| Mai Bräute 2014 |
|
|
1 .. 64 .. 125 126 127 128 129 .. 138
|
|
|
|
|
|
|
|
|
|
|
|
|
14.03.14 12:21
Santhia 
|
Re: Mai Bräute 2014
Jeeeeehhhhh, härzlichi Gratulation!!! :-) Und sooone wunderschöne Tag heiter usgsuecht!! Das wünschi mir au :-)
I cha hüt i 3 Wuche um die Zit au säge, i bi verhürotet!!  bi jetz scho chli närvös!! :-)
Ha geschter sChleid kauft für die standesamtlichi Trauuig.
Und hüt hemmer ändlich d'Iladige ufd Poscht brocht! I hoffe, die chöme alli morn aa, trotz speziell agschribne Couverts. Und i hoffe, dass sich denn e paar wärde zruggmälde! :-) ha aber jetz scho chli Angscht vor der Enttüschig. I ha jetz sooo lang gschribe und gmacht und nächär mäudet sich niemer. Hejo, mit däm muessi rächne, aber chli fiis ischs scho.
Bi üs fäut no auerlei, drum chumi langsam chli ine Stress ine. Müesse no Musig bestimme für id Chile, Schue und Schmuck bruchi no, Tischdeko und Namensschildli müesse mer no baschtle....
Denn üses Mittelalterfäscht plane, inkl. Menuplanig und Spili fürs Ritterturnier (heiter vilich no gueti Idee was mer do chönnte mache? ). Das möche mer am Tag nach der Ziviltrauuig, sones chlises Mittelalterfäschtli mit öppe 30 Lüt. Und mir wette 2 oder 4 Gruppe mache, wo gäge nander aträtte i verschidene Diszipline (z.B. Bogeschiesse).
|
|
|
|
|
|
|
|
18.03.14 13:03
canellanicht registriert
|
Re: Mai Bräute 2014
hey zäme
mälde mi au widermol us dr versänkig...ha immer chli mitgläse, aber bi nid drzuecho zum öbbis schribe.
isch e huere stressigi zyt gsi... und jetz bini au scho verhürotet. mir hän jo au am 14.03.2014 bi däm superwätter chöne fiire.
am morge hani au nid lang chöne schlofe, ha eh schlächt gschlofe die ganzi nacht. ha denn mit mim schatz zmorge gässe, är het de wider i stall müese. i ha denn chli umegschnuschet und no dies und das ufgrumt und parat gmacht. de hets scho glütet a dr hustüre. mini schwimu....."hallo, chasch du die nögste 1.5 stund luege, dass dich die biede manne nid dr gring ischlö, i mues jetz id physio, tschüss".
i bi so hässig gsi...gopferdelli, was het die eigentlich s gfühl gha? ha siche NÜT anders zdue gha, also dr ganz morge mir sorge z mache...pfffffffff...mini stimmig isch schomol zimlich am arsch gsi. ha denn s apero zwäg gmacht und bi zum coiffeur uf bärn. bi no chli z früeh gsi und ha mr mol im starbucks no e grosse kafi gholt, das het mini närve chli beruhigt.
nach em coiffeur bini mis blüemli go hole und denn hei go alegge. mr si denn au pünktlich abgfahre zum standesamt und viel z früeh dört gsi. simer halt no es bierli go trinke. s isch so mega warm gsi.
ich bi mr wältsblöd vorcho mit mim chleidli und em strüssli so i dr stadt umelaufe.
denn isch es scho sowit gsi, standesbeamtin het uns inegrüeft. denn weiss is gar nüm so rächt. isch soooo heiss gsi dört inne und ich bi so ufgregt gsi und ha gschwitzt wie blöd. ich ha eifach immer uf die frog gwartet," wenn dr weit, de antwortet jetz mit JA"...aber si het nur gfrogt "weit dr?" und ich ha mega lang nid gschnallt dass jetz dr momänt wär zum Ja säge
denn hämer no müese unterschribe und dr ganz zauber isch i 10min scho ume gsi.
wo mr usem standesamt use cho sin, sin au mini eltere dört gsi, oooooooh ich ha soooooo freud gha!
mr hän jo d eltere nid iglade will mi schatz ebe so krach het mit sine, drum hämer uns entschlosse nur mit de trauzüge ufs standesamt z go.
aschliessend simer an see go es aperopicknick nä und denn no fein go ässe.
es isch super gsi!!!!!
am samstig häner denn usgschlofe, zmörgelet und packt, will mr s wuchenänd furt gange sin. schwigermueter isch schowider cho lüte, ich bi no im bett gsi. mi schatz het ufgmacht. si het nur gfrogt öb ich do sig, är so nei ich sig no am schlofe. si het ihrem sohn nid mol zur hochzyt gratuliert...wie truurig isch das?!!! eifach unmöglich!!!
ich bi denn au nid äxtra ufgstande oder so, ha eifach ghofft mr chöne furt ohni das si mr nomol übere wäg lauft, was au glunge isch. mr hän denn es wunderschöns wuchenänd in zweisamkeit verbrocht und zum abschluss simer zu mine eltere hei no go ässe. die hän e mega freud das mir zwei glücklich sin und möges üs au gönne.
es isch so komisch jetz z säge "ich bi verhürotet", "mi ma"....vor dr hochzyt hani chli angst gha, dass denn nach dr hochzyt plötzlich alles ander isch und jetz bini fasch e chli entdüscht will no immer alles genau glich isch wie vorhär hahahaha i glaub i has au no gar nid ganz gschnallt, das chunt denn allwä meh no mit em kirchliche.
sovil vo mim zivile....
|
|
|
|
|
|
|
|
1 .. 64 .. 125 126 127 128 129 .. 138
|
Anmelden
si de immer no gnue früeh dert gsi, so dass mir no vor scho par Föteli hei chönne mache.. d’Trouig isch eig. när e churzi sach gsi u i bi immer no so närvös gsi, dass i gar nid richtig mitbrcho ha was üsi Standesbeamtin aues vrzeut het 
Wo mir si use cho si de o scho par Lütlis dert gstange.. si mega überrascht gsi wüu mir würkli niemer erwartet hei.. mir hei ja nur im chliine kreis mit Trouzüge u Eutere ghürotet! När ischs de wiiter zu mine Eutere gange, dert hei mir e chline Apéros gno u när si mir no lecker go ässe.. Jo das wärs eig. scho gsi.. hei würkli e super schöne tag gha, isch herrlech gsi bi däm wätter.. aber irgendwie realisieris no nid das mir jitze vrhürotet si 
