Hoi zämä,

Ich ghör au na zu dä Oktober Bräute,
Bi mir isches au am 04.10. sowit :-)

Sali Sweety_84

Härzlich willkomme :)

Hesch du uns no chli öbbis über di welle verzelle? Wie wit sindr mit dr Planig?

Liebi Grüess
sunds

Hoi sunds :-)

Im Moment bini grad am Iladige baschtle, die müend Ende Mai endli use..:-)
Nebetbi bini na a dä Website dra, det happerets im Moment grad chli a
coole Idee dases ned so langwilig wird..
Sust bini grad voll uf dä Suechi nach Acessoires, weisch du evtl.
womer ned allzu türi Brautschueh und schöni Unterwösch herbechunt?
Wägä Ring simmer am umeluege und Lieder am uswähle für Trauuig..

Wasmer scho händ isch: Locations, Transportmittel, Save the Date hämmer
afangs Jahr usegeh, Sängerin für Trauuig, Dj für dä Abig, Anzug für min GG, mis
Kleid, Fotograf und Photobooth und Stylistin...

Bald hämmer Besprechig mit dä Locations und
mitem Pfarrer..:-) Wäg Hochzitstorte simmer au grad na am luege...

Lauft grad recht viel..

Wie gsehts bi dir us? Wo hüratet ihr und us wellere Gegend chunsch?

Fallst na meh wetsch wüsse eifach Frage :-)
Lg

Hallo zäme,

ha mech äu scho lang nömme gmeldet..
I dere Zyt hämmer scho vell weder gmacht :-)

Mer send eigentlich scho ziemlich wiit mer händ scho: d Location, de Fotograph, d Sängeri, en Dudelsackspieler, s Apéro und s Ässe..
und d Iladige hämmer endlich vorletscht Woche äu verschickt...

Hend jetz die nöchste 2 Woche no s Gspröch met em Pfarrer und ufem Standesamt.

Und jetz bein chli am baschtle för d Namesschildli und Gaschtgschenk, esch mer aber no nüd so schlaus in Sinn cho :-)

Liebs Grüessli usem Seetal....

Hallo!

Ich han mini Schueh übers Internet bstellt, bi Aliexpress. Sie hend mit Porto und allem 40 Fr. choschtet und sind mega schön, leider es bitzeli gross, jetzt mueni luege öbs langed wenni vorne und ade Ferse so Pölschterli ine mach. De Seich isch eifach, dases nöd chasch zrugg schicke, wie bi Zalando oder so.

me: Bi üs isch wieder einiges gange, alli Eckpfiiler stönd fescht, jetzt fehlet "nur" no d'Details.
Mir hend de Apero inere Aula, d'Mensabetriiber mached s'Catering, also hend mir mit dem nöd viel ztue.
Am Abig sind mir im Saal vomene Turm, döt mached mir eigentlich alles selber, also di ganz Deko, d'Bar, Photobooth, ...

Mir hend bereits:
-Chile
-Location Apero und Catering
-Location Abend und Catering
-DJ
-Fotograf
-Kleid, Schuhe
-Flitterwochen gebucht
-Besprechung mit Mesmerin, Caterings, Locations
-Photobooth
-Tischtüecher, Stuehlschleife, etc.
-ganz viel Glasfläschli leer trunke und i üsne Farbe igfärbt
-Lampions sind bestellt
-Gaschtgschenk agfange bastle (nähe Schlüsselbänder, gnäht sinds, nur no de Name müend mir ufdrucke)
-Termin Ziviltrauig
-Termin Frisur und Makeup
-an Tanzkurs agmolde
-Ring bstellt, graviere loh, müend nur no abgholt werde

Als nöchschts stoht das a:
-genauer Tagesablauf überlegen (Wo treffen sich Gäste, wo sehen mein Freund und ich uns das erste Mal, wer fährt mich zur Kirche, ...)
-Aazug sueche
-Floristin finden, Offerte einholen
-Fahrzeug für uns organisieren
-Sängerin (eine Freundin) anfragen, ob sie in der Kirche singt
-Helfer für die Bar anfragen
-Gaschtgschenk fertig bastle
-überlege, wie mir d'Gäscht i de Chile wennd iibezieh
-Schmuck bestellen (Perlenschmuck ist gerade 50% bei Rhomberg)
-jensti Sache bastle/gstalte: Namensschildli, Accessoires fürd Photobooth, Chileheft, ...

Ich bin sicher, die Lischte wird no viel Länger werde. :) Mir hend chli Gas ge, will di nöchste Wuche/Mönet wohrschiinlich nöd viel Ziit bliibt fürs Hochziit und do mir vor em Hochziit bereits id Flitterwuche gönd wirds denn plötzlich schnell Oktober...

En Guete!

Was lauft bi eu?

@all bi euch ischs jo au super vorwärts gange :)

Mir händ scho erledigt:
- Termin Ziviltrauuig
- Nachtessen Ziviltrauuig
- Kirche reserviert
- Apéro besprochen
- Transport gebucht
- Homepage fertig
- Iladige verschickt
- DJ buecht
- Fotograf buecht und besproche
- Kleid und Schueh kauft
- Kleid, Schueh und Schmuck fürs Zivile kauft
- Location Essen buecht
- Ring bstellt
- Grundkurs tanzen gmacht
- Kleider für d Bluememeitli

Was no astoht:
- Gottesdienst planen
- Gastgschänk bastle (Material scho kauft)
- Namensschilder bastle (Material scho kauft)
- Azug GG Termin mache
- Termin mit Florist mache
- Termin mit Obelocation mache
- Stuehlschleife bstelle

Ich glaub bi uns chunt au no viel meh drzue wo mer no müen mache aber das isch das wo mer jetzt grad in Sinn cho isch. Het öbber vo euch au Bluemekinder?

Wünsch allne e schöne Nomitag