ah jö, so latärndli wärä au no härzig diä plastik wo ums grüscht umä si, si ebä rot, und rot passt mir so gar nit ha dänkt s wär denn farblich wenigstens bitz nätter
Achsooo er händ Plastik ums Grüst... Das esch be eus noni klar. Aktuell stoht sGrüst blutt det. Chönnt aber au no so Plastikzüg vore dra geh. I hoffe, dass mer die denn chan prof. ufekremple. Sust würdis mega düster bi eus im Ruum, das wetti ned.
I dänke so Liechtli det dra ufhänke würd no viel usmache (sofern mer dörfed) I kläre das morn no ab.
Meinsch esch bi euch ufekremple vo dem Plastik-Ding kei Möglichkeit? Rot esch aber au en blödi Farb. Do hättes jo schochli chönne logischer öberlegge onds chli schöner mache.
jo wenn mrs ufäkrämplä gseht mä hingä dra äifach alli wärkzüg, bauschutt und so züg... isch leider au nit so schön... i lüt denn mol a und frog si, öb si öis irgendwiä chönnä entgegä cho...
wünsch öich uf jedäfall toi, toi, dass dirs bitz dörfet umgstaltä und vor allem ufäduä, so dass es nit z dunkel isch...! muäsch öis denn brichtä...
Mir sinn im Ändspurt und ich will Euch mol brichte: D Eiwägkameras und de 'i do'- Kläber sinn cho. Fürs Fescht hämer no e Detailgspröch mitem Catering, mienn no Bananeblätter go bstelle und denn no miteme Phöteli vom Standesamt die kleine Bilderrahme (Gaschtgschänk) fülle. Nekscht Wuche bespräche mir no mi Frisur und Make-up und gönn no go impfe für Bali. Denn muessi mir überlege, wo ichs Eheverspräche drischrib! Fürs Standesamt hämer denn au alles zämme und schicke am Mentig no e CD mit unserem Lied! Ha no es Phöteli vom Ringkoffer aghängt.
Wie lauft das eigentli ab ufem Standesamt? Wenn kunnt das Lied und wenn s Eheverspräche? Während de Ringübergob oder nochhär? Was verzellt denn die Dame überhaupt? Mir sinn ebe so gar nit informiert worde!!!
So, das wärs ihr Liebe! Wünsch Eu e schöns weekend!
@ angi Was, er händ noni besproche wie das ablauft?? Also mer send gfroget worde bim Ehevorbereitigsverfahre, wie mer dTrauig wänd gstalte. Da's för eus die kirchlichi HZ die richtig HZ esch, goht bi eus Standesamt 15 Minute, ohni Eheverspräche. Sie verzellt eifach öpis (chli öpis über dParagraphe vo de Ehe) und glaub no paar Wort für eus, aber nüt persönlichs (mer kenne sie jo ned), denn wärde dUnterschrifte gsetzt, Ringtusch und tschautschüss :) Sie het eus no abotte es Gedicht oder so vorzträge. Aber das händ mer ned welle, da's eifach ned so persönlich esch, wenn mer sich eh ned kennt und mer ja sowieso no die kirchlichi HZ händ.
Coole Ringkoffer. Mer händ no gar nüt für dRing. Muess glaub no es Küsseli mache. Für da chani jo de dStoffreste vom Kleid neh :)
@ persephoneia Ned unbedingt. Das chan mer gstalte wie mer wet. Wenn er eis wänd mache dörfed er sicher. Aber es esch im normale Ablauf vo de zivile HZ ned drin.
@ me Mer send dLocation nomol go aluege. Wenn mer Glück händ, esch bis zu eusere HZ keis Baugrüst me dra. Falls es aber no dra esch, gsehts so us wie ufem Bild. Die gross Fensterfron rechts nebem Igang chönte mer denn ned ufmache. Eigentlich wäri bi schönem Wätter det immer offe, so dass mer au dusse chan fiire und sganze chli rotiert und es würd au dLocation "vergrössere". Aber ebe......... Sust münd mer den halt dur de "normali " Usgang ine und use. Es esch halt scho ned sgliche. Aber kei Weltuntergang.
@zivili trauig: ich han di gliche erfahrig gmacht wiä d'saerli bezüglich em ablauf. sie hend eus bim vorbereitigsverfahre gseit dass es en öffentlichi beurkundig isch und daher ca. 15min duret ohni eheverspreche. Mir hend au es merkblatt mitübercho wo druf staht was mer alles nöd dörf... unter anderem sind huustier nöd erlaubt, kei bluemeschmuck, kei persönlichi gedicht etc. mer hüratet zivil uf emene normale standesamt und nöd inere spezielle location. vilicht ischs bi anderne locations bzw. anderne gmeinde chli andersch hend euses zivile ein tag vor dä kirchliche trauig und uf das freu ich mich riesig. s'gaht ab hüt genau no 2 mönet
@ringkoffer, isch super worde angi gfallt mer uh guet!!!
@saerli, ich finds toll dass ihr d'location nomal sind go aluege und bewundere dini positivi istellig! ich druck dir würkli alli düüme dass es bis zum HZ weg isch und susch glaub ich nöd dass d'lüüt auge hend für das grüst wil du wirsch alles übertrumpfe
Danke für Euri Antworte. Bim Gspröch isch de Ablauf grob erklärt worde aber ohni Details. Ich ha dört scho gseit, dass mir uns no e Eheverspräche geh wänn! Hoff die het das mitbecho. Mir schicke morn eh d CD mit unserem Lied und de TZ-Info denn lüti DO oder FR mol no a und frog nomol nachem Ablauf und wenn denn s Eheverspräche kunnt. Und wenn d Musik.
@Saerli: O cool, weisch wie schön mit däm Stoff no?! Bi gspannt. D Location seht gar nit soooo schlimm us mitem Grüscht! Hamers schlimmer vorgstellt. Aber klar, ohni wärs schöner. Mir drucke jetzt eifach alli d Düme, denn klappt das!!!
Anmelden
diä plastik wo ums grüscht umä si, si ebä rot, und rot passt mir so gar nit 
ha dänkt s wär denn farblich wenigstens bitz nätter 
i lüt denn mol a und frog si, öb si öis irgendwiä chönnä entgegä cho... 
das wär villicht morn au no grad guät z erledigä... 
ansunschtä isch bitz wartä agsäit...