@stellablack: yay, hochzytsdatum-zwilling s gaht mer absolut glich...es gaht sooooo schnell und ich han gmeint mir hend ewig ziit bis das datum chunnt. aber nei, es wird ab jetzt nur no schneller gah...s bliibt eus nüt anders übrig als eifach locker a das ganze anezgha (wer bin ich das ich das säge...)
ja, findes o gad, dass d zit mega schnäu vrbi geit.... no 3 mönet ladys wid weddingbee seit, eifach locker agah
gschänk tz: mir hei dänkt äs wellness-weekend, da si scho gwitzlet hei, si müesse de gad äs wellness-weekend ilegä nach dr hochzit um sech ds erhole.
ässä/gäng: mir hei äs salatbuffet/vorspisebuffet, ds houptspiisbuffet und aus dessert eifach d turte.
a- und abmäudige: heit ier o lüt wo nid reagiert hei uf d iladig? wi macheters dert, düet ier nachefragä? auso bi denä wo nur ads apero agmäudet si fragemer nid nachä, aber mir hei lüt wo für ds ganzä fescht igladä si wo nüd hei drglichä da. eifach alütä u mau fragä?
Do mer no gar ke Amäudige verschickt hei, het sech au no niemer agmäudet ;-) Aber es wird langsam und sie wärde richtig super hoffi. Bi no immer am zeichne und designe ;-) Heiter bi üchne Amäudige no Informatione äxtra derzue do? (z.B. dassme wägem Parkett kei Stilettos darf alegge oder settigi Sache). Mir hei das aues uf üsere Homepage, aber es wärde natürlech nie aui döt häne go luege, drum heimer dänkt mir chönnte vilich nones Bilageblättli zu der Iladig derzue legge. Id Iladig säuber wetti das eigentlech ned driischribe und d'TZ cha sech so au s'Porto spare für öppis, womer sowieso jetz scho wüsse.
Wäg de Amäudige: E wörd ganz klar nochefroge und wahrschiinlech ned emou alüte sondern nome es SMS oder es Mail schribe und irgendwie mitemne Spruch derzue ;-) Fingi scho chli fräch, sich eifach gar nid z'mäude aber passiert leider immer öfter.
Hüt heimer no es Mail übercho, dass öisi Ringe fertig und abholbereit si! Vilich gömmer de die no go hole am Samschtig.
jo i find au, dass dia ziit rast. es goht bi miar nid mol meh 3 mönet :) händer au zgfühl, dass gar nüma so viel astoht? (und im glicha zug hofft ma, dass ma nüt vergisst!)
Nama: dia wucha händ miar no trauuigsvorbereitig. denn muassi mi definitiv wegem nama entschaida. ehrlich gsait waissis immer no nid. i tuan mi aifach schwer, min nama ufgeh. aber es wär scho au schön, in zuakunft mit einem nama uftreta. vor allem wenn ma familia plant. miar händ beidi schöni näma, das isch au kai argument. wia händ iar eu entschida?
Essa: Miar werden am obig wohrschinli a salat, warmi vorspies, hauptgang, dessert mit torta ha. do hämmer au dia wucha dia definitiv besprechig. und in zwei wucha hämmer denn grad z'probeessa.
Ameldiga: Würdi sicher au nofroga. Bis üs gits no öpa 10 lüt, wo sich nid agmolda händ. Dia ainta werden sich aber ugfrund vu FAmilianochwuchs erst spontan entschaida könna.
Gschänk TZ: Miar werden ihna sicher d'hotelübernachtig zahla. und sus wüssemers au no nid. TZ machen bi üs aigentli au nüt. Tätschmeister sind meh involviert.
Schmuck und Schuah: Han immer no kai Schmuck und Schuah. Iar? Langsam werdi scho fascht nervös...
jaaa es geit im momänt meega schnäu ume die Zyt.. i zwe wuche hei mir ds zivile für das hei mir aues organisiert..usser e chline bluemestruss.. woni immer no kei ahnig ha was i wot
Name.. do het mi GG sich entschide mine aznäh.. bi denn säuber erstuunt gsi u ha eig. immer drmit grächnet das ig de sine wirde a näh..! aber mir ischs natürli o rächt wenn är mine wet u für mi isch immer klar gsi das mir e gmeinsame familiename wei.. wäg de ching!
Ässe.. gester si mir no wägem dessertbuffe/turte go luege, das hei mir jitze aues bsteut.. hei jitze e turte u när no so chlini glesli mit feine Sache dine.. mhh..fröie mi scho jitz ufs Dessert
gschänk TZ.. do wüsse mir o no nid so rächt was mir wei!
schmuck u schue.. hani eig. scho aues.. u am Weekend hei mini eutere üs gad gseit, dass si üs gärn öbis zur hochzyt wete schänke.. aso füre GG e Uhr u für mi e Perlechetti.. hani mega fröid u vorauem hanis überhoupt nid erwartet..si zahle üs schone riise batze as hochzytsfescht..!! Mini schueh hani gad im gschäft kouft woni ds chleid här ha, die si suuper u meeega bequem.. u när chani se ifärbe..
