Solangs kei Side-Satin esch, cha ned vell schief go. Bi Side muesch vorsichtig bügle und uf kei Fall zheiss.

Wenns kei Side esch, denn chasch es hängend oder liegend met ca. 20cm Abstand adämpfe und fiin drüber striiche oder met em Bügelise nur fiin drüber fahre ohni Dampf (muesch chli usprobiere, cha eigentlich nüt passiere). Aber due zerst is leere dämpfe, ergendwo i dGegerichtig wo sKleid esch. Oft chonnt amig en sprützige Wasserdampf wo cha Flecke geh. Lieber zerst is leere dämpfe, bis de Dampf "suuber ond rein" esch.
Am eifachste gohts, wend sKleid chasch am Bügel ufhänke, zb. ade Kante vom Kleiderschrank, so hesch e gueti Höchi. Denn stellsch sBügelbrett grad näbedra, damit dSchleppe nor no chasch druf legge. Unter Umständ gohts au ohni Bügelbrett, idem eifach nur as hängende Kleid dämpfsch und drüber striichsch. Lueg dass bim Dämpfe kei Falte hesch, sondern dass dFlächli flach esch.

Vellecht esch es au gar ned notwendig :)

du hesch recht, ich luege den 2-3 täg vorher obs würkli notwendig isch und wenn ja, wirdi din rat befolge! danke für diä tolle tipps!
ich lieb das chleid über alles und wet eifach nur dass es perfekt isch

irgendwie würd igs no cool finde,wenn mier üs nach üsne Hochzyte mal würde träffe.... eifach mal so paar Schpätsummer Brütlis... all zäme mit dä Fotoalbene, zäme no chlei a dä Erinnerige fescht ha...

was meinet ier drzue? bringt mä das ächt eis häre....

pressiert ja nid, cha ja o guet afangs nägschts jahr si.... wenns de bi allne chlei ruhiger wird!

di meischte hei älwä grad drna no anders z tüe mit Dankeschärtli schribe, die eint odr andere gö ja no diräkt id Flitterwuche....

super :) freu mi scho!

Keks i ha di ned im FB