch! duesch denn morn brichte wies gsi isch
gsehnd schön us euchi save the date iladige! das mitem amälde findi ned so schlimm, die meischte wüssted ja jetz s datum und werded sichs au freibhalte.
ich han praktisch kei reaktione uf eusi iladige bis jetzt... usser dene wo ichs persönlich geh han die hend alli freud gha, aber die hend au all scho gwüsst das iglade sind. susch hend mier bis jetz ersch zwei gschribe und dankt für d iladige und das sie ihne mega guet gfallt. 3 kollege vo mim GG hend sich agmäldet für de apero, det hani aber au ned riise reaktione erwartet bi chli enttüscht aber naja isch glaub normal das ned meh reaktione chömed
weddingbee85 und similein I zahla au rund chf 500 für coiffeur und make-up mit jeweils probe. mi häts also au fascht vum stuahl ghaua, wo i das ghört han. isch aber glaub normal.
novia_mayo miar händ dr pfarrer au no nia troffa. er hät gsait, dass es längi, wenn miar na 2-3 monat vor em hochzit amol treffen. bin gspannt. fänds jo schön, wenn er üs guat kännalernt, denn wirds ir kircha au persönlicher.
santhia wow, a mega schöna ruum händ iar! do bruchts würkli nid viel deko.
me i bin letschti mis klaid nomol go aprobiera und es isch definitiv genau mis :) han ganz zittrigi knüü kriagt, wonis nomol akah han. i bin im moment am schuah suacha. das isch echt a schwierigs unterfanga. hans jo dia absolut höhi gfunda: bin in zoro in züri go luaga und denn händs gsait, dass sie miar kai accessoires etc verkaufen, wenni mis klaid nid bi ihna kauft heg. so frech. janu. etz bini halt witer am suacha. wo händ iar euri schuah gfunda? und äba, bruutschmuck isch immer no as thema. wüssen iar scho, wer eu an dem tag zum coiffeur begleitet und eu alait?
ich han grad hüt mitem pfarrer telefoniert, imene monet hemer de termin. ich dänke das langed. er kännt mich no vo früehner, vo dem her wirds scho passe
@speusa: cool mitem chleid! ich freu mi au scho mis wider azlegge hey das isch ja mega fräch vom zoro... gaht gar ned... ich han mini schueh bi jj house bstellt... schmuck hani au gfunde. s diadem hani det kauft woni s chleid kauft han. ohrering hani im globus kauft und s armchetteli im claires bi mier chömed zum coiffeur mis mami, mini schwöschtere und mini tätschmeischterin mit. bim alegge wird denn mis mami und mini schwöschter hälfe
etz muassi grad min frust loswärda. letschti isch vu minem gg d'familia bi üs gsi und händ üs luuter vorwürf gmacht, dass sie no gar nid wüssen, wenn, wo, was isch... wer tätschmeister isch etc. sie wüssen nüt weg dr mottofarb, was sie alegga müassen und wega gschenk wüssens nid was mer wänd. hm... min gg und i händ äba kai Homepage, sondern üsi tätschmaister schicken das per mail usa mit ihrer info. das isch etz no nid passiert, will sie sich au no organisiera müand. i han mi echt so agriffa gfühlt. bi allna andera hochzita hegens das scho viel früahner gwüsst. sind denn miar so spot dra? sind euri gäscht scho voll aktiv? bzw. sind euri gäscht voll informiert? miar sind halt völlig unkompliziert und schrieben da gäscht sicher nid vor, was für a farb sie alegga müand. gschenk wemmer halt für d'flittis was, isch au völlig unkompliziert.
Anmelden
aber i fürchte, so öppis wär bi üs nid möglech, wöu mer jo aues vom Resti bezieh und i dänke nid, dass die Serviettene i aune Farbe hei. Und Stoffserviette für aui chaufe isch de äuä doch chli tüür. 
I hoffe, i finde de glii eis, süsch wirds de doch no knapp ;-) am Samschtig hani au nomol e Termin