@Prise Blueme: Mir zahle für 2 Strüss, 2 Astecker, Kirchbankdeko u nes Gsteck ir Kirche, sowie dLieferig u dVerteilig vor Kirchedeko 300-400 Franke. Aus Blueme hei mir Wissi Rose, vergissmeinnicht u Efeu
@Kircheheft: Isch mini TZ mit dr Idee cho, i hätti das vergässe, ha jtzt aber eis afe mache, wärde das über Whynacht/Neujahr no gnäuer agugge u de i Druck gäh. Drinne hei mir: Ablouf ir Kirche u Liedertexte, ggf Infos vo de TZ, Fotoplan nach dr Kirche, div Infos u dr witer Ablouf
@Musik ir Kirche: Mir hei üs letscht Wuche mit dr Organistin troffe, u hei üser Wunschlieder mit ihre besproche, wo si jtzt gugget, ob sis cha spiele u de no eis wo aui "sötte" mitsinge.
@Besprächig Pfarrer: Heit ihr die aui scho gha? Mir hei eigentli scho es Gspräch gha, aber die het leider ufghört. U dr nöii Pfarrer chunnt ersch im Februar u isch de ersch ab am 18te ume (u mir hürote am 15.3!!) Gugge jtzte mit am andere Pfarrer, wo a üsem Datum ebe nit ume isch, ob mir e Teil scho mit ihm chönnte mache, wird süsch gad chli arg knapp das ganze i 3 Wuche zorganisiere! @morelia: Di GG isch ja mega härzig!
@Ferie: Mir hei nach am Hochzyt no bis am Mittwoch frei u schaffe de beidi umi DO & FR wieder. Da i ebe nume 40% schaffe, muessi nume 1 Wuche fähle. Flittis si mir am gugge für mitti September.
@Päärli ilade: Mir hei am Apero zwöi, eine wo mir nüme viu Kontakt hei u eini wo mir meh iglade hei, dass dKirche im Dorf blibt... Er het gfragt, sie guggets aus säubstverständlich ah... Zumau beidi guet bekannt si bi de andere Gäscht. Am Obe hei mir nume Lüüt wo mir ou guet kenne.
@morelia: Ha gad das gläse vo Dire Schwoscht. Tuet mir sehr leid! Isch chli besser, oder zeigt si gäng no kei Begeisterig?
@Musik am Obe: Mir hei e DJ, isch üs für dStimmig haut doch no wichtig gsi, aber de het ca 00.30 Füürobe, aso bis ufs abboue, da mir denn dr Saal wächsle.
@Schueh: I bi mir gad am überlege säuber e Schueh zdesigne, da i befürchte, dass i dr Satinschuhe nüme würkli anne wirde ha, zumau dä ja nit setti nass werde.
@canella: Ächt? I bi im Seeland ufgwachse, woher bisch de Du? Het sech zVerhältnis zu de Schwigis mittlerwiele chli besseret?
@all: Bi jtzt bi site 31 u i gloubs i kapituliere. I hoffe ihr sit mir nit bös, u verzeihet mir evtl dopplets Nachefrage oder so I wünsche euch no ne schöne Obe u morn e guete Start i Tag @
@lula, hihi da stunsch gell :) han ebe z sumis gschaffet, das isch nur 20 Minute gsi... wow nid schlecht, bis site 31 nacheglese... woni igstige bin, hani villicht di letschte zwei site glese :)
@Kiläheft, eigentlich hani denkt das bruchet mer nid, aber jetzt wo du gschribe hesch, das mer dete na chan de föteli ablauf inetue, wer das eigentlich na en guetii Idee... :)
@ferie, mir hend vo Mittwuch bis Mittwuch ferie, also 6 Tag, ich chume vom gschäft devo 3 über, findi mega :) machsch du no schuel oder so, dass du "nur" 40% schaffsch?
@Pärrli ilade, ich finds eifach chli schwirig, bi eus gahts um öpert, wo mer si chum kennet, aber ich find mer chan am abig nid nur eine enzeln ilade, aber ich gah mal devo us, das si, da si eus gar nid kennt villicht vo sich us nid chunt... würd ich emel so mache :)
@bee, hender den nid später chönd, oder nid später welle? also heigah zwüschet ine findi chli ungschickt, da gaht ja die ganz atmospäre kaputt? nid?
