Eigentli scho snow_flocks, vorallem will mier suss vo ihm nüd griegt hen...

wow lou, mega produktiv. ich hoff mir chönd d dankeskarte au bald uselah, aber da müend mer zerst no luege was mer überhaupt wänd mache.

das isch ja au komisch mit dim schwiegervater. organisiere isch ja keis problem, das hettsch au selber chöne mache. wie tür isch denn de apero gsi?

ojeee.... das mit de gschänk isch eh e philosophie für sich! mir händ vo lüt zügs übercho womer nie erwartet hettet, da mir wüssed, das si knapp bi kasse sind. und vo anderne wos gäld hettet simer entüüscht worde....
aber vo de eigne Familie isch das scho sehr härt....
mir händ vo beidne eltetepaar gliich vill becho. das händ si so abgschproche. hani no easy gfunde und e gueti lösig

han au am 7.9 ghürate, sind den aber no 4 wuche i de flittis xi. drum han ich no nüt...
ich würd am liebschte heiga und grad ahfange.... hani vill meh luscht druf wiä zum schaffe

Wie und wo mached ihr eui Dankeskärtli?

Üs staht das Wuchenend d Uswahl vo de Föteli fürs Album bevor. Gmacht isch gmacht
D Föteli wo d Gäst mit de Einwegkameras gschosse händ chömed ines Gästebuech wo mer scho Polaroidföteli vo allne händ und dezue händs üs amigs öpis gschriebe - mega herzig.

@Snow_Floks: Find ich süess vo dine TZ. Herzigi Ideeä Besser als wenns der d Huustüür zuemuured oder ähnliches

@Lou: Ouuuuuuu do häsch di zrüeh gfreut. Wie ärgerlich... aber immerhin ischs organisiert worde, isch jo immerhin öpis ^^

bi eus isch nach de rückkehr au nur de chüehlschrank gfüllt gsi, das hani mega herzig gfunde.

mir händ eifachi blanko-karte in rot mit passende couverts als dankeskarte. mir werded es foti vo eus ussueche und das entiwckle und drucke lah und vorne drufkläbe oder so und ine denn öpis vo hand ineschribe. das sötted mer anebringe.