jaa min GG isch ebe au ned würkli talentiert und taktgfühl heder glaub au ned so aber ich glaub es isch würkli am beschte wenn mer kurz vorher de kurs möched. han au mal de bi de klubschuel agluegt de isch sicher guet

@morelia. isch doch schön das euches träffe so guet gloffe isch! ich ha zersch au chli angscht gha das mini tm zwenig ziit hed für alles aber sie hed gsäit sie machts gern und nimmt sich gern die ziit und organisiert jetzt au vill für eus.
bim standesamt hemer eifach de termin fürs zivile reserviert. susch en termin hemer noni gmacht, de machsch am beschte ca. 3 mönet vorem zivile. will nachem ehevorbereitigsverfahre muesch ja innerhalb vo 3 mönet hürate

auso, so bi i zu mim troumchleid cho:

mis mami, mini schwöschter (TZ), mini beschti fründin u i hei abgmacht ka ids merys bärn ds ga.
dert si mir o härä. ha dert 3 chleider probiert (äs wärä 5 gsi, aber 2 si nid über d brüscht cho). äs si sehr schöni chleider gsi, haut genau das wo i mir vorgsteut ha. aber d verchöiferin het immer gseit, ier müesst de schono so 10-15 kg abnäh. ds letschtä chleid het mir am beschtä gfauä, äs het aber nid peng gmacht. und da hetsi nur gmeint, das sigi sicher nur wüu sis nid ir passendä grössi hegi und i haut o no müessi abnäh.
drum hei mir das gschäft vrlah und i würd o i mim läbä nieh meh dert inä ga. so öbis vo unfründlech. weni äs paar chleidergrössinä chliner hätti ka, wäräm si sicher zu vorkommender gsi... (i ha grössi 48)

wüu mir so früech so schi fertig gsi het mini kollegin googlet und gseh, dases ei strass witer o äs brutmodegschäft het. drum simer spontan dert vrbi, di hei aber ke zit ka.
mini tz het gmeint, mir chönntä doch zrügg uf thun, ds brutparadies heigi ja bis am 9i offe.
dert simer när am 8i itrudlet und si hei mi mega fründlech in empang gno. und das obwou i ke termin ha ka und si irä stund firabä hei.
i mirä grössi hei si no 2 chleider im usverchouf ka. ds eintä ganz äs schöns. het mit gad mega gfauä. ds anderä gar nid. absolut nid das woni mir vorgsteut ha. ha scho fasch gseit das wöugi de nid alegä. denn hani aber dänkt, alegä chanis ja glich, de gsehni mau no öbis ganz anders. ha no 3 chleider vor nöiä kollektion usägläsä u so simer id garderobe. das womer nid so gfauä het hani gad zersch wöuä alegä, dasis hindermr ha.

und es isches gsi. aui hei grännet, sogar i. äs het eifach wi d fuscht ufs oug passt. ha di anderä de glich no agleit, aber nei, ds anderä isches gsi.
has am samstig nomau chönnä ga alegä. ha mim gg sis mami mitgnoh. aber äs isches nach wie vor gsi.

und iz isches mis
ha 824.- zaut für chleid und unterrock. isch 50% gsi. its bruchi nur no schueh, bh und accessoires.
ha mega fröid und i hät niä dänkt dasi mis chleid so schnäu finde. vorauem dases so nes chleid isch.
ha mir mis brutchleid immer ganz anders vorgsteut.
foto oder beschribig gits leider nid da mi gg o im forum mitlist und mi forumsnamä weis.

@morelina,
weg em poltere, ich han nid würklich no goes, wett eifach kai stripper :) das isch gar nid mis ding... aber suscht, isch doch egal... auge zue und dure :)
mer hend da nanig gross glueget, mer gebet den eifach ah, wer mir wettet debi ha, und den söllet disi luege...

weg em standesamt, mir hend scho länger chöne reserviere, de rest chunt den wohl churz vorher...

wow das isch scho mega frech vo dere verchäuferin nid? da weri gad devo glofe... Aber super das den defür nachher um so besser klappet het! freu mich, dass du diis chleid gfunde hesch, und den no zu dem priis, das isch wäutklass! (würdsch echt ev. es bild per pn zeige, oder lieber nid?)

nicht registriert

boah, dere hät i es rohr voll aglo, frächi mätz! was erlaubt die sich? schiss verchäuferin, hesch rächt das dört nüt kauft hesch!!! cool hesch dis chleid no gfunde!!! i wott beschribig per PN!!!!

i ha am donnstig ufem standesamt aglütet für dr termin, will mr ds im märz wei. mr hei jetz dr 14.03.14 am 16.00 z Biel. Papier hei si üs scho gschickt. die müese mr jetz usfülle und de abem 14.12. chöne mr s ehevorbereitigsverfahre mache (me mues glaub nur häre go underschribe das me wott hürate).
ouuuuuuuuuuuu mues no im restaurant alüte!!!!

mi gg isch au nid so dr takthängst...wird no lustig mit tanzkurs. jänu, mues jo nid dr perfekti tanz si. i bi gar kei tänzer. i sitz lieber und füll mr d lampe

TZ träffe mues i au mol no organisiere...allwä de im dezämber oder so....

i mues ca 70 vo dene chärtli mache. das git de 140 säuli s isch scho e mega sach und i maches eigentlich elei. mi gg pennt ame ufem sofa näbedra. är isch nid begabt mit bastle und i maches halt mega gärn. är het mol ghulfe usschnide, aber sälbst ere vorzeichnete linie nocheschnide isch nid so sini stärki egal, i hocke ame vorem tv und due chli mäscheli binde und säuli usschnide und zämechläbe usw. isch eigentlich no entspannend.

wägem träffe bin ich für alles offe. ich han am 14. und 15.12. no nüt los. de workshop tönt au mega cool! mer chönd eus aber au am namitag uf es kafi träffe oder am sunntig go brunche, tönt alles guet :)

nicht registriert

Link zum Treffen: http://www.doodle.com/vai6xxiza97dbe5f