@weddingbee: isch en schwierigi situation, aber wie d stellablack scho säit, chli typisch männer. de tz vo mim GG hed bis jetz au no gar nüt gmacht und au no nie gfragt öb er öpis cha hälfe. mini tz macht alles und isch immer dra am luege und mache. ich finds au ned so fair und ich dänke wenn mer zum "job" TZ ja säit chan mer au chli öpis mache und sich ibringe. was säit denn din GG dezue? ich finde es würd a ihm ligge mit sim tz z rede...
Weddingbee: Mische mich eifach da dri willi das gad glese han unds bi eus genau glich isch. Mini TZ (Schwöster) git sich mega Müäh weiss jede Termin wo mir händ und ich zeige ihre ziemlich alles. Und euse TZ (Brüäder vo min GG) macht überhaupt nüt. Sit mir ihn gfröged het heter nieee öpis gseit oder gfröged zu de Hochziit. Er gaht mer richtig uf d Nerve. Aber ich han mit minere TZ gredet und sie het gseit sie wird ihm scho mal d Eier schliffe, ich sölli mich da nöd ufem Fänster lähne. Will es stimmt sie würder glaub nöd so azicke wie wenn ich öpis säge. Chönti nöd dini TZ au driekt ihm öpis säge und uf de Tisch haue?
weddingbee: mir hei ke tätschmeister, nur 2 TZ und das isch äs päärli. mir hei am afang ds gfüeu ka, si bringe sech vou nid ii, fragä üs nüd, häufä nüd. wo mir när üser euterä hei agsprochä druf, was mir söuä machä, hei si üs vrratä, das d tz mega viu mache und scho viu organisiert hei. mir wüssä das eifach nid, für üs gits viu überraschigä. di gg söu doch mau si tz druf asprächä bimenä bierli oder so?
Do chani dini TZ verstoh, so elei z'entscheide isch nid eifach. Wobii eg letscht Johr s'Hochzit vo mire Schwöschter au elei gmanagt ha ohni der TZ vo ihm. Aber das isch mer irgendwie no rächt gsi. Ha denn eifach mini Eltere au no gfrogt.
Do ig aber chline Kontrollfreak bi wetti scho rächt vöu wüsse und mir möche au zimlich vöu säuber. I gibe denn eifach mire TZ vor, wo si cha überraschige iplane (wöu Überraschige liebi denn au). Aber so grob wotti scho wüsse was lauft
Wie vöu Gäng heit dir bim Ässe? Bimer am überlegge öb 2 + Desserbuffet oder 3+ oder 4+? sProblem bi 5-Gäng findi vor auem, dass me de mega lang mit ässe beschäftigt isch und vöu weniger Zit het für Spili, Rede, Tanze... es müesse jo de immer aui wider a Tisch go hocke.
Ui, geschter simer nones Vorshooting go mache mitem Fotograf und die unbearbeitete Föteli si scho so toll! Freue mi richtig ufd Föteli vom Hochzit, wenn die au so toll wärde bini happy :-) Die chani jetz für dIladige verwände woni jetz mit Hochdruck dra bii nime aber nüt vorgfertigts sondern mache aues säuber. Und es duuret bisis gnue guet finde Hoffe es wird so cool, wieni mirs vorstöue!
@santhia: aso mer wärdet nor en salot ond en hauptgang ha ond de spöter no d'hochzytstorte. aso eigentli keis dessert grad nochem ässe. well echs eifach schad fende, zuesätzlech zo de torte no es desser z'serviere. well so vell mag sowieso niemert ässe. ond de hani lieber, dass secher jede gast es rechtigs stöck vo de torte bechond. die choschtet jo schliessli au gnueg ond wer jo schad, wenn mer nocher en teil muess wegrüehre.
Bi mir macht mini Schwöschter eini, si isch chli dra am das lehre und die bi ihre het mir sehr guet gfalle! Do chame guet no öisi Farb inebringe (grüen). Und fein isch si au gsi!
Isch zwar nid gaaaanz perfekt wiene kaufti, derför e säubergmachti ond vöu günschtiger. De längts no fürnes Dessertbuffet, wasi ebe au meeega liebe.
