Mier sind au recht hin und hergrisse was das mit de Band/DJ agaht. Am Afang hemmer eus das komplett welle spare aber inzwüsche fändis scho recht cool, vorallem will mier ja no e Bühni i de Location hend sit neuschtem
@lela 250 Täg! Yaaaay, Freude herrscht! Es schiint no sooo wiit entfernt irgendwie, aber ruckzuck wirds dasii Mier hend eus jetzt au für es EngagementShooting entschlosse, dFrage wasi söll alegge, wie stark style usw. stelli mier ebe au. Bi gspannt uf Feedbacks :)
@iladige mier hend uf d'Iladig vo de Aperogäscht öppis eso gschribe, weisses grad ned genau uswendig: "...heiraten am xx in der Kapelle xx. Zum anschliessenden Apero um xx in xxAdressexx seid Ihr/bist Du herzlich eingeladen" Mier hend d'Kapelle extra drufgschribe, aber da die so chlii isch, schribemer ned explizit druf, das d'Aperogäscht iglade sind. Die wo sich traued, chömed denn eifach, aber ich denke, dass denn scho ned die ganz Schar uftaucht.
@lilmonkeyme mier sind grad am überlegge wegere Homepage. Aber ebe, d'Arbeit schreckt eus chli ab... Obwohls sicher no würd Spass mache. Ich han ebe chli z Problem mit dene vorgfertigte Designs. Da mier ja die ganz Papeterie selber gstaltet wärs schad um de Stilbruch binere Page und de müesstemer ja vo Grund uf alles selber mache und das trauemer eus irgendwie ned zue. Wie hend ihr eui gmacht? Dörfmer mal go güxle? *gwundrigbin*
@lela: aso mier düend bi de iladige für alli eifach schribe i wellere chile das es isch, bi de apero gäscht schribed mer aber ned das sie iglade sind zur trauuig. aber es chönd natürlich trotzdem alli cho, solangs platz hed :) hey so cool mier hend au am sunntig euses shooting :) ich bin grad am wuchenänd go chleider chaufe für das. ich han eher schlichti sache kauft, aso kei muschter oder mega farbigi sache. es chunnt uf föteli am beschte übere, d chleider sölled ja ned vo euch ablänke. aber es söll natürlich au zu dim stil passe, aso so wie du au suscht würdsch ume laufe. lönd ier d föteli vomene fotograf mache?
@lilmonkeyme: bin ebe au immer am überlegge wäg de website, irgendwie findis cool und praktisch aber ich weiss ned öb ich das chan...?! isch das schwirig zum sälber mache?
at: lilmonkeyme.. mega kuul mit dene übersetzige..!
at: novia.. dasch würkli no e gueti Idee.. mir wärde aber e DJ ha.. ich e arbeitskolleg vom GG..
at: lela.. juhuui nur no 250 täg.. u plötzlech geits de sicher meega schnäu! =) mir hei scho im Juli es "Shooting" gha bi üsere Fotografin.. hei üs eifach chli chic aber süsch zimli normau agleit/gstylet.. söu ja ou chli natürlech übere cho (mire meinig na)
at: HP.. i ha o agfange öbis zbaschtle..aber git schono rächt viu ztüe u i ha niene e Vorlag gfunge wo mir mega gfaut, wet so chli dr glich stiu vor iiladige düre zieh.. wo machet dir öii HP's? Hätt öper scho es bispiu zum dri schnöigge?
(bi mir geits leider immer no nid mitem at-zeiche )
@lil / Homepage mir machet en homepage, weg de vile infos (hotels und so) ich wett nid alles uf s chärtli quetsche, mir sind aber nanig fertig (mer hend ja nanig mal d föteli=)) aber ich tun si nachane gern teile :)
@similein / HP mer hend si bi ichwünsche.com, ich denke ende monet chan ichs dir zeige :)
@jane / Band,DJ ich han mit de band/dj s gliche problem... irgendwie wers cool, und irgendwie reuts mi au chli für das...
@gäst-chilä ich hoffe das die wo ich nid umbedingt i de chile muen ha, selber druf chömet nid z cho :)
also ich ha e homepage gmacht uf ichwünsche.com, chönet luege unter andrea-samuel.heiraten.ch 3251 wär plz s isch aber nonid ganz fertig...ich dues laufend nochli apasse und ergänze. i ha zersch e teschthomepage kreiert dodruf bis i si kauft ha (glaub 185.- hets kostet) zum luege öb i das überhaupt cha mache. klar, mit de säuli und so hets nonid grad viel zdue und mir hän au nid so tolli professionelli föteli vome fotograf, i ha eifach d farbe nach em farbkonzept gno. d föteli dueni allwä no ergänze oder ändere, weiss es nonid...mit dr titelschrift bini au nid so zfriede, hätt gärn e ähnlechi wie i d iladige druckt ha, aber so eini stot nid zur uswahl. jänu, isch jo glich.... ehrlich gseit leg i do meh uf d informatione wie uf s ussehe. i finds eifach praktisch wägem afahrtswäg, hotelreservatione usw. playliste isch e guets stichwort, chönt i do eigentlich auno druf mache, dass me cha musigwünsch agä. dr brütigamm sött no öbbis über d brut schribe, aber är het jo sooooooo wenig zyt dä arm d wunschliste hämer au nonig fertig...irgendwie wüsse mr gar nid so rächt was mr üs wei wünsche.... chönet jo mol drilege und mr denn verzelle wie drs findet. es isch im fall überhaupt nid schwirig zum mache, d aleitig isch super und süst chönet dr mi froge, i bi scho expert
also i schribe nid explizit uf d iladig wär dörf id chile cho und wär nid. meistens chöme jo eh die gladne gäst und villicht no paar aperogäst id chile, verein und so sälte, die stönde spalier vor de chile. i hoffes zumindest, üsi chile isch nid grad mega gross. frog mi jetz scho wie ich ächt mit däm chleid dört zur türe ichume *quetsch*
het öbber vo euch scho fotis vom fotoshoot? würd mi also au s ein oder andere bispil interessiere.
gester hämer säuli usgschnitte us moosgummi, körper, schnörli, öhrli....paar hani zämekläbt aber denn simer d wackelauge usgange....fortsetzung folgt...
Anmelden
s isch aber nonid ganz fertig...ich dues laufend nochli apasse und ergänze.
E mega hübsches Päärli sind iher! 