Ebe, het ne jo niemert zwunge zum jo säge .

Weisch ich ha d Erfahrig gmacht dass Lüt wo ebe wörkli eifach unigschränkt happy gsi sind meh oder weniger das eifach ned chöne nochevollzieh wenn me denn ebe so de Realist usehänkt, finde eigentli ned dass ich sust e negative Mönsch wär, ebe eher eifach realistisch geprägt. Weiss jo ned was bi euch alles vorgfalle esch, aber mir händ also jensti schwierige Phase gha.

Trotzdem liebe mir eus über alles und händ die ganze üble Sache hinter eus gloh und überwunde, für das beni sehr dankbar und au chli stolz druf .

Eve i weiss vo was du redsch. Die ganze Problem mit dä Sücht, de Vergangeheite, bi eus na zwei zimmli übli Unfäll vo mim Schatz etc. präget und machet eim stark, üs hät das so fest zämägschweisst das mir wüsset, dass na einigi schweri Sache uf eus zuecho chönd und mir das zämä bestimmt meistere werdet.

S isch extrem belastend und traumatisierend. Au ich han mängisch nid gwüsst ob i sell fürschi oder zrugg, obs so überhaupt e zuekunft hät. S isch denn allerdings umso schöner wenn mer das zämä gschafft hät und chan ine hoffentlich unbeschwerti zuekunft blicke. natürlich isch min schatz au extrem dankbar für all das und das ich ihn däbii unterstützt han.
was für mich vorteilhaft isch isch, dass ich i de psychiatrie schaffe und somit viel ha chönä ablade, rede und tipps hole, das hät mi extrem gstärkt und i wüsst au nid wies jetzt wäri wänn ich die unterstützig vom betrieb nöd gha hetti....

Ja das töhnt ächt so als ob mir beid ähnlich schweeri ziite hinter eus hättät. vor allem au die sach mitem decke känni und isch für mi extrem belastend gsi, ha aber irgendwie immer welle s guete bild wahre...

ich bi au mega froh isch das alles dure, händ mir än wäg gfunde und chönd gmeinsam ine schöni zuekunft luege. s isch halt so das i mega jung bi (23gi) und darum das ganze au sehr schwer gsi isch für mich, da ich aber sit 16ni sälber problem han, zwar gsundheitlich aber au sehr belastend, bini wohl chli riifer als mängi frau i mim alter und han das ganze anschienend au guet chönä meistere

Ja selbstvertraue isch echt s a und s o bi so sache, wies aber usgseht hesch du das ja bis jetzt super gmeisteret! Die sach mitem rugge isch ebe au mini sorg, hoffe dass das guet chunnt so en lange tag stehend

ou lässig jez hemmer en eigete september brütli thread! ganz lässig!!! :)