..was mer au no in sinn cho isch: hend ier öpis speziells z ässe am apéro für chind? bi eus gitts ebe kei chips und so züg, das wos gitt hend d chind glaub ned so gern... wie mached ier das?
ich fänd es chlises candy buffet am apéro no cool wo sich alli chind (und natürli au die erwachsene) chönnted go bediene :)

nicht registriert

@novia_mayo: hm...chleider für bluememeitli...kei plan, aber das würd mi au interessiere. mues mis gottemeitli no ichleide

also für am apero mache mir nüt speziells z ässe für chinder und au am obe am fest nid. aber mr wärde eh fasch keini chinder drbi ha, usser mis gottechind und si isch eh vegi.
ich liebe zwar süessigkeite, aber ich bi jetz nid grad e fan vo candy-buffet. das isch so ami-style findi.
es git a däm tag meh als gnueg zässe, finds nid nötig, dass me sich no süessigkeite inestopft. i dänk fürs gottechind gits es chörbli mit züg zum verteile oder so, de wird si dört drus chli chöne useschnause.

chleider für bluememeitli? hmmm de Wicki het das: http://www.brautmode-wicky.ch/index.php?nav=4

chinde am fescht, ich glaube mir hend am apero nid vil chinde und am abig, denki das d chind nid werdet ume si... vu dem her, hani mer da gar nid gross gedanke gmacht...

@similein,
damit das chasch muesch e gwüssi azahl biträg ha, weiss aber nid wivil. aber s gaht schnell :) ich han am afang au alles mögliche probiert :)

@me
ha gad bim wicki aglüte si hend Oktober/November usverchauf :) und de herr am telefon isch e rechte schleimer gsi :) aber ja... jetzt muni mit de wiiber en termin finde, hoffe das klappet, wivil lüt hend ihr mitgnah?

Zuletzt bearbeitet am 12.09.13 09:59

@lela: ich han nächscht samschtig en termin wägem chleid, ich nime 5 fraue mit. isch chli vill aber wott uf keini verzichte :)

so cool hesch demfall dis chleid grad im erschte lade gfunde? hesch vorher scho chli gwüsst was ungefähr wottsch?
jaa föteli chömed denn uf jede fall :)