@all guete morgä zämä, sit er parat für en neue Tag? :)
@lula.. härzlech wiukomme bi üs woow du bisch de flissig gsi mit nacheläse u o schüsch, dir heit öpe scho aues, he?!
@canella.. kuul bisch mit de chärtli fertig worde.. bsich sicher mega froh?! u wägem ring würdi ne mau chli probehauber trage, de merksch sicher schnäu öb me ne sött apasse oder nid!
@azug.. da luegt mi GG o säuber..
@zivil.. mir wüsse äbe o no nid genau was mir nachem zivlie wei!? aber dänke mir gö nöime go ässe oder mach bi üs dehei öbis..
@tanzskurs.. sötte mir äue de o no mache
@me.. bi üs isch o wieder chli öbis gange.. letscht wuche isch dr nachbar cho, zum cho luege wäg de iiladigschärtli (är schaffet ire Druckerei) u jitze sött eig. hüt d'offerte cho u när wärde die druckt u vrschickt! hinech chunnt no dr Pfarrer für's erste gspräch vrbi.. bi ja scho gspannt was dä so wot wüsse.. dr dj für d'obeungerhautig hei mir o! u am friti bini nomau mis kleid go probiere.. mis mam isch o mit cho u ihre hets o mega gfaue! u de hanis gad bsteut jitz sötte mir de mau chli am ablouf ume studiere.. wie machet dir das so? steit dä bi öich scho?
@ring: ich ha eb gester nomol chli agha, i find er isch z äng. i find me gsehts au ufem bild. mi finger gseht us wie e presswurscht
@päärli ilade: mir hei immer alli als paar ilglade, au wenn mr zum teil d partner nid oder fasch nid kenne. mir würde allwä au nid elei ane hochzytsfest go. i würd mi schatz au gärn drbi ha. also sölle d lüt entscheide was si wei.
@zivil: mir heis am 16.00 und mir gö aschliessend go es apero nä mit de TZ und de go znachtässe mit ihne. we mr no möge wärs cool no neume chli go party mache und paar mojitos go ineschütte
@lela: Jep! Ha de no bis 39 witergläse, aso meh überfloge, aber derte hani närne abgschtelt u no chli glismet... Di Idee het mir mini TZ gäh, si het es Kircheheftli vo ihrer Cousine (gloubs) mitgno, wo ebe ou e Fotoplan dinne isch gsi. Hee, cool, ig ou, u GG vom MI Mittag ah. Nee, ha lang u iwenn ziemli verzwiiflet was gsuecht, u de Deheime dr Huushalt u ums Huus gmacht, aber gäng witergsuecht. Ziel wäri eigentli so 50-70% gsi, aber 40% si besser aus nüt. Mir hei am Obe ou Singels, dr eint haut eifach wüus so isch, u de no dSchwieMu, u dr Kolleg brchunnt dFotografin aus Tischdame u dSchwieMu dr DJ. Nee, so gar nit, bi sit geschter ziemli tillt... U Du?
@smilein: Danke. Hmm... i ha gäng zGfüehl üs fähli no dieses u jenes, ohni zwüsse was chli quer, i weiss Tönt aber bi Dir ou guet! I ha dr Tagesablouf scho ziemli, muess de dä mau no gnau mit mim GG agugge, u ne de a TZ witergäh.
@canella: Schöni Ringe! Aso usgseh wie ne Presswurst tuet dr Finger nit! Bi de ga zoome, dass i gseh was de meinsch. Oh so cool, bi bim nacheläse über Dini Homepage gstolperet. Nime ah, Du bisch aube ou am Pulling in Schwadernau?
mir müese jetz ändlich no dr apero fix abmache, dä hanget no irgendwie chli i dr luft.... mr hei ebe unbedingt welle dr metzger vom nochberdorf und dr käser vom dorf beuftrage, jetz bruche mr aber auno getränk und öbber wo alles parat macht und ischänkt und wider ufrumt...isch bizeli e scheiss....
