ha grad 3 täg ghulfe härdöpfe usmache, mini finger si am arsch und i bi froh (ä sälteheit) das i hüt wider is büro ha dörfe
@novia_mayo: suuuuuuuuuuuuuper schön!!!! also mi favorit wär s 2. chleid, will i find es sitzt dir besser über d hüfte abe. s erschte isch dört irgendwie chli änger und i find s 2. falt besser. aber schlussändlich egal wie du dich entscheidisch, es isch mega schön!!!!
standesamt: ehrlichgseit, ich ha no überhaupt kei plan, überüberhaupt keine was ich dört söll alegge. "mües", "sött" me dört so mega schigg si? oder chame au mit jeans und blazer go?
@canella.. so im Büro isch haut scho immer no am gmüetlechste, he?!
@Standesamt.. hm, i ha ou no absolut kei ahnig was i denn alege..!?
@Iladige.. was heit dir dert so gschribe? zwöi vrschideni für die gladnige- u aperosgäst? U vo wo heit dir öii, faus dir se nöimet bsteut heit? Bi gad am luege für üsi.. u weiss sooo nid was
@zivil, ich denke (da für eus s zivile nur sochli für s amtliche isch) werd ich irgendwas us mim chaschte neh und alege... ich han mich au scho gfragt, wie d canella, ob es paar schöni jeans und es blüsli oder so nid würdet lange :)
@iladige, mir wettet 4 texte mache - DU-Apero - Ihr-Apero - DU-Abig - Ihr-Abig Aber was hemmer leider no kein plan :) mer sött ja denk no e sprüchli oder so schribe :)
@me jupii nach em schaffe sind wohl d föteli i de poscht *freu*
@canella: oooh das tönt sträng... merksch sicher jede chnoche??! danke villmal :) ja s erschte chleid isch mier ebe au chli z chli, drum passts ned perfekt. ich muess denn nomal luege am samschtig bi wellem das ich s bessere gfühl han
@iladige: mier hend de text noni definiert, erscht fäng für d std-chärtli. mier möched sicher zwei verschideni iladige für d apero gäscht und die gladne gäscht. aber was mer schribed weissi au noni... mier lönd eusi chärtli vonere kollegin mache wo das hauptbrueflich macht
@zivil: ja aso mer chan alegge was mer wott :) ich han mal ufem zivilstandsamt gschaffet, det hed mer alles mögliche gseh :)
@iladige: mir hän d iladige bi kartenbauer.ch lo drucke. has layout sälber entworfe. dr text hämer eifach für kirche und apero druckt, sowie d adrässe vo dr hochzytshomepage und d tel.nr vo de trauzüge. für die gladene gäst mache mr no es ilageblatt wo i dehei ufem pc mach und denn uf transparäntpapier drucke und inehänke is chärtli. denn bastli no säuli und mäscheli uf d karteund fertig. ha jo zersch welle alles sälber mache, aber denn hän si d karte nüm gha i dere farb wo ich ha welle und alles drucke usw. wär allwä denn doch z kompliziert worde. so isches eifacher. hüt zobe hani sturmfrei, de chani no chli dra bastle, denn due ich euch mi neu prototyp nomol zur beguetachtig inehänke
@zivil: lönd ihr euch denn au mega d haar lo mache bim coiffeur und schminke fürs zivile? ich hätt jetz eifach öbbis chli schöns agleit (allwä kei rock nei nei nei) und d hoor chli schön gmacht aber sälber, gschminkt und gange. ich wött eigentlich au nid so e meeega zeremonie ha mit no uswählter musig ect. eifach ine, rede, jo säge, unterschribe und denn go znachtässe. fertig.
