Hallo Zäme

Eg bi neu hie im forum. Mir hei am 29.5.2009 Zivil ghürate. Jetzt düent mir am 11. Oktober 2014 no kirchlich.

huhu euxena,

Willkommen in der Gruppe.

Wie wirdsch du fiere? Häsch en Thema oder eher Farb-Wahl? Magsch echli erzähle :)

Liebs grüessli

hallo Zäme

leider hani erst jetz ziit gfunde zum schriibe

also mir hei am 29.05.2009 zivil ghürate. das isch dene nur im sehr chliine kreis gsi. Ich bi den no am studiere gsi. drum esches zwangsläufig chliner usgfalle. Mir hei denn aber scho beschlosse das mir uf jede fall no wei es richtigs fescht nachehole.

Mir hei lang überleit was und wenn mir no öpis wei mache. So simmer uf d idee cho: mir hei standesamtlech ghürate nach dem mir 5 jahr zäme gsi sind. auso möchemer euses fescht wenn mir 10 johr zäme sind und somit 5 jahr standesamtlech ghürate sind.

denn isch d überlegig cho, was wei mir genau für es fescht. So hei mir üs entschiede das mir eus wei kirchlech la troue und eg doch no es wiisses chleid wirde träge. (bim Standesamt hani es schöns schwarzes langs abekleid dreit)

Jetzt isches alo am 11.oktober 2014 sowiit. mir hei en sehr schöni kappelle in Staad bi grenche. anschliessend gits vordra es apero. när göi mir mit em Schiff uf dr Aare nach Solothurn is Resturand Balais Besenval.