lilmonkeyme,
oh wow, also über das hend mir eus na kai gedanke gmacht, ich bin aber au gar nid so de deko typ, das schisst mi chli ah mit dene chärtli und dem züg :)

nisliker,
danke vielmal für de link, die sind echt mega schön... ich muen mol luege ob ichs selber mache, oder obs de TM macht, de isch drum vum fach :)

ps: mached ihr e candy bar? mir gfallt das ebe mega aber ich find die typische vintage-gläser niened...bruch da ganz dringend hilf (wobii mir ja ziit händ).

bis jetzt erledigt/usgsuecht hämmer:
- location
- freie theolog
- apérolocation/restaurant
- d iladige und namenstäfeli (sälber bastlet)
- standesamt (uswärts)

zudem hani no wele fröge wie ihr das mitem standesamt mached. brucht mer da unbedingt d eltere oder finded ihr, das mer au eifach mit de trauzüge chan gah und dänn am abig no en easy apéro/znacht chan mache?! da bini mega unsicher.

chleider gangi au scho endi august go probiere will das s einzige datum isch wo allne 3 gaht. weiss eigetli genau was i will und hoff, das mer das au staht

nicht registriert

also ich mach kei candy-bar. finds zwar e witzigi idee, aber must have? für mi nid...s git gnueg zässe dr ganz tag und i investier lieber chli meh i es tolls dessertbuffet oder e tolli torte.

weddingbee was hesch für chärtli bastlet? ich bi no am prototyp....

fotograf hani mitlerwile au def. reserviert, bluemelade au...aber zum bespräche isch bi mir alles no z früeh...wird en stränge winter hihihi

was händ ihr so für plän für flitterwuche?

was wünschet ihr euch uf d hochzyt?

Oh toll! En Mai Bruut Thread! Denn sägi doch mal Hallo :)
Mir hürated am 16.5.14 zivil und am 17.5. isch denn de grossi Tag.

Mir händ scho:
- Chile, Pfarrer
- Termin Standsamt
- Aperolocation
- Abiglocation
- Übernachtigsmöglichkeite (da GG us DE)
- Fotografin
- Azug GG (Absoluts Schnäppli gsi und waaaaahnsinnig schön :) )
- und ungfähr tuusig Ideeä und Wünsch ;)

Im Moment bini ame Hochziitamonogramm.
Mir bastlid a de Iladige usw. Hend au scho es paar Caterer kontaktiert. Da wartemer aber no uf Antworte.

Es Candybuffet wett min GG unbedingt :) han jez einigi Sache im amazon bstellt, zum mal Cakepops selber mache :) Findes mega nervig dasmer über amazon nöd id CH chan bstelle! Jez muesse mini Schwiegermuetter in spe mitbringe :D

Nächst Wuche hetti der Termin bi Chez Janine gha. De hani jez aber abgseit. 1. Willi gern mini Muetter debii hett und sie isch jez churzfristig id Ferie und 2. hed mich d Beraterin am Telefon druf hiigwise das bald die neue Kollektione itreffed. Drum machi erst im September en neue Termin.

Hend ihr es Motto? Mir möchted en vintage Hochziit aber das irgendwo vermerke wemmer eigentli nöd? oder wie tued mer das handhabe?

Zuletzt bearbeitet am 18.07.13 18:28