@Saerli: Du möchtisch shabby chic? Den setisch unbedingt ir Migros go luege. Falls die s glich füered. Sie het no e chli e verziertere Verschluss gha u isch es bitz flächer gsi. Sust genau s glich.
Mir gfallt de Stil au mega.
Lachsrosa und wiss dönt toll. Gset bestimmt hammer us. Ja, i weiss was du meinsch. Die Rand-Usstanzer.

@ lululuana: Oh, de Vater. Ja da wür i au sofort alüte. U t Grosseltere gad au no. Warschinli gat das wieder unders Kapitel: "Isch doch klar das mir chömed"?!

@Me:
Ufgregt. Scho es bitz. Aber vor allem freui mi mega. U min GG isch eifach us Zucker. Er vergat fast vor Vorfreud. So schön

oooooooooh so schön, dass din GG sich so freut :)

aaah das nennt mer shabby-chic? I gange grad go luege am Mittag. Aber de Migros in Aarau esch eher chlii, mol luege ob dies händ. Das wär ja den sicher bi dene Deko-Sache wo all paar Wuche sProgramm wechslet. Danke für de Tip :)

lululuana, meinsch ned, sie händ sich noni agmäldet, wells für sie so klar esch, dass sie sowieso debi send?? Das esch bi eusere Verwandtschaft so gsi. Mini Familie het sech ned agmäldet, well sie ja sowieso debii send......

Liebe sayna,
danke für den tollen Polteri Bericht!!! Es klingt einfach perfekt und so ein Törtchen hätte ich dir also auch abgekauft hihihihi

Ich freue mich dass du so einen tollen Tag hattest

@soraya/saerli
nenei, so isch das nid... mi Vater het mier ja, wo miers ihm gseit hei dass mier hürate, diräkt i Gring gseit "schön, abr du kennsch mini Meinig, ig chume nid!" und ja, mit sine Eltere hei miers halt o nid so, bir Grosmuettr si mier (d Schwoscht und ig und no di andere Chind vom einte Sohn) Zwöitklass-Groschind und das si mier scho geng gsi und sit dr Scheidig vo dä Eltere (das huere schlächt mache geng...) gani sowieso praktisch nüme zu ihne. Abr aschtandshalber hei mier si glich iglade, will mit em Pfiffegrosätti chanis mega guet, bi ihm bini o dr Liebling,dür das schtosseni bir Grosmuettr halt no meh uf Ablenig. Dr Vater wird wohl nume cho wenn/will dGroseltere chöme, will är si de würdi hei schtelle. Finges ja vrnünftig dass si nümme so gärn Outo fahre und vorallem ir Nacht...

@saerli
heit ier ir Nechi ä Yjsk? die hei albe o no viel so Truhe...cha dier süsch o eis bi üs ga gugge...

@sayna
tönt super di Polteraabe... so hesch würkech kei Zyt gha zum närvös wärde. Übrchume grad hunger übr weni die Cupcackes gseh, zum Glück isch jetz de grad Mittag!

wend nüt fingsch im Migi chaisch es säge, cha süsch guet de eis churz ga gugge im Yjsk, wobi die hei älwä eher dunkli Chischtene.
Abr die chöntsch ja sälbr aschliffe und wiis beize....

haha lululuana
du entüschisch doch niemert! wenns vo herze chonnt esch jo wurst was uselohsch :) ond i glaube dGäst gsähnd der jo den a wie überweltiget du ond gg send, das esch au scho en schöne dank.

gg ond ich halte beid ned so gern rede.. aber mer wärde secher am obig en chlini red halte, zum allne danke säge wo eus begleitet händ ide vorbereitige ond a dem bsundere tag.
i ha eher angst, dasi ned fertig werde met schwätze, well ich so villne wet danke säge und das ganze kollektiv zbhalte wird schwierig... aber i werdes müesse kollektiv mache, sust löschts euse gäst den ab

bim apero mache mers gschickt, det wird warschindlich eusi band wo es konzertli get en chlini red halte. vellecht seit min gg no schnell hoi zäme, schön send er do, de apero esch eröffnet :)

übrigens, im migros sind alli gstell leeer gsi. i glaub sie send grad am alti sache usruume und sneue chunnt den. i go eifach morn nomol go luege :)