| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
September Bräute 2013
 1 .. 16 .. 30 31 32 33 34 .. 50 .. 65
02.09.13 07:56
Eve777 

Re: September Bräute 2013

Guete Morgeeee Zäme , soo obi au wieder mol chli debii bim schriebe.

Mich dunkts de Bräute 2013 Tread esch so ruhig worde, sind glaub nüme eso viel Brütlis überig wo jetzt no hürotet im September / Oktober.

Hei Elea du hürotisch die Wuche zivil gäll ? Wuaaaa ich i 2, bi ab und zue meegaa närvös und denn wieder arschcool, ganz komisch *g*. Aber ha s Gfühl d Zyyt rast. Am Friitig beni mis Chleid go abhole und ha no gseit gha zu minere TZ hei ich ha s Gfühl ich ha das erst grad usgsuecht und jetzt hüroti eifach i 3 Wuche scho .
02.09.13 08:03
Lou259 

Re: September Bräute 2013

Oh goooooott am samstig hürot ich! Das isch jetzt aber rasch ganga! Zum Glück chani die Wuche schaffe, suss würi wahnsinnig werda
02.09.13 08:09
elea 

Re: September Bräute 2013

ja genau eve, de samschtig Hemer euses zivile! do beni end ufgregt, wells mer eifach no so sureal erschint! chas ergendwie gar nonid glaube! aber s guete esch i muss mi eifach hübsch mache, de pass ne ond parat stoh. alles andere wird organisiert, do beni schono froh :)

letscht fritig esch de Pfarrer no bi eus dehai gsi, ond de hetter welle üebe wimer de mönd hocke und wimer eus mönd d ring alegge ond so. mein Gott GG und i send plötzli so nervös worde. mer send die stobe gstande und hend zetteret wie sell das das erst werde wenns den ernst gilt?

02.09.13 08:17
Lou259 

Re: September Bräute 2013

@elea: das funktioniert scho, wo min GG und ich das vor em zivile testet hen, simmer au nervös und zittrig gsi. Aber denn im standesamt isch das so rasch und unkompliziert gange, dass mier am obig drüber glacht hen du hürotisch amne samstig zivil? Das isch au untypisch.
02.09.13 08:20
elea 

Re: September Bräute 2013

aso wegem zivile beni absolut gaaar ned nervös. eifach denn wegem fest... ebe denn wemmer denn ring tusche und vor allne lüt mönd stoh :)

ah mer hend amene samschtig s zivile... :) bim Standesamt womer hürote, dönds Emmer am erste samschtig vom monet au trauige dorefüehre. ond i ha das onbedengt welle, welli ned ha welle dass all mönd extra frei ne förs zivile :)
02.09.13 08:24
Snow_Floks 

Re: September Bräute 2013

Guete Morge mitenand,
Ich bin au wider da
Miteme chline Pricht vo mim Zivile:
http://www.heiraten.ch/forum/board/versc...m-15_240_1.html
02.09.13 08:27
Lou259 

Re: September Bräute 2013

@elea;: jö wie herzig mier hen halt s zivile ganz klii 'gfiiret' nur TZ, GG und ich. Mier hen gfunde: do mier kai goldesel dahai hen machemer nur 1. fest. 2x richtig fiire chönten mier üs nid laista. Wenn isch denn dis chirchliche?
02.09.13 08:29
elea 

Re: September Bräute 2013

haha goldessel hemmer au ned lou
euses zivile fiire mer au em chliine chreis. (met eus semmer 11lüt) ond mer grille bide eltere vo GG em garte. aso au sehr eifach, aber mer freuet eus.
bi eusem fest simmer (met eus) 18lüt, aso au sehr chli ;)
mer hürote ned die chele, sondern hend en trauuig em freie (wenns ned schön esch, denn wers imene zelt).

wie vell werdet ehr denn si a euchem fest?
02.09.13 08:32
Lou259 

Re: September Bräute 2013

@snow_flocks: herzlichi gratulation zu dinere hochzyt! Ich wünsche dier und dinem Ma alles gueti für d zuekunft! Viel Kraft und Geduld in schwerra zyta und ich hoffe dass die guete zyte überwiigen!

Verzell: wie fühlsch di?
02.09.13 08:36
Snow_Floks 

Re: September Bräute 2013

@Lou: Danke viiilll mal.

Wie mer sich fühlt?!?
hmmm.... isch im moment nochli unrealistisch...irgendwiä (so wiä wänd 20gi, 30gi, usw. wirsch...)
Chans grad nonig so ihordne, aber das chunt den scho no...denki
Ez bini wider am schaffe, so wiä vorhär au... vilicht bruchts den no d'Flittis bisis kapiere....
 1 .. 16 .. 30 31 32 33 34 .. 50 .. 65
hochzytsglückwunschkärtli   eigentlich   familie   organisiert   Schlächtwättervariante   Fründin   richtig   September   super-extrem-Forum-söchtige   himbeer   schaffe   langziitwätterprognose   vorallem   eigentli   problem   Hochzig   hochziit   irgendwie   komisch   Samstig