Nicole wass musch denn no alles erledige dass es so stressig esch?

schön wegem chleid! musch vell ändere lo?

ich ha ebe mini kontene bi de post und ha gmeint, me chön de name det online apasse lah, ich muess das aber no abkläre i dem fall. vilicht warti mit post und lohn au bis mer wieder dihei sind. aber füehreruswiis chönnt mer vorher scho mache und krankekasse, vermieter, versicherige etc. etc.

doch, die chömed mer ja am zivile über. ich ha denkt ich chönnt all briefe scho vorbereite, die bestätigung denn eifach 20x kopiere und denn ufem weg an flughafe iiwerfe, haha. wär ebe scho mega schön wenn mer nach de flittis nöd no de ganz stress au no hät.

@elea
i hoff i muess nid vill ändere loh

mir händ am Mäntig s Gspröch mit em DJ gha, am Dienstag s Abschlussgspröch mit em Pfarrer.
inere Wuche händ mir no s Gspröch mit em Caterer und no mit dr Location und mit em Dudelsackspieler wo mir für d Trauuig händ miehnd mir au no ä Termin abmache.

es sind halt au no Kleinigkeite wo so vill Zyt in Aspruch nähmed: Namenskärtli und Menu Karte schriebe,
Serviette falte, Deko ikaufe usw...

mir händ ä Treibhaus gmietet, do miehnd mir alles sälber mache.. zum Glück ha i in dr Wuche wo mir hürote frei!!

ajo, und für dr Hochzytstanz miehnd mir auno üebe


und wie wyt bisch du mit dä Vorbereitige?

eusi to do liste wird zum glück au langsam chürzer, aber es git scho no es paar sache zum mache. mir händ zum glück 2 täg vorem fest no frei, da chani sicher no einiges erledige.

hihi euses zivile isch ein tag vorem fest, ich hoff sehr dassi dezwüsche nix meh muess mache :-)