| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Mai Bräute 2014
 1 .. 65 .. 127 128 129 130 131 .. 138
26.03.14 22:16
Lula 

Re: Mai Bräute 2014

@novia: Eifach afe die vom Zivile, ha vori gad dr Bricht gschribe


http://www.heiraten.ch/forum/board/versc...5_227_5.html#49
02.04.14 09:03
StellaBlack  		Re: Mai Bräute 2014

hoi zäme

so, wie laufts bi euch so im schloss-spurt? ech be jo eigentli die letscht met em 31.05., velli vo euch werdet jo i chlii meh als eme monet scho verhüürotet sii
händer alles zäme? oder was müend ehr no so mache? wa esch euch no i senn cho, wo mer ned setti vergässe? ech merke erscht jetzt, wie vell chlinigkeite das es no zmache geht oder a was das mer alles muess dänke

schöne tag wönsch ech eu (so wätter wie höt set mer ha...)
02.04.14 09:37
novia_mayo 

Re: Mai Bräute 2014

@stella: ja jetz gahts würkli nüme lang, und das macht mer chli angscht ehrlich gsäit... bis jetz hemer immer chönne säge, jajaa mier hend ja no ziit aber jetz hemer ebe nüm würklich vill ziit
vill grossi sache müemer eigentli nüme mache. was mier no mached isch mit eusne ganze lüüt (TZ, eltere, tätschmeischter usw.) de ganz tagesablauf bespräche, wer wenn was macht. das find ich no wichtig und ich bin denn chli beruhigt wenn jede weiss was sini ufgabe sind a dem tag.
ich han vonere kollegin wo letscht jahr ghürate hed no par tipps übercho, evt. hilfed euch die au. a so sache hett ich nämlich ned dänkt:

- trinkgäld imene couvert parat ha für diversi lüüt (band, dj, restaurant usw.)

- sich gedanke mache was mer mit de gschänk macht vo lüüt wo nur an apero chömed. das chönd zum teil au grösseri sache si. falls mer nacher amene andere ort s nachtässe hed muess mer luege wie die gschänk denn det hi oder grad direkt zu euch hei chömed

- mitem fotograf abspräche wie ier wänd föteli mache mit de gäscht. eher spontani schnappschüss oder gezielt gruppe (zb. alli arbetskollege). am beschte öper bestimme wo jewils die lüüt zämesuecht woner wänd föteli mache

- falls rägnet - was mer ned hoffed und es wird sicher so tolls wätter si wie jetzt! - en grosse schirm debi ha wo ier mit em GG drunder passed
02.04.14 10:35
StellaBlack  		Re: Mai Bräute 2014

@novia: jo gäll, jetzt eschs plötzli onglaublech schnell gange... min GG ond ech händ im April no eusi Polterweekends, aso goht de Monet au no u schnell dore ond de hämer de scho Mai, uiuiui

Danke för dini Tips, ech ha mer da zom Teil au scho ufgschrebe gha. Ha mer so en ToDo-Liste im Gschäft gmacht, woni vorzue drii schriebe was no so ztue esch ond es werd ned weniger, eher emmer meh

mer händ eigentli au alli grosse Sache fertig, ech set nor no es paar Sache bastle (Tisch-Chärtli ond Astecker). Soscht esch eigentli alles greglet.
Met em Pfarrer muessi de nomol per Email Konakt ufneh zom rasch no en Endbesprächig zmache. Mer gsänd ehn ebe nöm vorem Hochzyt. Ond de au no en gnaue Ziitplan ufstelle ond d'Fotografin nomol kontaktiere betr. de Ziite ond Sujet wo mer möchtet. De setti no Schmock ond Unterwösch finde ond en Notfalltäsche zäme stelle

Wenn hürotisch du scho weder? Secher vor mer

02.04.14 11:11
novia_mayo 

Re: Mai Bräute 2014

was mached er a de polterweekends??
schöni unterwösch sötti au no ha, finds chli schwirig öpis z finde...
am 24.5.

02.04.14 11:17
StellaBlack  		Re: Mai Bräute 2014

ah demfall en woche vor mer
min GG goht no i Berge ond ech in Europapark... ha kei so klassische Polterobig welle met Trenke ond doofe Spieli mache.
02.04.14 13:43
speusa  		Re: Mai Bräute 2014

jo jetz gohts mega schnell. bin aber langsam froh, wenn dä tag do isch, iar nid au? miar händ üsi polteris im mai, zivil hämmer a wucha vor dr trauig...

miar müand no:
- menukarta macha
- an oldtimer bschtella
- gastgschenk fertig macha
- a gnaua zitablauf und wer was macht --> hät öpert a vorlag vu eu?
- in tanzkurs go
- ins solarium go

iar?

novia_mayo: danka für dia hilfricha tipps! und im beldona häts immer schöni unterwösch

02.04.14 14:29
Similein 

Re: Mai Bräute 2014

Hoi zäme

jaaa jitze geits nüm lang.. huui...

mir hei eig. o meh oder weniger aues gmacht..

- müess no dr tagesablauf plane
- no parne rückmäudige gä mit dr def. anzau lüt (hei sech immer no nid aui a- oder abgmäudet)
- öper organisiere wo orgle spiut füre ii- und uszug us dr Chile
- mis chleid go abstecke
- hei no es letschts träffe mit de TZ u dr fotografin ir Location

jo das wärs gloub..

das Weekend isch no mis polterweekend.. (het üs nüm glängt vorem zivile ) bi scho gspannt was mi erwartet.. si vrrate absolut nüt

02.04.14 14:42
novia_mayo 

Re: Mai Bräute 2014

@stella: aah cool ja es muess ja ned immer de klassisch polterabig si. hauptsach ier hends guet! ich gah das wuchenänd au no mit mine schwöschtere weg, s letschte mal mitem alte pass und em alte name. isch scho chli es komischs gfühl...

@speusa: doch ich bin au froh wenns endlich so wiit isch und de tag da isch
ooh guete punkt is solarium sötti au no

@similein: gnüss din polterabig wird sicher super und duesch eus denn verzelle was er gmacht hend
02.04.14 16:09
StellaBlack  		Re: Mai Bräute 2014

hihihi, is solarium muessi aso au no... bes jetzt heds mer eifach amigs chli gstunke. ond uf diät hani mech au no gsetzt... obwohl, so chorz vorher werds allwä nüt meh brenge, hautpsach mis gwösse esch beruhigt.

ech be au rechtig froh wenn de tag denn äntli do esch... wäg dem hochzyt heds so vell onstemmigkeite geh ond mine fraue, ganz forchtbar. hoffe es bessert de nocher weder, soscht muessi fascht es paar ustuusche oder so. händ ehr so sache au erläbt, dass niidisch gsi send, iiversöchtig uf en anderi wells ned iibezoge worde send. gägesiitig enand azickt händ, eim vorwörf gmacht händ, wells gfonde händ, sie hetted au müesse gfrogt werde.... ech chönt do ellelang storys ufzelle...
 1 .. 65 .. 127 128 129 130 131 .. 138
janedoe   santhia   eigentlich   natürlich   canella   gspannt   eigentli   pfarrer   iladige   Zuletzt   similein   chleider   richtig   Morelia   hochzyt   Location   irgendwie   chärtli   weddingbee   bearbeitet