| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Mai Bräute 2014
 1 .. 4 5 6 7 8 .. 73 .. 138
19.07.13 11:00
novia_mayo 

Re: Mai Bräute 2014

@canella: mier sind in kenya gsi. juni und auguscht isch en gueti ziit, isch ned rägeziit. im auguscht ischs vilicht chli heisser. allerdings hetted er im auguscht d chance d migration vo de gnus und zebras z beobachte. mier hend en chline teil gseh, es isch mega idrücklich gsi.
hey jööö die chärtli sind ja mega herzig! ich find s gseht super us
19.07.13 11:05
canella

nicht registriert

 Re: Mai Bräute 2014

@ novia_mayo: cool...ich mues mi mol no chli meh informiere. i bring mi schatz schono drzue
isch es denn heiss mit wind oder heiss und drückend? mein so schwitztechnisch...
danke mir gfallts meh oder weniger au so, mues mr nurno chli meh müeh gä mit usschnide und chläbe und so. isch halt au dr prototyp gäll, do chame no chli umewurschtle
19.07.13 11:28
novia_mayo 

Re: Mai Bräute 2014

ja muesch di mal chli informiere und schöni föteli zeige denn chasch ihn sicher überrede :) ich chan der susch par vo mine föteli zeige
aso bi eus isch es ned würkli drückend gsi. a de küschte heds immer chli gwindet und es isch sehr agnehm gsi, mer heds guet usghalte au a de sunne. i de pärks isch es no agnehmer det isch eher troche und i de nacht wirds denn zum teil no rächt chüehl. es isch eher während de rägeziit schwül und drückend. aso ich han nöd vill gschwitzt ;)
ja eh aber für en prototyp find ichs super. ich bewundere eu all wo so sache sälber mached ich chönnt das überhaupt ned
19.07.13 13:01
_janedoe 

Re: Mai Bräute 2014

Mini TZ meint, dass ich viel zviel Wert uf d Iladig legge, das seg doch gar nöd so wichtig. Schön das mer da no glichgsinnti trifft

Ich han jez grad s Ilegeblatt gstaltet. De Prototyp für d'Gstaltig hani au scho:




Was meineder? :)
19.07.13 13:51
novia_mayo 

Re: Mai Bräute 2014

@janedoe: wow mega schön die charte! hesch die sälber gmacht?
ich find scho das d iladige wichtig sind. isch ja s erschte was gäscht gsehnd und wenns schöni sind hänkt mer sie doch au gern uf
19.07.13 13:56
_janedoe 

Re: Mai Bräute 2014

Ja han alles selber gmacht. Am meischte Freud hani am Monogramm. Aber ebe es fehlt no einiges, Afahrtsplan, Antwortcharte, Kontaktcharte usw. Han immerno kei Ahnig wieni die söll integriere. D'Iladige sind mer sooo wichtig, ebe wie du seisch, es isch z'erste wo d'Gäst gsehnd und au irgendwie en Wägwiser wie d'Hochziit de gstaltet wird.
19.07.13 13:57
canella

nicht registriert

 Re: Mai Bräute 2014

@janedoe: also ich find si au super. was hesch do für e schrift gno? resp. duesch dr text eifach im word schribe und nochär drufdrucke?
19.07.13 14:00
canella

nicht registriert

 Re: Mai Bräute 2014

wie hesch de das monogramm gmacht? das findi ganz cool!!!
also i ha mr auscho gedanke gmacht wäg dene afahrtsplän ect. i due das glaub eifach alles zämehefte und uf dr linke site i dr charte under ds bändeli schiebe. denn chani das nämlech be dene wo nid zum fest chöme eifach wägla

19.07.13 14:02
_janedoe 

Re: Mai Bräute 2014

Die gschnörklet Schrift heisst Carpenter und die ander isch Copperplate. s'Monogramm isch en .xcf Datei. Ich has im Word gschribe, und s Monogramm denn als Bild igfüet. s Problem isch, dass z Monogramm en wiise Hindergrund hed und ich ha kei Ahnig wieni de 'durchsichtig' mache, drum müemers wahrschinli uf wisses Papier drucke will d'Charte isch ja creme... Das wurmt mi bitz, hett so gern uf d'Charte direkt druckt/drucke lah...

s'Monogramm hani mit gimp erstellt. isch mega eifach, gaht uh schnell und macht Spass :)

Zuletzt bearbeitet am 19.07.13 14:06
19.07.13 14:09
canella

nicht registriert

 Re: Mai Bräute 2014

drfür chasch es sälber usdrucke wenn des uf wisses papier drucke losch...
ich ha mr das au lang hi und här überleit...ufs duckelgrüen ufs hellgrüen, ufs durchschinende? mannomann!!! jetz duenis ufs druchsichtige drucke und denn ufs hellgrüene chläbe und denn i die dunkelgrüeni charte hihihi...kompliziert...
ich ha eifach problem mit dr formatierig im word. mini charte isch ca. 15x15cm....dr text isch jo no chliner und denn chönt me jo "theoretisch" grad dr text immer 2x ufs papier drucke und denn verschnide, aber i ha kei ahnig ha kei ahnig chume chume nid drus

 1 .. 4 5 6 7 8 .. 73 .. 138
similein   canella   bearbeitet   eigentlich   pfarrer   iladige   Location   weddingbee   hochzyt   natürlich   irgendwie   Zuletzt   eigentli   janedoe   chleider   santhia   gspannt   Morelia   richtig   chärtli