@novia, ohh das tönt aber echt na cool, bi gspannt, hoffe du teilsch den 1-2 Föteli mit eus ;) ja das mit de deko isch halt so e sach, wenn mer 0 vorstellig het, wirds schwirig :)
@gschenk, verstönd mich nid falsch, ich wett grundsätzlich au mit em eigne geld plane :) aber es wer halt glich no so gäbig, wenn mer scho chli en ahnig hetti...
jaa eh, sobald ich d föteli han wirdi euch es par zeige :)
zum glück hesch no ziit zum dier nochli gedanke mache wäg de deko, das muesch ja noni grad entscheide
ja ich gseh das au so, so ungefähr z wüsse was chunnt wär scho guet. aber ich glaub da muemer sich würkli überrasche la. drum mein ich au wäg de eltere, ich erwarte überhaupt ned das sie eus öpis schänked, ich ghör nur rundume das bi andere d eltere grad gsäit hend das sie das oder jenes übernehmed, und ich weiss nüt. wenn mer das weiss chan mer ebe au chli anderscht kalkuliere
ojemine...s wuchenänd schowider dure und bi total müed und mag nid.... drfür bini rächt flissig gsi mit bastle. die iladigscharte....das isch no e zangegeburt bis die alli gmacht si, has glaub e chlichli unterschätzt...
aber 1 hani mol fertig gmacht, ämel vo vorne. tadaaaaaaaaaaaaaaaaaaaaaaaaaaaaaaaaaaaaaaaaaaa
morgeee! jaa s wuchenänd isch leider scho wider verbi
hey canella soooo cooli chärtli!! hesch der ja mega müeh geh! es gseht würkli nach vill arbet us... bis wenn wottsch sie fertig ha?
mier sind am samschtig bi minere kollegin gsi wo eus d iladige macht, sie hed tag der offenen tür gha i ihrem atelier. det hed sie es candy buffet gha has uu schön gfunde, sogar mim GG heds gfalle :) mier wänds denn so ähnlich uf eusere hochzit mache (han mich leider ned ganz chönne usem bild schnide susch würd mer nur d hälfti vom tisch gseh )
@novia_mayo: bis ändi oktober eigentlich....s isch es huere züg das alles usschnide und ufchläbe. und ich ha soooo e tolle lim kauft vo uhu, stot druf klebt alles und tropffrei....Dä isch alles andere als Tropffrei! zieht fäde und tropfet wie blöd und wenn s uf mini unterlag tropft löse sich grad d linie uf ah ja das seht schön us das candy buffet. Hesch d föteli scho?
@canella, die sind mega härzig worde, super. Bhuu das wird mer denk scho e rechti arbet geh, bis fertig bisch...
@nova, s candy buffet gseht toll us, hesch das vo afang ah planet gha, oder bisch jetzt dur de event druf ufmerksam worde?
@me mir hend das weekend nid soviel gmacht, ussert für de polterabig trainiert :) gester hemer eifach na husch en chärtli entwurf bastlet :) und jetzt für de Schwager alles parat gmacht, damit er mal was chan entwerfe :)
@canella: ohjee das stelli mier mega müehsam vor mit dem liim... gitts da nüt bessers? neei d föteli hani leider noni :( er hed gmeint bis spötischtens nächschte zischtig, chan also no en wuche gah...
@lela: nei zersch hani eigentli keis welle, aber ha jetz uf par hochzitsföteli eis gseh und es gseht scho no mega schön us. mier macheds denn aber am apéro vorallem für d chind, am abig würds glaub chli under gah... hehe für de polterabig trainiere isch immer guet
mached ier eigentli en tanzkurs? mier müend glaub i eine gah. ich cha überhaupt ned tanze ämel ned so klassisch...
@novia, stimmt es gseht scho no toll us :) weg em tanzkurs, mir werdet wohl no e churze hochzigstanzkurs mache, gits bi de migros klubschuel, aber churz vorher, damit mers nid gad verlernet... :) mer hend scho im letschte winter en discofox tanzkurs gmacht (mit 5 Kollegepäärli) aber min GG het nid so es Talent dezue :)
i mäudä mi o mau wider us dr vrsänkig. i chumä chum zum schribä... luegä au abä churz inä u läsä was aus so glofä isch, aber zum schribä längts nie....
bi öich isch ja einiges gloffä. d 2014 brütlis splittä sich o uf. iz gits scho d mai, d juni und douguscht brüt. üses jahr rückt geng wi necher. i 200 täg hei mir scho fasch mai und mir mai brütlis si aui dran. i fröiä mi ja so
@lela: o für ä polterabä muess mä trainierä . heitr scho mit dä tz überä polter gredet? mir hei dä tz ä lischtä gä, wär mir gärn drbi hättä bi üsem polter. si hei gmeint im januar stöndi dr termin (biner mädels und ig schaffä fasch aui im spitau, da müessemer 3 mönet im vorus frei chönnä igä, drum muess ds datum so früeh gnaglet si). o heisi wöuä wüssä, ob mir fürä polter no-goes hei. heiter das? mir hei nis das gar nid überleit u gseit nei, mir wäri für aues ds ha.
@canella: diner chärtli gseh ja mega ufwändig us. wi viu muesch vo denä machä? hesch ä chli hiuf? üser si o rächt ufwändig, aber d tz hei üs a eim nami gad chli ghulfä. wemä ds 4 gad ei nami cha zämähockä, de heiter schnäu für jedi chartä ds grundgrüscht und d kouvert agschribä hani so jedä abä 5-10, de hesch das o schnäu gmacht. mir hei so 55 stück baschtlet.
@novia: mir si sit 3/4 jahr im tanzkurs. aber nid hz-spezifisch. mir hei aber o dr migros-budget hz-tanzkurs gmacht. dä isch ächt ds empfählä. si ds thun het das super gmacht. mir gö se afangs mai nomau 2 x2 stundä privatunterricht (inkl. unterrock und schue).
@me: i schuldä öich no d story mit mim chleid..... was süsch no gloffä isch: mir hei ds erschtä gspräch ka mit dä tz. isch super gloffä. bi ja zersch nid so happy gsi, wüui dänkt ha, äs schissisä mega a, si sigä mega unmotiviert u hei o niä drüber gredt. aber si hei sich so viu gedankä gmacht uns sech müeh gä. mir isch ä grossä stei vom härzä gheit. zum glück hei mir das nid agsprochä, das hätsä gloubs fescht vrletzt. disä monet müessemer unbedingt d iladigä fertig machä. muess no überau dr text dri, schleifli dra und fertig. ändi oktober/afangs november wei mir sä vrschickä. i 2 wuchä heimer ds erschtä gspräch mit dr pfarrerin und gö o gad ringä i uftrag gä.
heit ier nech scho i verbindig gsetzt mitem standesamt?
Anmelden
)
