Jöööö, danke vöu mou!!! Es isch soooo wunderschön gsi und leider scho verbii! Ha grad richtig chli der Blues ... soooo lang isch me dra, und jetz isch aues scho verbii!! I wett grad no einisch und die Sache no mache, woni am Samschtig kei Zit gha ha derfür ;-)
Es Brichtli schribi de höt zobe, vilich, wenni derzue chume. Dehei gsehts no uus, aus hätt e Bombe iigschlage ;-)
Faus der no chöit, organisieret e Candybar und es Notfauchörbli ufem Dame-WC, isch beides meeeeega guet acho, d'Lüt si begeischteret gse!! :D
Vom Notfauchörbli hani leider keis Foti, drido hani aber: - Kniestrümpfe - Tampons + Binden - Deo - Taschentücher - Zahnseide (so einzelne) - Nähset - Nagelfeilen - Haarspray - Blasenpflaster (die wurden rege genutzt) - Feuchttücher - Handcreme - noch mehr was mir jetzt nicht mehr einfällt
Uuuu, do siter sicher aui scho närvöööös!!! :-) Für jetz am Samschtig würdi glaub kei Candy Bar me organisiere, es brucht doch no rächt Zit zum aues zämeträge ond go Süesses ichaufe, Gläser, Löffu, Aschribe etc. Dir heit sicher bessers ztue!
Was no möglich wär, wär e ganz e chlini Version dervo für d'Chinder am Apéro. Am Apéro heimer eifach eis ganz grosses Glas gha und dört drii aues so mini Säckli mit Süessigkeite do. Die chame jo grad so chaufe, z.B. chlini Gummibärli imne chline Plasticksäckli oder chlini Smartiesschächteli, etc. Isch kei grosse Ufwand und d'Chinder hei a däm meh Fröid, aus andere Crevette mit Zitronegras ;-)
Wönsche öich ganz vöu Spass ond ned zvöu Stress mit de letschte Vorbereitige!! Gniesset eifach der Tag, er isch sooo schnäu verbii!
@santhia: danke vell,vell mol för de super tipp met em chörbli för uf s'WC! da werdi aso definitiv no vorbereite.
wie möched ehrs eigentli met so freudeträne-tüechli? ech be emmer chli am hin ond her schwanke... wenn mer settig verteilt, de gseht da jo fascht so us, als erwartet mer vo de gäst dass sie emotional werdet
Dä Tipp hani au nöime gläse! :-) Und es isch so, me ghörts und wotts haa! :-) Und s'meischte wird jo denn zwar nid brucht, aber das chame au säuber wider bruche, vo däm här si die Usgabe do ned so schlemm.
E ha för id Chile eso Chileheftli gmacht und dört dri denn jedem sones härzigs Nastüechli drikläbt und obe hänegschribe für die Freudentränchen. Glaub nid, dass das so überechunnt als würd mes erwarte.
Chunnt alles guet (i cha jetz scho so rede)
Ah jooo, für die wo mitteme Oldtimer abholt wärde oder noni wüsse mit was. Vo mim Brutmodegschäft hani der Tipp becho, uf dene alte schwarze Lädersitz doch es Lintuech hänezmache wöu die ame gärn abfärbe und dass au denn immer öpper bi de Türgriffe stoht und die mitteme Tuech abdeckt. Dä Tipp esch för öis goudrichtig gse!!! Mini Schwöschter het nämlech für sich de nid so ufpasst und prompt het si Charreschmiri am Chleid gha! :-/ Gäbet auso vilich öichne Tätschmeischter die Awisig witer ;-)
Anmelden
... soooo lang isch me dra, und jetz isch aues scho verbii!! I wett grad no einisch und die Sache no mache, woni am Samschtig kei Zit gha ha derfür ;-) 
