Im Moment gohts mir eich recht guet und i denke gar ned gross as HZ.
Eich isch alles organisiert und parat usserd,mis Hochzytschleid und dr Ahzug si nanig dihei
sEinzige wo mich recht ufregt und belastet,si am GG sini Eltere...im Moment hemer Funkstille,da sini Eltere finanzielli Problem heged,wo mir drah Schuld seged Naja das ganze isch klar was privats und eh langi Gschicht aber mir ghats bim dem ganze drum,es gheit nüme lang und mer hürate und grad JETZT mit dene Sörgeli zcho isch eifach nur es No-Go.Vowege sie chönd sich ke Chleider fürs HZ leiste ect. aber es neus Huus chaufe und es neus Auto...das ganze schlaht mir so uf de Maage.
Und es schisst mi ah,da ich was so öppis ahgoht empfindlich bin und mich drfür verantwortlich fühle.
Min Vater hanich au müesse uslade,weg dr jetzte Scheidige.Und so ohni Eltere amne HZ.

Ghöre au zum jüngere Part vo de Brüüt(22gi)
Ah und das vowege das Lüüt seged"Niemeh hürate" kenni so guet.Grad letschti au erlebt...
So"Warum hüratisch du den scho jetzt?" ja klar die meiste denke sich ich seg scho schwanger
Die eint de "Ich wür niemeh so jung hürate"...kes Wunder wemer dr Partner betrügt.

So jetzt het das mal au guet tah

Ojeoje Ryomo do gohts aber rächt drunter und drüber bi dir . Chas voll verstoh dass dir das ufe Mage schloht esch jo au ned so ohne. Stoht aber di GG hinter dir also sind ehr es Team? Das dunkt mi immer ganz wichtig, denn esch me wenigstens z zwöite und ned ganz ellei uf sich gstellt.

S tuet mir mega leid dass du di Vater hesch müesse uslade, esch sicher au mega truurig jetzt für dich . Chöne sie denn gar nüm zäme i eim Ruum si?

Jo ebe die Sprüch wägem hürote, das sind halt wörkli eifach unzfriedeni Lüüt. Aber finds glich schad, finds chli fiis so öpis als Kommentar abzgä wenn öper i de Hochzyytsvorbereitige esch.

@rüggeproblem: gehts ev. irgendwie öpis unterstüztends wo me chönti nä degäge (z.B. es Mitteli, oder irgendwie speziells Chüssi oder e Barhocker damit me ned zu viel mues stoh)?

@himbeeri: cooli istellig, ich han au gsait: essa check, trinke, check, resti check, kleider check, dr rest isch e nebasach :-)

@eve: frog mol ir apothek nachere moorpackig oder so, die muesch denn in bachofe ufwerme und kasch druf ligge oder uf dr rugge legge, das hilft und entspannt d muskle, denn ruckemuskeltraining hilft au, es gebti scho medis, aber denn dörfsch kei Alk me trinke und ich denke nid, dass es viel git, wo an dem Tag uf wie, prosecco etc. verzichte will

@ryomo: ich kenn das problem bzgl. geld: nai mier chön eu kei vorschuss geh, es ligt au kai grosses hochziitsgschenk drin und denn im gliche atemzug heissts, mier gön 2 Wuche uf djerba ind ferie und s huus hani au renoviert... so schwiigereltere sin nervig und astrengend, vorallem wenn me gseht, wie eis chind voll verwöhnt wird (ross, auto, wohnig zahlt) und die andere zwei müen luege wo sie bliiben do gits nur no durebisse und denke "lecken mier doch am tschööpli"

machen ihr en hochziitstanz? (ich bin ebe voll e unkonvertionelli bruut)

eieiei...wenn ich oi so zuelose, denn sind mini Problem grad en pipifax!

mir mached ganz en klassische Hochziitstanz, en wiener-walzer

@himbeer: am liebste hätt ich grüeni sneekers a, hochziitstanz will i nid und so kutsche zügs und röseli chunt bi mier au nid vor... üsi hochziitstorte het en schoggi überzug und zwei steiböckli druf, .... denn hesch du echt glück mit dine gest, ich han bis jetzt nur vo mine eltere geld griegt und die würen nomeh zahla, aber das isch meir unagnem

@snow_floks: ich will mim ma das nid zuemuete, er het es schlimmes tacktgfühl als en elefant und er hasst tanze, ich will ihn also zu nix zwinge und für en tanzkurs isch mier s geld denn doch kli z schad gsi

Also mir händ bis jetzt was Gschänk abelangt au meegaaa grosszügigi Beträg übercho vo allne Siite, bi total sprochlos . Uf das bezoge muesi säge hämmer au echt Glück gha, au sust mit de Familie, mini Familie liebt mi GG heiss und sini Familie mich, also vo dem här hämmer det dure sicher gar kei Problem .

Wägem Hochzyytsanz, ich ha mi GG ine Crashtanzkurs gschleppt , mir wärdet zu eusem Lied e langsame englische Walzer versueche z tanze . Mol luege öb das denn klappt, ha gseit wenn ich Wyymässig denn scho z viel intus ha gehts denn eifach nur no es Geschunkel esch doch egal .