@lela: ja genau, ich finds super wenn jede sälber nochli sache unternimmt mit de kollege aber au das mer gmeinsams zäme macht.
ooh cool ich liebe hamburg gah mit mine schwöschtere nächscht jahr au, quasi als polter-weekend

@morelia: find die formuliere super, so isches klar. bisch sicher scho gspannt uf d reaktione vo de iladige?

was mached er so am wuchenänd?
mier mached nüt hochzit-technisch, nächscht wuchenänd au ned. bin froh mal en pause, mängisch wirds chli vill...!

@novia,
haha ich denke min gg muen au chli unde dure, wills de letscht usflug vu ihm isch ledig :) sie machet das all johr.

@morelina,
ohh musch de chli verzelle vo de reaktione :)

@me
ich nerv mi gad, mir löh ja d chärtli bi ggs brüäder mache (wohl oder übel, ich bin nid so fan vo ihm) und er hets scho sit fascht eme monet, aber mer müänd immer na warte, wenn mir "normali" chunde wäret, würd er sicher vil eher führschi mache... *nerv* aber nöchst wuche setts cho, ich befürchte das wird fritig abig :(

am samstig bini mit mine wiiber underwegs, aber am sunntig wetti de gern chli Checkliste fürs hochzig prüäfe und vorallem mal chli für d reis plane, mer hend am 23.11 Termin für d flüg z bueche *jupiii* :)
ach ja und hani gsait, am 29.11 chunt de kolleg verbi wo eus d ringe macht, zum mal chli bespreche, freu mi au scho...

was hend ihr so vor am Weekend?

@lela: hihihi jaa denn muess er evt. chli liide din GG, aber das ghört ja dezue
das würd mi au nerve wäg de iladige..!! wieso macht denn er das? schaffed er uf dem bruef? hoffentlich werdeds wenigschtens so wie ier euch das vorgstellt hend

@jane: woow so cool! honeyhome isch hammer han det au scho sache bstellt muesch denn brichte wies gsi isch
uii nothelferkurs, chönntsch mi grad mitneh. ich han mine i de oberstufe gmacht das isch öpe 12 jahr her!!! ich wüsst glaub nüt meh...
aber d autoprüefig sälber isch ned schwirig, nur die kürs sind müehsam

Zuletzt bearbeitet am 08.11.13 11:05

@jane, novia
ich bin vo ihm als mensch nid so begesiteret, ich han im 14er thread glaub mal chli devor verzellt... er isch eifach so egoistisch...
aber sini Sache wo er macht sind eigentlich super, er isch grafiker und het es eiges gschäft.

phuu Nothelfer, ich mag mich nüme erinnere das isch scho 14 jahr her, mir hend de dozmal gad i de schuel gmacht...

@jane
weg dine iladige, das isch recht doof, wenn si alli z gfühl hend si chönd z zwete cho, vorallem wenn nid demit grechnet hesch... ich weiss au nid wie da usechunsch, sind de das pärli wo scho lang zeme sind?
ev. chasch ja schüch adüte das ja uf de iladig so gschribe hesch?

@jane: wäg de iladige, das find ich das au sehr schwirig, wenn mer sogar ufs couvert explizit nur de eint name schribt und i de iladig au nur "du" und denn d lüüt meined, sie chönd öper mitneh. für mich wär de fall klar wenn ich so en iladig würd übercho, und wenns ned klar wär würdi zersch nachefrage. aso ich würd au irgendwie elegant versueche, dene lüüt z säge das sie ohni begleitig iglade sind. chasch ja säge es isch us platzgründ usw. irgendwo mueme ja en gränze zieh, susch hed mer plötzli 200 lüüt am abig und d hälfti kännt mer nöd emal

aah schööön wo gahsch go luege wägem chleid?? hoffentlich hesch das mal meh erfolg und besseri verchäuferinne! ich druck der de duume!

@lela: aaah ok das verstahni natürlich... denn chönder ja nur hoffe das d chärtli super usechömed und er chli vorwärts macht! isch für eu ja au doof wenn er immer müend nachefrage...

@weddingbee: aso ich chume vo zug, ich chönnt dich scho mitneh müesstisch eifach vilicht uf zug cho... chönnted eus z.b. am bahnhof träffe oder so. ich känn mi eigentli guet us z luzern.

aaaaah jaaaa mier gahts genau glich wäg em frage nach chind!!!! aso bi mier isch es scho fascht TÄGLICH das lüüt fraged, vorallem im gschäft!! es sind alles u liebi lüüt und sie meineds ja nöd bös aber es NERVT!! und ja, es isch ja würkli ned sälbstverständlich das mier chönd chind ha. ich wott natürlich ned hoffe das es so isch aber mer weisses nie, es chan immer öpis si. und ich han würkli noni uf de tag gnau planet wenn mier afanged familie z gründe. zersch hüratet mer und gnüssed nochli d ziit elei und denn lueged mer wenn mier bereit sind. und wer säit das es grad klappet? vilicht grad und vilicht müemer denn au no 2 jahr warte, kei ahnig...

waaas?? das finid uu fräch vo euchere location!! und d mieti isch ja mega höch??!! chasch nöd nomal mit dene rede?!

guete morge und ä guete start id wuche öich aune

wo siternem gad dranne?

@babyfrag:
mir wärdet o viu gfragt. närvt scho chli. aber änderä chöi mir das ja nid... isch haut chli d schwiizer-art das viu ersch hürate we nachwuchs underwägs isch oder planet.

@bee, location:
findi mega fräch. auso mir zahlä o für jedi tischdechi, stoffserviette u stueuhusse reinigungsgebühr, aber mir zahlä ke mieti sondern nur pro person ds ässä und d getränk wärde gschtrichlet.

@me:
iz wo d iladige am samstig uf d poscht si, weisi nid so rächt wo witerfahrä/baschtlä.
bi scho gspannet uf di erschte reaktionä.