Wo hesch sie den ez gmacht?
Läck 9 Albene??? Dasch de viel! Jo gäll do cha mer Stonde demet verbrenge. I maches eb eno gärn, aber Zit lauft emmer devo.

I be gueti 2 Stond dra gsi gester ond ha genau 4 Site gschafft! Haha
I ha eifach kein Afang gfonde, ha ned gwösst wie i sell starte. Obi nor vom kirchliche sell es Album mache oder obi vom Zivile au sell Bilder ine due...
Ez hani uf de 1. Site de Srpuch wo eus belgeitet inegschrebe (bes ich nor scho en schöni Schrift gfonde ha!). Uf de 2. Site hets es Foto vo eusem Türschild (het dFotografin gmacht) wo no eusi ledige Näme droffe stönd.
Uf de 3. Site hani ez mol agfange met mim Kleid hängend am Schrank und wo ich mech parat gmacht ha, denn werde die folgende Site vom GG sii wo er sech parat gmacht het und denn vom erste Träffe usw...
Vellecht machi eifach vom zivile es einzels chlises Album... I weiss es ned!!!
Ond för dEltere wetti jo au no je es Album mache, bitz chliner und meh uf sie abgstimmt... Huch, i ha eifach zwenig Zit!!! Werde am Wucheänd nomol dra hocke.

Ah ja sooo... Denn gets natürlich meh.
Für dGrossmüetere mached mer en Kalender. Do händs sicher au Freud. Denn markieri grad no dGeburtsdate vo allne Verwandte drii.

Wie meinsch Projekt teile? Mech nimmt alles wunder!

Hmm, da wär au en Option, eifach zhinderst paar Familiebilder... Oder ebe schön de Reihe noche, so wies am Fest ebe au gsii esch. Mer händ leider kei Familiebilder... Das esch eus ergendwie durch dLappe gange. Es get eis einzigs Bild wo viel Familiemitglieder druffe send. Aber keis woni z.B. met mine Eltere druffe be. Set langsam vorwerts mache, es esch denn schnell Dezember und denn händs Lieferproblem und glichzitig setti no lehre für Prüefige.....................

Hey Ihr Liebe. So ich melde mich au mal wieder Ha grad sehr viel ztue. Vorallem im Private. Ich hoffe es gaht Eu allne guet?

@ Saerli: Ich hoffe äs isch alles wieder OK und du häsch dis Chopfweh wegbracht?

@ Lululuana: Wow, du bisch ja richtig fliessig gsi. Ich ha jetz endlich mal es Weekend woni nüt vorha und setz mich mal an PC und fange ah. Ha mir scho mal chli Gedanke gmacht wie wo was. Bi mir aber nonig ganz schlüssig. Vorallem bezüglich Abüter. Dörfi bi Dir mal go luege?

Hoi Keks

Es esch allgemein bitz ruhiger worde do inne :)
Danke, sKopfweh esch zwar no do, aber es sett bald bessere.

Mer mached sAlbum bi ifolor. Kenne nur das ond cha darum kei Vergliche mache was besser esch.
Es gseht grundsätzlich ähnlich us wie da vo de Luluana vom Ufbau her, mer chan alles wähle, Hintergrund, Ufbau vo de Site, Farbe, Rahme usw...

Viel Spass denne