Hallo zämä,

sinder alli fit? ich han gad chli e hänger, han z gfühl ich nerve alli mit mim hochzigs blabla :)

also was mir scho hend:

- Location
- Chilä
- Pfarrer
- Datum: 17.05.2014
- Zivilstandsamt reserviert 14.05.2014 - seit gestern *jupiii*
- TZ/TM usgwählt
- Fotografin (inkl. Termin fürs Chärtlishooting)
- Gästeliste

Was mer im Moment am studiere sind

- Ablauf vo de Ziite her
- Caterer / Menu
- Musik, mer wüsset nonig ob mer wend und wenn ja was, Idee?
- Homepage mache
- Flitterwuche, hei de Monet en Termin bi Globetrotter

was na fehlt:
- alles andere :)
Deko, Chleider, ect.

Am Samstig simer anes hochzig iglade, bi scho ganz gspannt :)

lela: wäg de band, mier werded die a eusem hochzit ha http://www.journeytosunset.ch/
sind jungi cooli lüüt und eus gfallt d musig mega guet. chasch ja mal dri lose evt. ischs au öpis für euch

Sahneschnitte, herzlich willkomme. wetsch chli verzelle vo dir? und wid scho so drine bisch?

novia, danke vilmal für de link, ich wers mer aluege.

guete morge zäme

ech mälde mech au weder mol has i letschter ziit chli streng gha bim schaffe ond be dorom ned dezue cho...

aso was mer scho alles händ:

- chele
- apero
- festlocation
- catering för am obig
- fotografin

wo mer grad dra send:

- pfarrer sueche
- musik för i d'chele
- chärtli bastle
- homepage erstelle

was mer no müend afoh:

- flitterwoche plane
- chleider sueche
- deko probiere ond bastle
- namenschärtli, tischchärtli ond gastgschenk bastle
- polterobig plane
- sitzig met de trauzüüge ond tätschmeischter


jo, da esch so da wo mer momentan grad i senn chond. s'einzige wo mer bitz buchweh macht esch de pfarrer... da werd ned ganz so eifach. well i de chele wo mer hürotet müemer en rechtige pfarrer metneh. ond de wo mer guet känned ond eigentli gern hetted esch "nor" seelsorger...