@stella: ich han mier au mal en provisorischi lischte gmacht... wottsch mer dini mal schicke und ich dier mini, denn gsehmer ja öb öper öpis vergässe hed

@santhia: gratuliere. dini hp bini ga aluege. di isch super. heiter diä säuber gmacht?

@stellablack: das wär üsi to do liste:

-restaurant reservieren für nach dem ziviler
-schuhe einlaufen
-coiffeur termin abmachen für gg
-photobooth sachen zu den eltern bringen (die instalieren alles)
-navi kaufen für amerika
-koffer packen und fahrer organisieren für an den flughafen
-beide letzte anprobe (termine stehen)
-nach dem ziviler der pfarrerin die bestätigung mailen
-tischschilder basteln
-tischübersicht basteln
-geschenk für die trauzeugen organisieren (was wissen wir schon)
-refresh tanzkurs (ist schon bezahlt und termin steht)
-vater-tochter-tanz üben
-ringe, haaraccessoires, schmuck, schuhe bereitlegen
-am tag vor der HZ blumen für die tischdeko abholen und location dekorieren (inkl. kindertisch und candybuffet)
-brautstrauss und anstecksträusli bezahlen (die trauzeugen holen es am hochzeitstag ab)

ig gloubes das wärs.

@me: mir hei üser polterabä no nid ka, mir wüsse o nid wenn dass si si. mir lö üs la überrasche.


frage an alle:
was macher ier mit öirä e-mail adresse? löt ier diä wisi isch oder machet ier ä nöii mitem nöie name?

Hallo zäme!

@morelia: danke :-) jo, aues säuber gmacht. Und i maches mega gärn, aber jetz setti de wider mou e Blogiitrag schribe.

Wie bi auem simmer au jetz wider chli knapp draa, so dass mer no einiges müesse mache:
- Bild zeichnen (für so mit Fingerabdrück z'unterschribe). I mache ke Baum, sondern üses Hochzitslogo
- Namensschöudli fertig mache
- Gästebuech baschtle (i mache für jede es Blatt und lohs de lo binde, so het me keni Fläcke ufem Iband und es längt guet zum mache, wöu mes nid muess umegeh)
- Sitzordnig finalisiere und irgendwie bildlich darstelle oder Lischte mache
- nomou mittem Organischt telefoniere
- Chlieheftli mache (was chunnt döt aues drii??)
- Süessigkeite fürs Candy Buffet chaufe
- überlegge, wiemer us der Chile wei laufe
- no der ganz Ablauf mit aune Beteiligte bespräche
- mittem Fotograf nomou luege... und und und... ;-)
- Hochzitstanz üebe und no Privatstunde neh
- überlegge, öb mer e Tanzbode wei lo verlegge. Die Arschis vo der Location hei ohni öis öppis z'säge s'Parkett müesse renoviere und statteme guete Tanzparkett isch jetz sone raue Spanplattebode dinne.... aaaarg!!! Choscht aber nomou öppe 500-1000 Stutz... :-(

s'wichtigschte si jetz aber afe mou die Namensschöudli und der Tanz



Frage:
- Wie laufet dir us der Chile? Dir zersch? De si aber weni dusse zum Spalierstoh. Zersch d'Lüt, de gseht aber niemer me i der Chile, wie dir uselaufet... hmm... mini Idee wär jo, dass mir zwöi zerscht uselaufe bis z'hinderscht i der Chile und de dört forme mer sones Törli und aui andere Gäscht göi de use sich go formiere und de chöimer no us der Chile laufe und aui wäre scho dört. I ha ebe kei Ahnig wie vöu id Chile chöme und wie vöu de dusse warte. Vilich längts au mit dene wo scho dusse si.

- mini Idee fürs Candy Buffet: i ha geschter statt eso Schüfeli schöni auti töifi Söubersuppelöffel und Zuckerzängli us der Brocki kauft. Gseht au no rächt stylisch uus.

- ah jo, faus der s'Zivile noni gha heit, mi Rot: leischtet öich e Profifotograf, es ischs ächt wärt!! Bi soooo glücklech über mini Föteli, die 500 Franke isch das so öppis vo wärt!!

Hallo Zäme..

Huuui jitz geits nüm lang...
Het eig. öber scho am däm Wucheend Hochzyt?

und sit dir aui so wiit ready?!

mir sötte gloubs sowiit aues ready ha.. morn hei mir no es letschts träffe mit de TZ ir Location..

Ha no e frog.. was schänket dir öine TZ's? I ha irgendwie absolut kei Idee..

i hoffe das de ds zWätter a de Mai Weekends für üs aui suuper isch!!