| Restaurant Chur-Sargans-Walensee? |
|
|
1 2
|
21.07.08 21:56
meitli 
|
Restaurant Chur-Sargans-Walensee?
Hallo zäme
Kennt öpper es guets, aber nid allzu tüürs Lokal zum Hürate im Ruum 5Dörfer - Sarganserland? Quellehof Bad Ragaz und Schloss Brandis Maienfeld si üs chli zu gehobe, mir wette aber ame Ort miteme grosse Saal, wo me bi 100 Gäst am Aabe gliich no cha tanze...
Chönnt o e Ruum si, wo me mit Catering häre chönnt...
Merci für öii Tipps!
Meitli
|
|
|
|
|
|
21.07.08 22:09
Icewomen
|
Re: Restaurant Chur-Sargans-Walensee?
Hallo Meitli
In Walenstadt kannst du in der Curfirsten mit 100 Leuten feiern die haben einen grossen Saal den man auch zusammenlegen kann.
Ausserdem ist natürlich der Seehof noch der auch einen grossen Saal hat.Ausserdem liegt er gerade am See.
Wir feierten diesen Mai im Seehof unsere Hochzeit und waren rundum zufrieden mit allem..wir hatten den kleinen Saal da wir nur 40 Leute waren.
Wann wollt ihr dann heiraten? Denn momentan ist das Heidimusical in Walenstadt bis Ende September.
|
|
|
|
|
|
22.07.08 06:47
Manuela24nicht registriert
|
Re: Restaurant Chur-Sargans-Walensee?
Hoi meitli
@ meitli: Ich cha mich dä Empfehlige vo dä Icewoman nur aschlüsse. In dä Churfirste sind mir im 06 an ere Hochziet gsi. Isch voll schön gsi und nöd tür. Mir selber hüratet au im Seehof. Komischerwies werdet mir aber dä gross Saal ha, obwohl mir au nur so 40 Lüt sind.
@ Icewoman: Isch dä Ruum schön dekoriert gsi oder händ ihr selber öpis gmacht? Händ sie eu ä Hochzietstorte gmacht oder händ ihr die wo andersch organisiert? Und vo wo händ ihr d'Blueme gha? Sorry für die viele Frage. Ha bis jetzt no niemert kennt, wo det ghüratet hät. 
Lg
Manuela
Mir trauet üs am 29.05.09 & 06.06.09 :-)
|
|
|
|
22.07.08 21:55
Icewomen
|
Re: Restaurant Chur-Sargans-Walensee?
Also mir sind im chlinä Saal gsi hinter der Bar da es Johr dervor vo mir reserviert händ dä grossi Saal au reserviert gsi isch für ä Gesellschaft.Denn hani denn alles für döt planet cha und kurz vor em Hochzyt het denn die anderi Gesellschaft abgseit und so het dä Marco (d Wirt) üs selber überlo was mir went machä. Mir händ denn denkt mir bliebed im chlinä Sääli wo ich doch schu Tisch Ordnig gmacht ha.D Josy Biasi (d Wirtin) het mir dann no ghülfä zäma stellä so sind mir 3 Tisch gsi 8 /10/13. Dä Bruttisch isch dä 8-10 gsi. Deko händ mer vum Blumäladä Bürer vu Walenstadt machä lo.Ich ha je 3-4 callas liegend mit bänder und perlä cha.Dazüschet hani vur Ikea Teelichter cha wo ni der Floristin brocht ha.
Dä Seehof het weisse und melonfarbigi Tischtücher und so gläsigi Kerzäständer.Doch sie sind vur eigentli jedi Idee z ha.
Mir händ dä Seehof gwählt da d Wirt mit mim Ma id Schul isch und mir au öppä döt so i kehrä gönd...und z Essä isch au super
|
|
|
|
22.07.08 22:00
Icewomen
|
Re: Restaurant Chur-Sargans-Walensee?
@Manuela24
Wegä dä Hochzytstortä:Du häsch si direkt vum Seehof ha...denn isch meischtens a Vachrintorte...ä Glacetorte.Dä Marco het sie vum Cafe Gubser/Rickli in Walenstadt.Mir händ üsi Torte direkt im Rickli bestellt da mir kei Vachrin händ welä und so a Charlottetruse(Spezialität vum Rickli) chä händ.Du chasch auf Torte vu ä andere Confisierie ha.Mir händ als Dessert dä Sorbetteller cha mit 3 verschiedene Sorbet und Frücht.
Bi Frogä eifach meldä
|
|
|
|
23.07.08 00:28
meitli
|
Re: Restaurant Chur-Sargans-Walensee?
merci für öii tipps, dir sit super!
mir wärde also in walenstadt mau chli umeluege. a ds alte bad pfäfers han i o scho dänkt, muess mi mau gnauer informiere...
mir hürate im oktober ime jahr, hei also no chli zit :-)
danke und liebi grüess, meitli
|
|
|
|
|
|
23.07.08 18:39
Manuela24nicht registriert
|
Re: Restaurant Chur-Sargans-Walensee?
@ meitli
Bin gspannt, für was Du Dich schlussendlich entscheide tuesch. Viel Spass bim Vorbereite!
@ Icewomen
Viele Dank für Dini Antworte! Ich bin ebe no nie im Seehof gsi, ha en erst mal vo usse gseh. Nächst Monat gönd mer denn aber mal det go esse. Mini zuekünftige Schwiegereltere wohnet ebe in Walestadtberg und kennet d'Wirtin sehr guet. Muen mal min Fründ wege dem Blumäladä Bürer fräge. Und wege dä Torte muen ich no überlege. Will Vachrin wet ich glaub au nöd unbedingt. Vermuetlich fräg ich au mal bim Cafe Gubser/Rickli nach. Mir wänd ebe eigentlich erst nächst Jahr bim Seehof verbie gah um es paar Details z'kläre. Ebe wie Deko, Torte, Esse etc. Aber bin halt jetzt scho neugierig und da Du det ghüratet häsch, ha ich eifach fräge müesse. 
Lg
Manuela
Mir trauet üs am 29.05.09 & 06.06.09 :-)
|
|
|
|
|
|
|
|
1 2
|
Anmelden
