Guete Tag Ihr Liebä Brütlis :)

so hender es guets weekend gha?

@heart
danke für s feedback :) ich bin drum au i dere region am luege, in minder chani leider us persönliche gründ nid, aber de jolie gahni sicher go luege.

@lil
supi gratuliere dir au zu dim chleid, jupiii :)
isch ja uuu lieb vo dim gotti, da chämtet mir au gad d freudeträne :)

@stellBlack
au dir: herzlichi gratulation zu dim chleid, wetsch eus au es foti zeige?

@me
ich han entlich mit de TM gredet (si hend sich ja trennt), und si würds also immer na sehr gern mache, jetzt müämer de luege wies den so usechunt..

gester simer no go d föteli mache, isch super gsi (s wetter het gad die 2 Stund super aneghebet), eusi fotografin isch nachli schüch gsi (mir sind ihres erste hochzig, aber ich kenn si ja privat well si mis hüättimeitli gsi isch) aber si het na d usbilderin mitgnah wo ihre nachli tipps geh het... und si wird si den au nachli ufs hochzig vorbereite... ich denke das chunt super, ich bin jetzt mega gspannt uf d föteli :)

@novia
schad hets bi euch nid klappet... aber nöchst wuche isch sicher au guet.

Zuletzt bearbeitet am 16.09.13 08:26

nicht registriert

hallo zäme!

@lilmonkeyme: wow, das chleid isch toll! das stot dir sicher super!!! isch jo mega lieb vo dim gotti!

@stellablack: hesch es foti vom chleid?

@lela85: cool, mir sin gspannt uf müsterli

@me: ich ha mis weekend mit mim schatz und mim gottechind bi mine eltere dehei verbrocht. isch chli asträngend gsi. so es chind will immer beschäftigt si. hän mega viel spieli gmacht, halschetti mit fimo bastlet, globi vorwärts und rückwärts gloset. mini schwöstere sin au beidi ume gsi, ha ächt e schöne geburi gha mit eme tolle chueche mit smarties
zobe wo mr denn wider dehei gsi sin, hani de wider einisch meh e huere seeleschmätter gha. ich vermisse mini familie so sehr und jedes mol wenn mr üs wider gseh hei isch es no schlimmer. mis mami isch eifach die beschti und liebsti mami me sich cha vorstelle. wenn mi fründ nid do im bärnbiet würd wohne....es würd mi nüt do hebe, gaaaaaaaaaaaaaar nüt. leider chame de burehof nid zügle....

nicht registriert

@novia_mayo: danke villmol mini eltere wohne in dr nöchi vo basel. ca. e stund autofahre vom seeland us. mini schwöster wohnt halt auno bi de eltere und wo ich no dehei gwohnt ha hämer immer alles zäme gmacht, usgang, hobbies usw. und jetz gseh ich si villicht no all 2 mönet wenns guet chunt.
d zyt got eifach so schnäll und jede het sini progrämmli...do wird e stund zunere riesedistanz!
ich due mi eifach schwer drmit neui kollege zfinde am neue ort, respektive eifach aschluss z finde. jetz bini es johr do und ich ha eigentlich niemer....mini kolleginne wohne alli no in dr nöchi vo basel. den chunt halt drzue, dass mini schwigereltere aunid die töllschte sin...ich ha mi fründ, mini 2 büsi und dr teddybär *seufz*

@Föteli
ich bin au scho mega gspannt, uf de kamara hend si aber scho sehr toll usgseh... muen mi jetzt na 1-2 Wuche gedulde, da sis ja i ihrere freiziit macht... ner chani de d homepage fertig mache und d iladige werdet gmacht :) jupiii

@canella,
oje ich chan dir nachefühle... ich han am afang au das problem gha... mer hend id nöchi vo mim fründ züglet (ca. 10-15min vo ihm sim ort weg) mir hend eifach dete gwohnt... er isch aber immer i sis ort und het so sis umfeld gha, und ich bin immer dihai gsi, und han niemert gha... mir hend weg dem au oft gstritte, will ich iversüchtig gsi bin, dass er halt het chöne und ich nid... mer hend das 3 jahr gmacht... vor zwei jahr simer de aber i sis ort selber züglet und sit do isch alles besser worde, ich bin eher mal mit und han dur das fründine vo kollege kenneglert und dur die de wieder anderi lüüt und ich han jetzt au mis eigete umfeld, das isch für eusi beziig sehr gut gsi...
hesch du echt nid d möglichkeit dur sini kollege oder so lüt kennezlerne, oder ev. ine verein gah oder so?