@_janedoe es isch würklich no cool gsi detä, hammer z'erst gar nüt chöne drunder vorstellä. De einzig nachteil isch gsi, das min Fuess kapput isch, und ich nöd alles ha chöne mache.

Ja de Lippebalm machemer sälber, es isch erstunlicherwiis mega eifach. Ha da en Link: http://mymerrymessylife.com/2012/11/home...d-cinnamon.html han leider nu en Englische.

Ja oises 'Thema' isch Fun? CH vs. UK und mir düend chli beidi Traditionä vermische, und Jelly Beans, vintage sweeties und cupcakes und so isch ja alles chli Englisch. Am Apéro gits no Pimms und Fingersandwiches viellicht no Scones. Min GG isch Engländer darum das ganze.

Ou und fü de Lippebalm suechi no Dösli, ha no nüt richtigs gfunde. Aber alles was bruuchsch hani bi: Allerlei Praktisches bstellt http://www.allerlei-praktisches.ch/shop/index.php

@lilmonkeyme
Das isch ja doof wege dim Fuess!

De Lippebalm tönt echt mega eifach und d'Zuetate hetti sogar alli deheime.

Ah s Thema tönt super, da drus laht sich sicher einiges mache. GG isch Dütsche, er hed zerscht au gfunde lass eus doch d'Traditione mische aber irgendwenn hemmer de beidi gfunde dass das gar ned zu eus passt.

Merci für de Link, hane grad abgspeicheret, da schiints wirkli allerlei nützlichs z'ha

Guete Tag zämä.

So was hender das weekend so gmacht? flissig planet?

mir sind das weekend ame hochzig iglade gsi, es isch sehr traditionel gsi. mer hend vil chöne luege und hend ner diskutiert, was eus gfalle het und was mir eher weniger wend... het spass gmacht :)
also was mich schad dunkt het isch gsi, dass niemert ufgstande isch, wo d brut ieglofe isch, und das s apero mega lang worde isch, well si no d päärliföteli gmacht hend, noch allne anderne fötelis. mi schatz het zwar gfunde, das de moment i de chilä halt au mega toll isch, wend brut zum erste mal gsehsch, aber mer chan ja das au chli "inszeniere". s esse isch zwar hammer fein gsi, aber mit 6 gäng und eme chli langsame service het sich das eifach mega id längi zoge und mer het d aktivitäte müäse zwüschet ine quetsche... d stimmig, s brutpaar und au d spili sind eifach hammer gsi, und genau so wie ich mir das au vorstelle.

mer hend es paar termine fixiert für die nöchst ziit und es git einiges z tue
die wuche hemer bi globetrotter en termin für en ersti besprechig vo eusere reis und d wuche druf hemer en termin bi eusere location, womer chli de ablauf ect planet. und im september treffet mer d fotografin für euses chärtlishooting und d besprechig und de hemer no es brunch mit eusne TZ/TM planet woni mi au scho mega druf freue.

@lil
hend ihr mehreri pastorä, het das en Grund?
s gelati bim apero hemer a dem hochzig obe gha, ich hans super gfunde, aber nur wils tolls wetter gsi isch. (ps - kai cornet geh suscht hend ner alli dräkigi chleider :))

Hallo ihr Lieben, ich melde mich auch mal wieder zu Wort. Ich spreche leider keine Mundart, aber ich verstehs. Ich bin in England aufgewachsen, aber meine Mutter kommt aus der Schweiz. Und mein zukünftiger Mann auch.

Wir haben gerade erst angefangen alles zu organisieren. Wir haben bis jetzt nur eine Location, eine Band und einen Floristen. Die Einladungskarten sind gerade beim Druck.

Vorstellungen für mein Traumkleid hab ich aber natürlich auch schon. Es soll schneeweiß und unten ganz weit ausgestellt sein. So ein richtiges Prinzessinnenkleid.

Zuletzt bearbeitet am 12.08.13 15:12

@lil,
wo da hender ja gad einiges vor, ich han leider nid soviel hochzige zum go luege... bi eus fahts erst ah... sind alles chli spahti :)

@all
- wenn tüänd ihr euchi chärtli verschicke, ihr sind ja jetzt alli scho dra, mer hend nanig mal agfange mache :)
- tünd ihr bi de aperogäst, also z.b. kolleginne und co, immer de partner au ilade? au wenn er de nid kennend?

@novia,
ahh ich han denkt wett öpe afangs november d iladige verschike, nid std.
aber es gaht halt au chli drum weg de hotels reserviere vo de uswertige.

also am abig, hend mir zwar immer päärli, aber dete kennet mer immer beidi guet. ussert glaub bi öpertem wo d fründin noi het. aber die werdet mer de hoffentlich bis den au lehre kenne.
hend ihr demfall es paar am abig wo er nid kennend?