hallo zäme:

@ novia_mayo: wär natürli genial, und uf zug chumi easy...

@ me: han mi mittlerwile wieder beruhigt und versuech bim nächste träffe mit euesere location-frau eifach chli z'handle...

@ baby: grundsätzlich ischs ja nöd so das ich mich per se ufrege wänn ich wäg eusere familieplanig gfragt wird. aber wänn arbetskollege meh als einisch und no vorem chef fröged findis scho eher schwierig...und da frög ich mich eigetli meh ab de persone als das mich d frag sälber nervt...

@ wiiteri planig: mir müend mittlerwile nur no d blueme, s menu, s outfit vom gg (muess er elei mache, ich gseh ihn ja nöd vorher ), mis makeup und d frisur, und no en dj ussueche/finde. das wiederum gstaltet sich als schwierig wie ich han müesse feststelle (aso de dj).
entweder verwütschisch so en partydj-guido oder hanspeter oder dänn sinds sacktüür...mal luege was mer da schlaus mached

wünsch eui en wunderschöne nami! ich freu mi sehr uf euse brunch

Guete Tag ihr liebe...

ojee scho wieder mäntig... :(

@bee:

weddingbee85:

---

entweder verwütschisch so en partydj-guido oder hanspeter

nicht registriert

wuhuuuuuuuuuuuu sorry leute bi voll nid zum schribe cho...mues scho luege das i no nochechume mit mitläse

üsi iladige si immerno im baschtle, aber wenn i s material no überchum wo i bstellt ha sötts länge das i am samstig fertig wird drmit. mr müese se jetz de ändlich mol uf d poscht due, ämel die für die gladene gäst. isch mr no es missgschick passiert...es paar charte si vo dr füechtigkeit vom liim inne licht zämekläbt. s het grüen abdruckt uf die eint site und chli vom text chläbt jetz uf dr andere site. s isch nid meeega schlimm, me chas immer no läse und so aber bizeli gnärvt hani mi halt scho. naja...de wichtige lüt schicke mr de e schöni unverwüscheti missgschickcharte und bi dene wo si eh im altpapier landet nach dr hochzyt, dene schicke mr halt die.

am samstig bini gsi go s chleid abstecke. si het gar nid viel müese abschnide, s het eigentlich passt wie agosse. si het mr no empfohle e corsage azlegge drunter, eifach wills e besseri haltig macht. si het mr de eini gä zum algegge, mues säge, das het würkli no guet passt. bi chli mit em gedanke am spiele no e usflug uf london z mache und mr bi victoria's sectret die passendi hochzytsunterwösch z chaufe, natürlich mit corsage

@baby: bi üs chunts no chli drufa öb mr no e hochzytsreis mache im februar 2015 oder nid. i wött nid unbedingt hochschwanger in dr wältgschicht umegondle. aber i wird de d pille absetzte und denn lömers drufacho. s wär scho s ziel vor 30gi mami wärde

jippiiiiiii hüt wird hoffentlich mis tattoo ändlich fertig!!! freu mi meega!

@weddingbee: ok super denn nimm ich dich doch mit vo zug

@dj: hahaha ich weiss genau was für type du meinsch gueti dj's sind glaub würkli no schwirig zum finde! mier hend zum glück en kolleg wos macht. er leit ab und zue i bar's uf und hed au scho uf hochzite ufgleit. und de priis isch au super, 300.- + ässe und trinke

@baby: mier hend noni drüber gredt wenn mer gnau möchtet afange mit de familieplanig. bi eus chunnts au drufa, öb mer im 2015 nomal möchtet go reise oder ned. wenn ja, denn wotti natürlich au lieber unschwanger gah

@morelia: hey schön hend sich scho 3 agmäldet! hesch susch vill reaktione übercho wäg de iladige?

@canella: ooh schön hesch scho chönne dis chleid go abstecke! und das es so guet passt isch natürlich super.
hesch du demfall keis chleid mit schnüerig? denn würdi uf jede fall au en corsage alegge. das macht en super figur.
das mit de hochzits unterwösch vo victoria's secret isch en super idee! s hed ja jetz z züri am flughafe au eine, aber die hend nur parfüm und so und kei unterwösch
was hesch für es tattoo??

Guete Tag Ihr liebä,

@morelina,
wow super, das isch ja mega schnell gange :)

@canella,
ohh doof weg de chertli, aber das isch ja nid so tragisch, es isch ja nur drinine, oder?
weg enere corsage mueni den ev. au na go luege, aber das machi nanig gad jetzt, ich bin immer nachli i de hoffnig das no s eint oder ander Kilo purzlet :)
betreffend em chleid: http://www.heiraten.ch/forum/board/anlae...4-4_640_74.html
und was hesch für es tatoo, tönt no nach eme grosse :)

@Baby
mir gönd ja den im Herbst 14 chli go reise und mir hend vor ab den nüme z verhüätä unds de druf abcho z lah... mer weiss ja den nie wies ischlaht :)

@me
gester hend GG und ich nachli bläuderlet und mer hend eus vorgnah am Weekend entlich mal wieder chli fürschi z mache, bis ene wuche söttet den au d entwürf vo de chärtli do si *ungeduldig*

@lela: bisch du per zuefall am samschtig in sursee gsi?