Frääääch, ich kopiere jetzt eifach de Text vom 14er Thread

Mädels... Nur gaaaaanz churz... Ich han MIS Chleid gfunde.. Han leider gar ned Ziit zum zrugg zlese jetzt, da mier nah uf Düsseldorf zu GGs Familie fahret und no sötted packe und so...

Gester han ich sehr en netti, ifühlsami und kompetenti Beraterin gha wo total uf mini Wünsch und Vorstellige igange isch. Trotzdem hani natürli immerno schrecklich Panik gha, das ich i minere Grössi nüt wirde gfinde und mier nüt staht...
Han ca 8 Chleider aprobiert. s Erste isch sehr es schöns gsi, aber nöd 'das Chleid', s zweite ebefalls. Is dritte bini inegschlofe und ha das Gfühl gha wo alli devo reded: DAS CHLEID Bin us de Umkleidekabine cho und mini drüü Begleiterinne hend afange klatsche und mis Mami wo suscht nie gross öppis gseit hed, hed id Händ klatscht und gstrahled: Das isches. Bin soooo überglücklich.. Ha denn die andere Chleider au no alli aprobiert... Aber es isch debii blibe. Chleid Nr. 3 isch mis Chleid. Es hed silbrigi Stickereie druf wo aber denn in rum/ivory bstellt wärded und somit passt s Farbschema denn au perfekt zu eusem Vintage Motto. Bilder schicki eu sehr gern zue, per PN, fallses de no langet :)

@novia,
ja das isch so, aber das klappet recht guet... ha wieder agfange spörtle und s macht mega freud!

@jane,
wow es mega tolls chleid, chunt der super... so richtig romantisch! danke fürs zeige!
freu mi au für dich, dass so en kompetenti Beraterin gha hesch! wo bisch jetzt gsi?

@lela: das isch super das der freud macht, das isch s wichtigschte

@lela: ja isch doch so...entweder oder mal luege was mer am ändi überchömed.

@ jane: ich wett dis chleid natürli au gseh

@ me: mir sind jetz no am blueme ussueche...wer vo euch hät d blueme scho "bstellt"? was zahled ihr? bin da rächt unsicher was tüür isch und was nöd...

wüssed ihr scho, wer ihr a euchem tisch werded ha am hochzytsässe? mir händ rundi tisch wo 8 lüüt platz händ und wetted eigetli d trauzüüge mit partner und d eltere ha, das gaht aber nöd...