@ Lululuana. Danke vielmal. Ich gang nacher mal go gügsle.
@ Saerli: Oje, hoffe für dich, dass s'Kopfweh bald ganz weg isch. Ich ha sehr selte Chopfweh, aber vor zwei Wuche hani au öpe ä Wuche andauernd Chopfweh gah, isch sehr müehsam gsi.

Ich ha nonie äs Fotibuech gmacht und ha drum no kei Ahnig wo. Ich wirde sicher mal bi Ifolor, Smartphoto und Bookfactory luege. Hm, das mit däre Garantie vo Smartphoto isch no ä gueti Sach. Mueses hüt Nomittag mal gnauer aluege und echli vergliche. Aber danke vielmal eu zwei für eui Tipps.

Hey ihr liebe :-)

mer hend euse hochzitsfilm fertig gschnitte und d'dankes-chärtli druckt :-D han ersch öppe 15 chärtli gschriibe und mer dued d'hand jetzt scho weh muess nochli gas gäh wil mer ja am 4. dez id flittis gönd und ich wet sie unbedingt vorher abschicke

als nöchsts chunt den s'fotibuech.. mer hend eus für ifolor entschiide wil mer euses ferie-foti-buech au det gmacht hend

üh Chärtli schribe... ha das z vordere Wucheänd gmacht wos dusse gschtürmt und gschneit hei wie es Chalb... da bini fei dranne gsi und bi o zackig gsi abr irgendwenn hets mier rächt afa liire. Ha abe de bis am Sunntig Namittag alli 50 Chärtli gschribe gha.

Aber isch mier sehr wichtig gsi,dass ig überall no öppis persöndlechs cha dr schribe!

Mi GG het meh gwäfelet wos um z ungrschribe isch gange, "soooo viiiiel" het är gmeint gha


smartphoto isch übrigens ExtraFilm

Zuletzt bearbeitet am 08.11.12 14:50

juhuiiiiii.... geschtr si üsi Fotoalbene cho... si also super worde o qualitativ nume z empfähle.
Wirde jetz abr eis zrug schicke da ig Rächtschribefähler dinne ha, sälbschtvrschulde, abr si übrnähme ja o für das Garantie...
Ha jetz alli Texte X mal düregläse und mi GG o, hoffe dass jetz kenr Fähler meh drinne si. Es zwöits Mal schickenis de uf all Fäll nümme i!

Hi Lululuana

Oh so guet... Mer send noni ganz so wiit. dKärtli send teilw. scho verteilt worde, anderi münd mer no uf Post bringe. GG unterschribt hüt alles ond denn chani vorwerts mache.

dAlbum send eigentlich fertig, GG sets no doreluege...
Denn wänd mer no 2 Kaländer för eusi Grossmüetere mache... Das muess au no sii. Aber mer händ Prüefige am Samstig ond i weiss ned wenn i dezue chome! Langsam wirds knapp, wenn bes Wiehnachte alles set do sii.

Weni denn alles fertig ha, machi bitz Ornig bide Rächnige ond zelle mol genau zäme was das Festli öberhaupt kostet het So ungefähr händ mer scho en Ahnig... Aber i möchts doch gnau wüsse. Mer händ sBudget glaub nor knapp öberschritte :)

Freue mi ufes Träffe! Händ alli en schöni Wiehnachtsziiit! I cha mi leider grad ned so oft mälde, ha die strängsti Zit vom Johr im Büro...

Grüesslis

Hey Lululuana

Danke das wönsch ich der au :)

Eusi Albe send au verschenkt ond es händ alli fest Freud gha. I mache de no eis nor för GG ond mech, es chliners wo nor Bilder vom Shooting drenne send.
Mer händ au allne Gäst Föteli metgscheckt (bi de Dankeskärtli). Es händ alli mega Freud gha ond jede wo no meh Bilder wet, cha eus go bsueche ond sie ufen Stick lade.

Das met euche Flitterwoche hani metbecho! So schön!!! Mer händs leider scho dore. Aber mer planed scho die nächste Ferie, es chönnte jo die letschte Ferie zu zweit sii.
Mer sueche no schöni Locations in Portugal. Mer wärde met em Auto vom Norde in Süde abe, de Westküste entlang ond ade Algarve blibe mer denn paar Täg. So schöni Stränd wie det gets sust nienet so noch :) Ond nomol id Seychelle wetti grad ned, die tropische Mosquitoes händ mer ned guet to. I ha emmer no Stiche wo plötzlich afönd biise (nach 3 Monate!!).

I be au debi bem Träffe. Ab Februar/März wär guet. I mache sust en Doodle ond setze de Link do ine. Aber vorher wäri froh om Agabe wie er euch das vorstelled (was für Täg, Fr, Sa, So oder onder de Wuche, Frühstück oder Käfele oder Obigässe usw...). Wo dass mers mache chöned mer jo de no luege, i wär för dMitti vo allne.

Grüesslis