nicht registriert

Mir wüsse au nonid ob mir e Red halte wärde oder nid. Ich wird eifach gege dr Schluss e kleini Dankesred für unseri Trauzüginne halte und ihne sGschängg überreiche. Weiss aber nonid wie ich das dört ahne schmuggle, ohni das die zwei öppis merke.
Aber so wie ich mi Schwieger Dad kenn, wird er das überneh.

wow angie was für föteli... duu hesch so super usgseh und dini frisur hammer .. wenni noo as drama de... und euri hündli jöö... gits no meh fotis? e schös fest wünschi und hawaii ketti ned vergessr

Boah, mir sinn grad so richtig gnärvt! Sinn god Location dekoriere und irgendwenn taucht s Catering uf (kei Tel, dass si kömme). Denn kömme die uf eimol und sage, mir könne s Zält dekoriere (abgmacht isch gsi, si dekoriere s Zält und mir de Räscht). Denn entdeck ich so PET-Fläsche (kei bekannts, guets Wasser)! Und do drvo söll 1l 6.- koschte!!! Und abfülle dienn sis denn i so IKEA-Krüeg! Tischtüecher mienn mir sälber ufd Tisch mache, da si erscht 1h bevors afoht kömme!!! Boah, bi grad so hässig!!!

Jo weisch, hey, 240.- pro Person!!! Und das ohni Kueche! Für das erwart ich volli Proffessionalität und keini PET-Fläsche wo denn no dr Liter 6.- koschtet! Mir hänn gseit mir gönne uns und unsere Gäscht das! Und denn miemer no de Tisch sälber bezieh und das mit so Papierzüg anere Rolle! Au d Bar seht mikrig us und d Pfanne woni bis jetzt gseh ha, sinn vom IKEA. Ich verloss mi jetzt eifach uf e hammer Ässe!

Jö Du bisch härzig! Jo i probiers!
Es sinn ebe die Einzige wo mir gfunde hänn wo das Ami-Summer- Konzäpt mache...

Sooo, i ha gester dRing gholt... Mini Esch us silber mit eme Zirkonia, de Ring esch 1cm breit. GGs Ring esch us Titan met eme Carbonstreife. Mer händ eus ned chönne einig werde was dEhering beträffed, darum händ mer "unterschiedlichi". Er het gester nur no gstrahlt ond so Freud gha, mega herzig :)
Denn hani no sGschenk für mini Cousine wo eus hilft in Uftrag geh. I schänke ere es Süesswasserperle-Armband met Silber-Element drinne. Es wird nach mine Wünsch agfertigt und somit öpis sehr persönlichs :)
Hüt beni go de Brutstruss und Trauzüginnestruss, Astecker für GG und TZ und sBluemearmband go bstelle. Es chonnt super!!!! De Struss wird genau wie ufem Bild, eifach ohni das knallige pinke. Er wird wiss-hellrosa met ere grosse Perle irgendwo drinne (3cm Durchmesser), GGs Bluemeastecker wird en hellrosa Rose, dBlueme vo de TZ und sArmband werde ide wisse Rose sii :)
Jetz bsorgi no de TZ eres Gschenk ond scho chani einiges uf minere To Do Liste abhäckle.

Datei-Anhänge

	DSC00731.JPG (78x) Mime-Type: image/jpeg, 70 kB
	31-300x220.png (68x) Mime-Type: image/png, 110 kB