För d'Föteli nächär am Apéro heimer 1. e lischte diräkt is Chilebüechli gschribe, so dass jede öppe gwüsst het wener dra esch ond 2. heimer e Ordner gmacht und jedes Grüppli uf eis Blatt gschribe. Öise Trauzüg esch de mittem jewilige Blatt umegloffe und het das wienes Schildli umezeigt, so dass me nid het müesse umeschreie.
ich hoffe das die wo geschter ihre gross tag gha hend ganz es tolls fäscht gha hend und gratuliere euch ganz herzlich!!
mier hend am fritig euses zivile gha. es isch mega schön gsi und min GG isch nervöser gsi als ich es isch u schnell gange ufem standesamt aber d beamtin heds super gmacht und bi es par lüüt sind au tränli gflosse jetz freued mer eus uf euses fäscht am samschtig und hoffe das s wätter so toll blibt! mier müend eigentli nüt meh vorbereite, sind eifach nochli de hochzitstanz am üebe. was staht bi eus no a?
Uiii, do simer jo scho gspannt uf euchi Brichtli! SWätter isch jo scho mou sehr schön gse!
A mim Bricht beni übrigens immer no am schribe, jetz muessi denn aber vorwärts mache, dassi nid aues scho wider vergässe ha! Aber es git soo vöu z'schribe ond wöui so schnäu Sache vergisse, wettis ebe zimli detailliert mache. Für d'Homepage muessis denn wider abspäcke.
E hoffe, es goht öich besser aus mer letscht Wuche! Anstatt uf Wolke 7 z'schwäbe beni richtig ines Loch gheit! Ha plötzlech öberau Sache gfunde, woni andersch hätt söue mache, was me no hätt chönne mache, was mer verpasst hei und und und ... anstatt mi a däm zfröie was mer aues gha hei! Mer esch nome aues schlächte i Senn cho ond das wär eigentlech definitiv vöu weniger gse aus s'Guete ond vor auem ned wörklech tragischs Züg (wie z.B. dass me d'Seifiblöterlimaschine au no am Apéro hätt söue lo laufe, ned nome bem usecho... who cares?? eigentlech sooo glich)... ähhh... so schad gse! Aber so langsam gohts wider, nachdäm mer jede 100mou gseit het, es sigi super gse glaubis langsam chli ;-)
E hoffe auso schwar, öich gohts ned eso, und wenn, de siter ömu nid elei! Woni das de so paarne verzöut ha, hani gmerkt, dass es au no vöune anderne so gang isch!!
Jetz simer natürlich am vergible wäg de Föteli! :-)
soo i chume o schnäu zum schirbe.. mir hei ja o am samsti üse gross tag gha.. probiere die wuche no e bricht ds schirbe... nurmau vorewäg.. es isch e unvergässlech, schöne u perfekte tag gsi
aui wo ihre tag no vor sech hei.. fröiet nech u gniessets eifach i voue züg, zyt geit viuuu ds schnäu vrbi!!
I bi ehrlich gseit immer no chli im Blues, sooo dooof... eigentlich ischs wunderschön gsi und es het soooo vili tolli Momänt geh, aber mir chunnt immer no hüfig i Sinn, wasi hätt söue andersch mache. Derbii isch das sone pipifax, äch!! hihi...
Gits scho nöime Föteli zum gwundere? Mir warte jo immer no uf eusi... si nur scho mol paar bi eusem Fotograf uf der Facebook-Site! Aber i wott jetz ändlich aui haa https://www.facebook.com/media/set/?set=...0067&type=1
mier hend geschter en wunder wunder schöne tag gha es isch alles perfekt gsi und besser als mier eus vorgstellt händ de tag isch soo schnell verbi aber mier hend jede momänt gnosse. d gäscht sind so begeischteret gsi und händ freud gha, das isch soo toll
Anmelden
