Ja das mit dene Ameldige... han eigenlti kei grösseri Reaktione erwartet, aber grad so wenig.. janu. Cool, immerhin hend ihr scho 20, di nöchste chömet denn scho... ich denke so gäg de Schluss chunt denn de grossi Schub :)
Ja, ich han eigentli d Gastgschänkli wele bstelle, aber bi dere woni sie han wele mache lah, hani irgendwie s Gfühl dass sie nöd würkli zueverlässig isch, sie verspricht mär Sache wo sie nöd ihaltet, meldet sich nur selte uf mini Mails/Tel. und ich möcht das nöd riskiere, also machis selber :) gitt aber au nur öpis chlises und zwar so Bonbongläsli mit Zuckermandle, bi eus isch das üblich dass mär öpis gitt am Schluss...
Oh schön hend ihr ä Sängerin? Ich hett ä Kollegin wo uu schön singt, getrau mi aber nöd recht fröge, mir hend nöd so Kontakt und weiss darum nöd recht... muessmär das nochli überlegge
ohhh nei has falsch gschrebe ha ned 170 Chärtli verscheckt, send 170 Lüt iglade sooo esch es rechtig.
Also be mer machts au en Fröndin vo mer. Ha sie zerst au ned welle froge do sie doch be de glatne Gäscht esch. Aber mi GG hed denn gfonde mou das wemer das esch persönlech.
Ech wörd sie eifach mou kontaktiere...e chli gspöre wies so esch...de chasch emmer no froge...meinsch ned?
hallo emma! ich finde, canoa hed rächt! sorry, wett mi eigentli gar ned be euchem thread iimische aber ich ha sälber auch scho a zwe hochziite gsunge woni iiglade gsii bi, will mech s'brutpaar gfrogt hed, und ich finds en meeega ehr, wenn me das dörf mache! ich glaube es lohnt sich z'froge!!!
Danke eu beidne.. aber bi eus isches bitz andersch, die Kollegin kenn ich nur vode letschte Usbild vo ich gmacht han, det hemmer zwar scho Kontakt gah, aber sitemene Jahr gsehmer eus nüm würkli regelmässig, wär daher au nöd plant gsi dass mär sie iladet, darum findis chli komisch... weiss halt nöd wie's für sie isch. Ich wür sie denn natürli au am Apéro ilade, aber ebe... han nöd würkli viel Kontakt mitere.. darum..
du chasch sie jo mou onverbindlech afroge ond sie sell sech doch au öberlege was sie deför wetti ond denn chasch emmer no säge öb sie denn wetsch oder ned...Ech ha sie au gfrogt was sie deför wetti ond jetzt tued sis eus ufs HZ schänke, sie esch eh froh do sie no Studäntin esch...
Emma ech dänke sie cha ned meh weder nei säge, ond de weisch es au! =) Oder chasch ehere es liebs CHärtli schriebe ond so froge...so aus Idee
hey emma, wenn du uf sie zue gohsch und ihre seisch: ich hürote. und ich wett dass denn öpper singt, und ich ha a' dich dänkt, will du so schön singsch, und ich würd mich sehr freue wenn du würsch am gottesdient singe und wärsch natürli zum apero iiglade und überleggs dir doch, muesch di ned zwunge fühle aber ich ha dänkt ich frog eifach.... usw... denn cha sie jo frei entscheide! und weisch wie schön: SIE isch dir in sinn cho wo du überleid hesch wär dini hochziit gesanglich sell umrahme, das isch es riese komplimänt! ich finde au du settsch sie froge, du hesch nüd z'verlüüre!
Ja ihr hend recht, grundsätzliches isches ja au für sie öpis sehr schöns :) muess mir eifach chli überlegge wie ich sie sell fröge da ebe de kontakt all paar mönet mal stattfindet, es nets Kärtli wär gar kei schlechti Idee :)
Min Fründ het hüt sin Azug fürs kirchliche kauft ich dörfen nöd gseh, er seit aber dases wuuuunderschön isch, freu mi scho riesig :)
Ich bin scho flissig am bastle, bin ade Gastgschenkli wo Bonbongläsli sind mit Zuckermandle i verschiedene Gschmäcker (Nutella, Tiramisu, Cappuccino un Kokos) und verschiede Farbigi Nut Cream Perle, denn machi di normale Tüllkreis mit normale Mandle für Nachbare etc.. Muess det nur no es Täfeli mit eusem Name & Datum anemache
Morn hemmer en Termin fürd Torte und was d Ameldige betrifft... Unglaublich aber mir hend erst 10 Reaktione übercho (vo 60 verschickte Kärtli) werdet würkli alli bis am Tag vode Ameldefrist warte???!!
Wow, das gseht toll us! Super, dases bi dir so guet vorwärts gaht.
Mir händ d Prioritäte momentan grad chli anders: In zwei Wuche wärde mer nämlich scho uf em Standesamt zivil hürate und e Wuche spöter gömmer id Flitterwuche! Bin also grad chli am organisatorisch alles kläre, z.B. am usefinde, wo mer überall de Name muen ändere oder am luege, wasi no für Summerklamotte han und obi nöi Sandale bruch und so
D Iladige wärdet mir denn erst nach de Flitterwuche im Mai verschicke. Mer händ ja scho Save the Date Chärtli gschickt, es sett also niemert nachher säge, dass sie jetzt öppis anders vor händ. Und e langi Ameldefrischt schiints sowieso nid so z bringe, wie ich jetzt vo villne gläse han. Bisch also sicher nid die einzig, Emma, wo nur wenig Reaktione ufd Iladig becho het.
Trotzdem bini scho chli am Iladige baschtle. Öises Thema isch ja "Märli" und ich wett drum allne gladne Gäscht es Märlibuech als Iladig schicke. Si settet mal eso usgseh:
D Iladig isch uf de erste Umschlagsiite und s Buech bliibt susch wies isch. Chamer also wiiterhin normal läse. Das isch mer wichtig gsi, ich mag nid so die usghölte Büecher, wo mer denn gar nüme läse chan.
Au de anderne Parallelbrütlis e schöni Vorbereitigsziit!
Anmelden
ich dörfen nöd gseh, er seit aber dases wuuuunderschön isch, freu mi scho riesig :) 
