Hallo zusammen. be emmerno vou im chleider- fieber. be zerscht im Jolie- Brautmode in Root gse. es esch e super sympatischi- kompetänti- unufdrenglechi Verchöuferin gse. (hah sogar dörfe föttele) und bim minder in Huttwil. det esch ou ok gse, und hah det haut s passendere chleid und för mech z passendere gfonde. Jolie brautmode esch aber werkli super gse. si hei zur ziit no umzugsrabatt und göi de ines grössers gschäft. ha höt be ehre abgseit, si het mier s chleid uf d siite tah (macht söscht ou niemer, for auem wenns si reduziert si). hetmer ergendwie leid ta, ehre ab z säge, die esch so lieb und werkli super gse, besser hätt mers ned chönne vorstelle. empfehle euch das wiiter!!!
Also liebi Mitbrüütlis, ich han mis Kleid gfunde. Es isch es Rembo-Styling aber weiss de gnau name nöd. Ha 8 Kleider aprobiert & am afang nöd so wohl gfühlt. Eifach will ich überhaupt nöd die bin, wo sich so extravagant azieht. Bi mega ide skater mode bliibe, wills halt so bequem isch.
Mini Beraterin isch eifach super gsi, uh eifach zum rede mit & sehr höflich und fröhlich.
Bim zweite Kleid, hani mi den trotzdem recht wohl gfühlt es isch so liecht gsi und het so en fluss drin gha. Defür mega schicht und ohni träger. Eigentlich hetti no gern träger gha. Den simmer wiiter gange, hend no es richtigs Prinzessinä chleid agleit, was zwar schön het usgseh, aber es bin gar nöd "ich" gsi. Den no eis wo d'Beraterin usegsuecht het. Das isch mir gange wie agosse, aber trotzdem, ich ha das Gfühl vom liechte, und ja sogar fascht es heimlige vemisst.
Den hani noma gfrögt obis dörf aleggä, und am Mami & am Gotti het s'agossene chleid besser gfalle, de TZ Kleide #2. Den seit d'Beraterin so, ja mi hettet fü das halt au no träger, wemmer das wür wellä & ich natürli grad "na klar, die machemer ane" und hends dra tah und den isch es perfekt gsi. Es het den grad allne gfalle. Mir villicht am meiste ;)
S'geniale isch, ich han den grad no es Haar accessoire gfunde. Den hani welle ins Auto go mis Portemonaie go hole, und den seit mis Gotti so "ich ha am Götti scho immer gseit. Ich ha dis Taufkleidli kauft, und dis Hochziitkleid wetti dir au kaufe" und mir hets grad d'sprach verschlagge. Ich ha si grad welle umarme, und hansi den au. Ihr sind den grad tränne cho.
Mis Mami het sich sehr amüsiert, und es isch glaub au u kuul gsi fü sii. Was mir au ganz fest froid gmacht het.
Mini TZ die arm, ihre isch recht schlecht gsi, sie isch ca 10 wuche schwanger, aber sie isch so genial gsi und het sich so wacker druekämpft, ich bin ihre eifach mega dank bar.
Also, das isch mis Ego Post gsi. Ich hänk no es Bild vom Kleid ah vo Rembo sälber. Das het halt no e rosa & Grau stich aber mis isch créme farbe.
Mis chleid mu no recht inegno werde, aber das isch ja ez keis problem vode chöste her & die 3000 woni tranferiert ha, chani grad wieder zrug transferiere.
hey es mega schöns chleid staht dier sicher super!! schön schlicht aber es hed trotzdem das gewisse etwas :) i wellem lade heschs kauft? wow so lieb vo dim gotti...
Ja mega, bim Chez Janine. Die hend hennä viel Kleider. 3 Stöck voll. Ich bi i eim Eggä gsi und ha det 5 usegläse. Wend gasch unbedingt en 3-Stunde Termin bueche. Mir hend 2.75h brucht vom use sueche bis zahle. Ich bin vode Linda bedient worde. Han sie als sehr kompettent empfunde.
@ novia, mol es lohnt sich uf jede fall, d'Ziit isch uh gschnell ume gange.
@daenu, danke viel Mal, ich lieb s'chleid au. Aber gäll s'Model bin also nöd ich ich ha e kes mitem Chleid, falls d'GG gseht er wets ja nö gseh :) mini TZ het aber eis, falls ich's ma bruche
Anmelden
er wets ja nö gseh :) mini TZ het aber eis, falls ich's ma bruche