jo jez hani grad wele sege, de muss me halt öberd saalhöchi... esch zwar doof, aber ebe got sei dank hesch du das no gmerkt!!! ou so schön ofe kirchberg? das esch wahnsennig schön! vo eusem Balkon us gsemmer d Chile chöttige Emmer ond d ussecht esch natürli wonderschön! hoffentli eschs de schön klar dass er au d alpe gsend!!!

Jo oder übere Benke chönti me au no, aber ich weiss ned für Lüüt wo d Region gar ned kenne esch das allwäg z fest durs Chrut. Ha jetzt als Alternativroute Saalhöchi, Benke oder Autobahn agä, irgendwie finde die das scho .

Ou so cool denn händ ehr jo e hammer Usblick . Findes det ebe au so schön, so idyllisch ufem Hügeli, halt eifach e härzigi Chile. Bi ebe in Chüttige ufgwachse und denn het mi GG vorgschlage dass mir doch det söle hürote (er het ebe mit Chile ned viel am Huet, aber die gfallt ehm mega) .

Hahaaaaaa Elea bisch die coolst, gseh grad e Szene vor mim geistige Aug , aso wennd denn ned sälber wördsch hürote hätisch au gärn vor Ort döfe cho spienzle .

Nei das hämmer ebe nonig e Schlächtwättervariante. Im Momänt beni eifach no ganz naiv und dänke nur neineiiii s wird sicher schön . Mir händ ebe dänkt mir mache sicher bi de Chile scho es paar Föteli, s het dete jo sones Chiesplätzli unde mit so schöne Bäum oder au hinter de Chile hets mega schöni Plätzli. Denn mache mir ebe sicher no es paar am See, aber wenns jetzt wörkli mega wörd schiffe, kei Ahnig.

Ha mir ebe no überleid, dass mir denn halt d Gruppefoti mit allne Gäst im schlimmste Fall grad i de Chile inne mache oder unter dem Vordächli wenns det gnueg Platz het und d Paarföteli ev. imene Gwächshuus wo ufem Wäg zum See lieht. Euse Chauffeur vom Hochzyysauto esch ebe de Inhaber vonere Gärtnerei und ha dänkt ich wördi sust ehn froge öb mir das döfte mache, wörd glaub au no ganz cooli Föteli gä.

hallo zäme! ich ha wieder kei ziit für forum, debii gohts jetzt wirkli nümm lang und ich wirde langsam kribbelig ha am wucheänd nochli fertig baschtlet, gid jetzt nümm viel z tue. so langsam sind mer parat, no es par chliinigkeite wo aber gar no ned chönd erledigt wärde. ich freu mi mega! leider isch s wätter im momänt fascht z schön, ich ha de immer angscht dass es bis zu eusem hochziit de sicher wüescht isch aber es isch denn halt so wies isch!

wägem name: ich nimme au de name vom gg aa, isch zwor chli en läschtige name (muess immer buechstabiere und keine schriibts richtig), mine wär do viel eifacher. mini arbeitskollege nenned mich mängisch xy"li", die hend jetzt gfrogt ob sie mir denn immer no so dörfed säge voll härzig

ich wünsch euch allne no e wunderschöne tag - gniessed d vorfreud!!!

es isch wirkli krass wie schnell die ziit jetzt verbii gange isch!!!

ech freu mi riesig uf euse tag! min kolleg hed hütt gfrogt obi d langziitwätterprognose scho aagluegt ha, naja, has jetzt gmacht: 18 grad und bewölkt. aber es wär immerhin troch. er hed de gseid dass är sich sehr uf eusi hochziit freut, das hani uu härzig gfunde und hed irgendwie wieder en schuub vorfreud usglöst

apropo wetter.. i cha nöm i segs euch Mädels
am wochenend het mi frönd wetter bricht agluegt för am 7.september för euses zivile ond de esch gstande 12grad. ond mer so, ja peck de frühre mer halt aber esch egal... jez beni vorher nomol go luege ond jez heisst 27grad
de wetterbrecht esch doch bsoffe