Me dunkts ebe au, 3-Gäng länge, vor auem wenns vorhär nones üppigs Apéro git (das choschtet jo denn au öppe 25-30 Stutz pro Nase!). Aber die Süppli und Zwüschegäng döne ebe au suuuper! Hach... :D
@alli: wow, scho so vill antworte!! aso mini tz het au gseit (wie vode pfingstrose empfohle), dass sie ihm "d eier schlifft" bzw. sie entscheidet eifach alles sälber und seit im aschlüssend was er ztue het und dänn muess er eifach atrabe und das mache wo sie ihm seit...chunnt wahrschinli scho guet. aber trotzdem, er hät ja gseit zum tz-job dänn muess er halt au dezue stah und öpis mache (find ich)...
@weddingbee.. aso bi üs ischs scho so das üsi TZ sehr viu organisiere.. aber mir chöi üs ou vou u ganz uf si vrlo.. u si si haut o es rächts trüppli (4 Froue u 2 Manne) und aso gäbe o djungs sehr viu iisatz..! Aso i würd o mau dim GG säge är söu doch mau mit ihm rede! Cha so züg nid vrstoh, wüu wenn me doch zueseit TZ ds si, de sött me ja o bereit si chli öbis ds mache..!?
@morelina.. was schänket de dir öine TZ? Wenn i darf frage..
@santhia.. woow gseht kuul us die turte.. mir gö gad morn go luege wäge dr turte u Dessertbuffet, i wet äbe ou beides bi de gspannt was das aues söu choste.. hoffe i gheie de nid gad abem hocker!
@ässe.. aso mir hei o eifach ds Apéro u när gits salat/grillbuffet u de äbe no ds Dessertbuffet.. i finge das längt u do cha jo eh jede so viu go hole wiener ma.. isch när ou nid guet wenn aui so vou gstopft si u sech nüm möge bewege.. me wot ja när schliesslech no chli paarty mache
@me.. i sött die wuche no bir Floristin vrbi.. ds zivile steit jo scho fasch vor dr tür u i sött no es strüssli bsteue.. aber ha irgendwie no gad so ke ahnig was i wot.. u de wet i äbe de o schüsch no gad luege wäg de blueme fürs fescht..! bis ändi wuche sötte sech eig. aui a- oder abmädue, hei no zimli viu offe.. düet dir die lüt nomau dra erinnere oder wie machet dir das?
@santhia: dasch natürli mega lässig wenn torte vo de schwöschter gmacht werd. do wörti aso au ned nei säge... ond dhauptsach esch jo, dass sie fein esch zom ässe. brengt jo denn au nüt wenn sie guet usgseht aber ned wörkli fein.
do mer ebe ned chönd verlängere bi de location ond mer dorom chli en "straffe" ziitplan händ, wänd mer ned zvell ziit met ässe verbrenge. mer händ zwar öpis feins, aber ebe, zlang ässe wer eifach schad. de wört s'andere zchorz cho. ond die meischte lüüt händ jo nochem apero scho gnueg
@similein: aso wenn mer noch de amäldige wörtet goh, de müesstet mer praktisch ellei fiire aber emmer wenn mer öper druf aspreched, dass sie sech noni agmolde händ, chond d'antwort "ah, dasch doch logisch dasi chome" aso mer händ jetzt da so gmacht, das mer eifach met allne rächnet, ossert es sägi öper explizit ab. ond eusi TZ tüend au no es schriibe a alli gäscht mache ond det tüends de aber au nomol erwähne, das mer sech doch sell amälde, das es chli eifach er esch wäg de planig.
@all: händer im momänt au sgfühl dass ziit nor so rased? ech meine, ech be jo die letscht met em 31.05. ond gliich hani sgfühl es goht onglaublech schnell dore... jetzt hämer ned mol meh 100 täg... ond wenni de amigs zrogg rächne was zom biispel vor 2 mönet gsi esch (wiehnachte) ond das i 2 mönet scho ändi april esch... de werds mer amigs fasch bitzeli schlächt
Anmelden
Freue mi richtig ufd Föteli vom Hochzit, wenn die au so toll wärde bini happy :-) 
nime aber nüt vorgfertigts sondern mache aues säuber. Und es duuret bisis gnue guet finde 
Hoffe es wird so cool, wieni mirs vorstöue!
de spruch muessi mier merke 
bzw. sie entscheidet eifach alles sälber und seit im aschlüssend was er ztue het und dänn muess er eifach atrabe und das mache wo sie ihm seit...chunnt wahrschinli scho guet. aber trotzdem, er hät ja gseit zum tz-job dänn muess er halt au dezue stah und öpis mache (find ich)...
