guete morge!

hey super schöni ring! mal chli öpis anders, hani no nie gseh so... sehr schön!
dörfi frage was koschtet hend?

nicht registriert

4800.- beidi zäme. biz überem budget, aber s het für 2500 nüt ga wo üs gfalle het, respektive vom material här wärs au nid ideal gsi. palladium wär jo günstiger aber das het er üs abgrote, wills weicher isch als wissgold und dämtnesprächend schnäll abgnützt isch und verkratzt. mi schatz wird jo dr ring au bim schaffe aha, denn lidets scho.
mir het er ebe au gfalle will er speziell isch. ha eigentlech dänkt es git de eher eine mit steindli rundume, aber wo i denn d wahl ha gha zwüsche däm und däm mit de steinli hani mi für dä entschide. d stei sin grösser und schöner gfasst. es gseht vollkomme us und nid wie es gebastel
bi sehr z friede und ha mega freud!

nicht registriert

ja isch halt immer huere gschmacksach gäll
mir gfallt er super!
wurum bisch dr nid sicher? hesch denn scho eine usgsuecht?

nicht registriert

es git 1000igi variante, das isch krass! und si chöne praktisch jede wunsch erfülle, vor luter vorschläg chasch di denn fasch nüm entscheide.

okey, hihihi, das isch natürlich ganz öbbis anders. ich finds schön, aber zu mir würds überhaupt nid passe, ich ha grossi händ mit grosse lange finger, ich trag breite schmuck, dä ring würd a minere hand versuffe kolleginne vo mir hän söttigi ring als verlobigsring, aber chame natürlich au als ehering trage, keis problem. ich hätt eifach angst das ich mit däm ring ständig neume hänke blib

Guete Morgä zämä :)

bhuu gad chli en stress so am mäntig morge...

@canella,
super ringe hender gfunde! sehr speziell, aber schö.
für mich wärends scho fascht chli zu speziell, da mir gern schlichtig wend.

@novia,
dine ring isch au super, aber ich gsehs au chli wie d canella, weg em ihänke und so, ev. chli unpraktisch?


@me,
jupiii chleid kauft :)
hmm z verzelle gits nid wahnsinnig viel, ich bin mit mine zwei zuekünftige schwögerine (eini devo isch mini tz) und minere beste kollegin go luege. Mer muen dezue sege das ich halt überhaupt nid de shopping typ bin und au suscht am liebste jeans han... darum het sich mini vorfreud scho recht in grenze ghalte...
also am afang hani eifach mal müäh gha mich überhaupt ime some chleid z gseh (find s passt nid so zu mir).. mir hend den paar aglueget / probiert und ich han mich den au für eis entschide, ich bin scho überzoge das es s richtig isch (es isch sehr schlicht, was für mich super isch!) und ich freu mich au, aber de mega brüälli moment isch bi mir igendwie usblibe, aber das isch nid tragisch, ich bin froh hani jetzt eis...
ich han nüt uf de priis glueget aber dank em usverchauf isch es tatsächli under budget gsi :) 745.- CHF dezue chömet den nachli änderige vo max. 200.- (je nach gwicht :) mumer den no es müü uslah oder ineh um d tallie ume) find de pris ganz ok, obwohl ichs wahnsnig finde für öpis wo mer nur ein tag ah het soviel geld uszgeh...
was euch ja sicher am meischte wundernimmt isch, wies usgseht, ich wett d Föteli nid inestelle, schick si euch aber gern per pn :)
ooops isch chli en lange ego post worde, sorry

Zuletzt bearbeitet am 28.10.13 12:00

@canella,
du hesch en pn :)
mir tüänd erst im märz ändere, bis den chan ja na einiges passiere :)
das isch doch s wichtigscht, das er dir gfallt und uf jedefall darfs au was speziells si, isch ja au es speziells erreignis.
das isch schön hender chli ziit gha für euch, das isch s wichtigscht, das mer ab und zue chli "schätzuziit" het :)
wie isch bi de eltere gsi? mir sind ja au gsi, hend chli gjasset und plöiderlet, isch super gsi, sind halt nid so oft dete :(