Wie heit dir das glöst mittem Dir/Euch? Heiter verschideni Versione vo Chärtli lo drucke? I wett eigentlich nume 2 Versione lo drucke, eis für dApérogäscht und eis für die gladne... de wetti nid no jewiils es Chärtli für Einzumaske und eis für Päärli/Familiene...
Und was heiter so fürne Text driigschribe? Zeigt öpper sini Chärtli? I würd mini au gärn zeige zum euche Sänf derzue zghöre, aber PDFs chame jo leider nid do inelade!
Bi de gspannt wie das mittem amäude bi üs wird. Bi öis hei si nume 2-3 Wuche zit zum sech amäude, wöu mer jo d'Iladige so spot verschicke. Aber si hei jo scho s'Datum per Save the Date übercho, vo däm här sett das nid zknapp sii, oder? Mängisch ischs sogar guet weme nid no 2 Mönet zit het zum sech amäude, de vergisst mes weniger.
@Santhia.. schicke dir do gad es biudli vo üsne iiladige.. bi de apéro steit eifach das: Zur Trauung und anschliessendem Apéro laden wir Dich / Euch herzlich ein. I dänke das isch sicher nid schlimm we me nur 2-3 Wuche zyt het.. vilich ischs sogar besser, de geits nid vrgässe!
I glaub, i ha scho wider vöu z'vöu driigschribe bi mine :-)
Das wäre mini Entwürf. Gseht chli komisch uus so, wöus jo ebe denn mit 2 Fauze wär. s'Ändformat wär de quadratisch ond be däm wo Innenseite heisst würd me beides gäg ineklappe und bim andere wo Titelseite heisst würd mes natürlech gäg useklappe. De hätt me z'vorderscht s'Böud mit de Maiglöggli, de klappt mes uuf und de chunnt das vereinigte Logo, dass es de jede tschegget *hihi* und links wär de s'grosse Föteli ond de würd mes nomou ufklappe und würd de der Text i der Mitti und die chline Föteli gseh...
Hmm... a dene zeichnete Buechstabe chönnti no stundelang umebaschtle, es git immer no öppis woni wett verändere Aber langsam settis de scho öppe verschicke
Ich heirate am 23.05.2014. Nur auf dem Standesamt, dann Apéro, Kutschenfahrt und anschliessend Nachtessen.
Aber: Ich weiss einfach nicht, welches Lied wir als Hochzeitstanz nehmen sollen! Aufgrund des Kleides wäre wahrscheinlich ein langsamer Walzer das Beste. Aber ich finde einfach nichts passendes.
ich melde mich auch mal wieder... hat sich einiges getan letzte Woche... wir hatten mit unserem Pfarrer den Termin und soweit ist nun alles geklärt. Zudem sind wir mit unseren Musikern für den Gottesdienst zusammen gesessen und haben uns definitiv für die Lieder entschieden.
Gschänk TZ: mer wärdet ehne au d'Öbernachtig im Hotel zahle.
Amäldige vo de Gäst: aso bi eus händ sech vo 60 gladne Gäst grad mol 11 agmolde wo mer d'Lüüt denn druf agsproche händ, händs gmeint, es seig jo selbstverständlech dass chämed
Schmuck ond Schueh: aso Schueh han ech im Brutlade kauft... ned ganz günschtig aber deför bequem Schmock beni ebe au no am suche, ech möcht Perle aber ned in wiis sondern in anthrazit. Ond ergendwie fendi nor emmer ächti Perle i dere Farb ond dasch halt chli cheibe tüür. Aso falls öper en gueti Idee hed wo mer zom Biispel online öpis fendt...ech nehme sehr gern Idee entgäge.
Chärtli: ech ha eusi Iiladigs-Chärtli alli selber bastlet. Ond dor da denn d'Iilageblätter met em Text au selber drockt. Dorom han ech au 4 verschedeni gmacht. Aso för de Apéro ei Sorte Euch ond ei Sorte Du. Ond bi de gladne Gäscht denn au.
@StellaBella herzlech Wellkomme bi eus im Forum... ech be zwar au ned grad die fliisigscht Schrieberi. Wo tüend ehr denn hürote? Mer händ aso au no keis Lied för de Hochzytstanz... send no bitz onentschlosse. Werd aber wohrschindli eher rechtig DiscoFox goh... da chömer ond da gseht de au am natürlechschte us fendi. Möcht ned extra no go en Tanzkors mache... mer set schliessli gseh, das mers send ond ned zwoi Puppene wo tanzed
Anmelden
s gaht mer absolut glich...es gaht sooooo schnell und ich han gmeint mir hend ewig ziit bis das datum chunnt. aber nei, es wird ab jetzt nur no schneller gah...s bliibt eus nüt anders übrig als eifach locker a das ganze anezgha (wer bin ich das ich das säge...
)
hoffi. Bi no immer am zeichne und designe ;-) 
u für mi isch immer klar gsi das mir e gmeinsame familiename wei.. wäg de ching!
