| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Pfarreranfrage
 1 2
01.02.10 15:02
ddpp  		Pfarreranfrage

Hallo zäme

hend ehr be üchem Wunschpfarrer eifach mou aglüte ond g'frogt öb ähr üch wörd traue oder hend ehr das med emene spezielle Kärtli oder so gmacht?

ech be of de suechi noch öpis speziellem, auso eifach ned grad es wisses Blatt wo drofstoht, öb ähr a üsem Datom no Ziit ond Lust heig

01.02.10 15:09
cuenca 

Re: Pfarreranfrage

Mir händ ihm es email gschriebe... und ihm gseit, dass mir denn hürated und mir ois sehr würded freue, wenn er ois würd traue...

er häd sich sehr über d'afrag gfreut, chan aber leider nid... jetzt müend mir en andere sueche

das mit eme chärtli/brief fänd ich aber au no e schöni Geste (ich telifoniere nid gärn, darum bin ich eher für s'schriibe). was au isch, ihr chönted evt. uf em Pfarramt wo er isch verbigah...

_____________________________________
Wir heiraten kirchlich am 4. September 2010
01.02.10 15:19
peja 

Re: Pfarreranfrage

mer händ ihm telefoniert u agfraget.. er hät freud gah u i hoffe äs chunt guet.. :-)

grad im gegesatz zur cuenca, find i telefoniere besser als schriebe, will mer dä grad au sini reaktion gseht u chan nächer druffigah.. aber das isch natürli wieder ä persönlichi entscheidig.. das mit em chärtli isch aber au ä gueti idee.. sehr persönlich, find i schön!
01.02.10 15:24
chloro 

Re: Pfarreranfrage

Mir hei o telefoniert und er het gad zuegseit nachdämer id agenda gluegt het. När heimerim natürlech o es chärtli gschickt.freufreu
01.02.10 18:00
Ocelot80  		Re: Pfarreranfrage

Wir haben das Glück das der Götti meines Freundes Pfarrer ist, ich denke dadurch wird auch unsere Trauung vielleicht ein bisschen persönlicher....

Ziviltrauung 30.07.2010, Kirchliche Trauung 07.08.2010
www.ale-und-maenu.heiraten.ch
02.02.10 08:02
Soefeli82

nicht registriert

 Re: Pfarreranfrage

der pfarrer vo mire heimatgmeind schaffet itz für d gmeind vo mim schatz u so isch üs d entscheidig liächt gfalle, wo das mir hürate u weles üse pfarrer isch. eigentlech hättä mir i üsere wohngmeind welle hürate, aber da d pfärrer nid gärn i "frömdä" gmeinde chöme cho lüt troue, heimer üs entschide, id gmeind vo mim schatz ga ds hürate. dä pfarrer wo mir itze hei isch super. är macht das richtig familiär. mir heine per mail kontaktiert u är het sofort gwüsst, dass är mini schwoscht im 06 scho trout het i mire heimatgmeind.

**Zivil: 20. August 2010 * Kirchlich: 28. August 2010**
07.02.10 16:15
ddpp  		Re: Pfarreranfrage

danke föf üchi Meinige.

ech bastle jetzt mou es Kärtli, do ech so Sache ned gärn per Telefon mache...

be de mou of d'Antwort gspannt.
17.02.10 16:10
dorina 

Re: Pfarreranfrage

Ihr glücklichen, ihr habt schon einen!

Wir sind am durchdrehen, weil wir keinen finden.... ;-((((
Der einzigmöglicher verlangt noch den Ehevorbereitugnskurs, auf welchen wir keine Lust haben...
- irgendwie habe ich nicht gedacht, dass die ganze Pfarrer & Formalitäten-Organisation so kompliziert wird...;-(

saletti

dorina
22.02.10 13:20
Carmile 

Re: Pfarreranfrage

juhuuu, beide pfarrer gefunden!!

letscht wuche hend mer 4 kath. pfarrer agfrogt, all scho usbuechet. und denn hät gest mini best fründin ihre pfarrer vode gmeind agfrogt und prompt e zuesag für üs becho. hüt hani denn no min evang. pfarrer agfrogt und er chan. wow. er isch denn zwor mit sinere family gad ufde durchreis id ferie, macht die trauuig aber glich. han mi gad mega mässig gfreut. jetzt hoffi denn dass sich die zwo verstönd, üs de kath. passt, will mer en jo nonig kennet und es eifach guet chunt. freu freu freu.

aber dorina, het au nie denkt wie schwierig das wird. anschinend htäs früher eifach soviel pfärrer wie chirche geh und das isch hüt nümm so. gad di junge sind denn hüffig total usbuecht fürd summerzit. krass.
22.02.10 13:52
speedy 

Re: Pfarreranfrage

Hey Carmile!
So schön!!! Scho wieder es Sörgeli weniger! Nach so viel Absage muesch irgendwenn wohrschinlich au eifach säge: Mer nämed dä wo Zit het. Aber würklich schlächt isch en Pfarrer jo au nur sehr sälte. Ich hoff ganz fescht, dass ihr sonen richtige Glücksträffer glandet händ!
Liebs Grüessli
Speedy
 1 2
wahrscheinlich   Anmeldeprozedere   freigeschaufelt   GOttesdiensten   heimatgmeind   Ehevorbereitugnskurs   ale-und-maenu   Formalitäten-Organisation   einzigmöglicher   Pfarrer   Pfarreranfrage   wohrschinlich   interessieren   Uswahlkriterie   Glücksträffer   telefoniert   Wunschpfarrer   zusammensetzen   verschiedenen   Gemeindepfarrer