@weddingbee Aber per PN schicke chönntsch eus dis Chleid, hihihi
@Iladig Bin soooo gspannt uf eusi fertige Iladige, aber gaht wahrschinli bis endi Oktober Mier hend nur bi de Abig Gäst zwei verschiedni Versione, also Du/Ihr. Dett wärdemer ide Iladig zuesätzlich es Mini Couvert inemache womer Antwortcharte, Kontaktcharte, Dresscode, Afahrtsplan etc inelegged. (Bild im Ahang). Bi de Aperogäscht hemmer nur ei Version.
@Konzept Mier hend eus ja au für Vintage entschiede und fahred mit Müeh und Not au wirkli die Linie... Klar gsehmer au immerwider Sache wo eus super guet würded gfalle aber denn besinne mer eus uf de Ursprung. Was sicher hilft isch, es Konzept zerstelle womer d'Hauptideeä drufmacht. Irgendöpper im Forum, echt malinchen, hed mal eis postet. So quasi en Leitfade. Findi super!
@Zivil Mier hend gseit, das mier wirkli nur gschnell ufs Standesamt gönd, GG, TZ und ich, unterschribed und wider hei. Jetzt hemmer aber z Datum von zivile ja ufe Valentinstag gänderet und irgendwie am Datum entsprechend wärs scho cool, sich chli chic zmache. GG hed sinere Family (also Eltere und Oma gseit, das mier jetzt ned en Tag vor em kirchliche zivil hüratet sondern viel früeher und alli hend de grad gfunde, sie bueched denn e Flug.) Eigentli hemmer das gar nöd welle und sind jez chli im clinch... Uf jedefall wirdi dett nöd zum Coiffeur/Makeup Artist... Mache das selber deheime. Fühle mich eh am wohlste wenni mi selber cha schminke und zrecht mache.
@novia Merci vielmal! Die hani selber gmacht und meeeeega lang nachere Lösig gsuecht für die ganze Ahäng. Mier mached wahrschinli kei Homepage, drum wemmer relativ viel id Iladig packe ohni dases überlade wirkt. Und de bini go Nachschub für eusi Charte poste -aso die gross- und ha die chline Chärtli i de gliche Farb und ebefalls spottbillig im 10er Pack entdeckt :D Pocketfold Charte hetted mier au mega guet gfalle, aber uf die Idee bini erst cho woni eusi Grundcharte scho alli druckt ha
hmm gseht ned so guet us mitem träffe... :( usser mer würded glich amene sunntig luege?
aach ich bin irgendwie glich unsicher wägem chleid. ich weiss nöd öb eis vo dene MIS chleid isch... irgendwie bini chli enttüscht gsi vo dem tag. ich han ja mis mami, mini zwei schwöschtere und zwei kolleginne debi gha. und ich han mier vorher vorgstellt das wenn ich es schöns chleid ahan wenigschtens mis mami oder mini schwöschtere grüehrt sind und so. sie hend ami scho gsäit: aah wow schöön aber meh au ned. sie hend au ehrlich iri meinig gsäit wenn eis ned so schön gsi isch aber ich has mier irgendwie "emotionaler" vorgstellt. sie sind susch immer ehrlich und mier chönd au über alles rede aber a dem tag ischs irgendwie ned so gsi wie ich mier das vorher vorgstellt han. klar ischs ned wie imene film wo alli voll hüüled das isch mier au klar.... mini zwei schwöschtere sind noni ghürate ich bin die erscht, drum hani dänkt ischs evt. au für mis mami chli öpis speziells. aber irgendwie ischs nöd so übere cho. en kollegin hed gmeint das isch vilicht will ebe DAS chleid noni debi gsi isch...
Anmelden
Mier hend nur bi de Abig Gäst zwei verschiedni Versione, also Du/Ihr. Dett wärdemer ide Iladig zuesätzlich es Mini Couvert inemache womer Antwortcharte, Kontaktcharte, Dresscode, Afahrtsplan etc inelegged. (Bild im Ahang). Bi de Aperogäscht hemmer nur ei Version. 
hesch die sälber gmacht oder la mache?