@lula: mol i find scho, es druckt ne richtig zäme, s isch au nid grad agnähm...i frog mi nur wurum dä so verdammt äng isch, mr hei jo d grössi probiert und sött eigentlich apasst si?????!!! ja schwadernau bini scho gsi, und z zimmerwald ou. dr trouzüge duet ja pullere und mi gg het ghulfe dr ahänger umboue zum übernachte und jetz hei si zäme no e johnny kouft zum pullere wo si wei zwäg mache. wo bisch de du ufgwachse?
I schliiche mi do mou derzue, gläse hani leider bi wittem nid aues!
Aber do mir am 10. Mai kirchlich hüroote, passt das Thema guet!
Wenni läse, was dir scho aues gmacht heit wirds mer ganz andersch ;-) Mir hei so zimlech vöu noni gmacht!
Mir hei afe d'Chile reserviert und dört möche mer au grad s'Apéro ond s'Fäscht, vo däm här isch das au scho fixiert. z'St. Urban. Hürotet zuefällig vo öich au no öpper dört? :-) Was mer de gnau aus Menü bschtöue ond so möche mer de nöchscht Johr.
De heimer letscht Wuche der Fotograf före Hochzitstag buechet .
Im Momänt simmer dra amne Pfarrer z'sueche und e DJ. Isch aber scho no schwirig, weme keni Erfahrige het. Wöu mi Verlobt e Dütsche isch, müesse mer jetz no e paar Papiirli usem Dütsche afordere ond de chöimer nis de bim Standesamt mäude. E wett dört am 4.4.14 hürote, wenns no freii Plätz het.
Chärtli sette mer dänk au mou afoh, aber wöui gärn aues chli im gliche Design hätti muess das Design zerscht stoh.
Ring simmer noni go aluege, das wär vilich i der Wiehnachtszit no schön. Ha aber au so Inserat gseh vo Goudschmide, wome säuber sini Ringe cha go mache. Das findi irgendwie au no cool...
Chleid, tja... ha dänkt, e göig de nöchscht Johr mou go luege, aber jenschti Lüt meine das sigi z'spot. Ha dänk, e chönni de eifach eis neh, womer goht, de muess me nüt me irgendwo go nochebschtöue... Ha immer no d'Hoffnig gha, dassi no chli abnime, aber glaube bau, us däm wird nüt me
@canella: wägem ehering. ich han ebe gern o e bitzeli platz dezwüsched. nöd so das er abgheit aber eifach nöd das er ganz äng aliit und darum verstahn ich dich absolut. zudem seit mer, dass mer mit de erschte schwangerschaft ide regel ei ringgrössi zueleit darum würd ich dir empfehle de ring grösser zmache lah. und wännd ide chile nervös bisch bringt din gg de ring gar nöd an finger...wott dir nöd angst mache, nöd dasd mi falsch verstohsch. aber es wär mega schad...
@lula: danke für d agab vo dine bluemepriise. ich glaub das isch eher günstig, nöd? mini floristin hät scho min brutstruss mit 200-250 franke ageh...
@alli: wänn händ ihr d chile/trauuig a euchem hochzytstag? mir händ 13.30, aber irgendwie fönd jetz all a mit trauige erst abem 15.00/16.00...ich find das eigentli no e schöni ziit will mer halt denn halt de apero grad mitem afang vom festässe chan verbinde und han jetz angst das mer "zfrüeh" afönd und d lüüt sich denn langwiled ide zwöscheziit. was meinde ihr?
@pfarrer: mier hend d besprächig erscht im februar. han aber mal churz mit ihm telefoniert zum ungefähr wüsse wie lang d chile gaht das mer de rescht chönd plane
@canella: hesch mer nomal de link vo euchere homepage? has mer irgendwie ned abspeicheret sorry....
@weddingbee: mier hend d chile am 1. bi eus ischs ebe so das mer de apéro ort ned grad bi de chile isch, mer muess no öpe 10 min. fahre. und zu de abiglocation fahrt mer nomal ca. 40 min. drum hend mer d chile relativ früeh gmacht das mer kei stress hend. mier wänd denn au d föteli bi de abiglocation mache. d frag isch wie iers plant hend. d föteli vor de chile, oder erscht nacher? wenn ers erscht nacher wänd mache wirds evt. chli knapp no mitem apero? und denn verpassed er evt. d golden hour
Anmelden
dr dj für d'obeungerhautig hei mir o!
chli quer, i weiss