danke :)

I sueche eifach mol so en Lippestift ond Konturestift (chönnt schwierig wärde)... ond den machi mol sälber en Prob met brun-beige mit ond ohni rosa und es rosa-corall...

Venus: Ha gester de ganz Tag mega dKriese gha wägem Kleid. Aber i glaub es liet ned am Kleid, sondern a mim Hüftspeck... Muess chli abneh, dringend. Denn gfallts mer au weder besser.
seinzig wo mi am Kleid "stört" esch de Saum... alles esch so luftig wolchig und die untersti Lag esch eifach so "grad abe"...

@Saerli: Du muesch echt kei Kriise ha - das Chleid stoht dir mega guet und macht wirkli en tolli Figur > mehr gseht kein Hüftspeck oder so!
Ich glaube du lidisch au chli under em gliche Schicksal wie ich: Oisi Mamis sind gerteschlank und das i ihrem "Alter", das chan eim mängisch scho chli lah zwifle. Fürs Chleid muesch also keis Gramm abnäh!
Wägem Saum: Meinsch ned es schint eso, well mirs jo gstreckt hend, dass überall dLängi stimmt? Ich finds nämli guet het de Tüll selber kei Abschluss suscht würs wahrschinli vill schwärer usgseh. Und es isch ja es verspielts Chleid - da find ichs guet isch de Abschluss nöd nomal umegno. S'chunt alles guet, sChleid passt so guet zu dir - und es würkli es bsundrigs
Du, suscht chomi dir cho dFöteli wegnäh, gell

nicht registriert

Hallo liebe Brütlis

Saerli Du hesch äs wunderschöns Chleid- ä Troum!!! U i schliesse mi dr Venus grad a: Finde äs steit dir suuuper u du muesch würkli kes gramm abnäh!! auge-make-up findi ou lichti-brun beige tön mit zartrosa uuu schön zu blaue ouge!

Cuterbride, du hesch ä seehr schöne Brutstruss. Mine wird i de gliiche Farbe si

i bi am donnstig ga probefrisiere..es isch oki gsi aber nid wow. Drum gani ize nomau. I möcht eifach, dass i cha i spiegel luege u dänke: wooow das isch genau so öpis wie i mir ha vorgsteut!! Nid das i jedesmal wenni d Hochzytsfotis aluege dänke, hmm d frisur hätt besser chönne si..

morn darfi mi probe brutstruss ga abhole, bi ganz hibbelig

@ mery87
Zerst emol DANKE
I fends jo au schön, obwohl i mängisch sGfühl ha, es esch chli "zwenig speziell". I glaub das liet eifach dra, dass es min Bruef gsi esch ond i so vell anders scho gseh ha. Aber i glaube es passt perfekt zu mim Typ ond Stil, das esch swichtigst :)

Da Bild wo ebe do uf heiraten.ch esch, esch da Kleid woni im Februar im Lade aprobiert ha. Sit den hani 4kg zuegno, einiges devo het sech als Schwümring om de Buch bemerkbar gmacht. Jetz wo mis bstellte Kleid cho esch, hanis mol richtig chönne alege. I be ebe nöm ganz so schlank we em Februar. Aber das änderi, es het mer derewäg abglösche, dasi weder 2-4 kg abneh wet.
Bi mer muess amig de Topf voll Wasser öberlaufe, damit i cha handle. So gohts mer ez :)

Mer esch es bi de Probefrisur au so gange. I be au ez noni ganz secher wies sell werde. I glaube es esch ned sooo schlemm, wenn dFrisur ned 100% perfekt esch. Wechtig esch vorallem, dass es zu eim passt ond mer sech "sech sälber" fühlt und ned muess dänke: Läck die Frisur het jo gar ned zu mer passt.

I ha scho vo vilne Brüt ghört, dass es am Hochzitstag de halt glich ned ganz so usecho esch, wies dänkt gsi wär... Do dörf mer sech ned verruckt mache deswäge

Händ eigentlich alli en Probe-Brutstruss??? Also i ha das ned I vertrau do minere Floristin ond allne guete Empfehlige woni vo andere becho ha. Wird scho guet cho :)

Viel Spass und Freud morn a dim Struss

saerli:

---

Das stimmt... I glaub ich han amig chli zviel höchi Asprüch. Debi sell ich doch eifach au als Brut so sii wie ich emmer ben, nämlich ned perfekt

Da cha doch ned so schwierig sii

tolls chläid hesch dir usgsuächt saerli! gfallt mr

findä rosa-tön au super, dänk mit rosa nägel und dä blauä augä würkt das mit dim chläid sehr schön und romantisch...


i ha am sa s zwöitä probeschminkä kha... juhuuu, isch schön gsi das mol isch s make-up viiiill besser gsi, aso s gfühl, het bis zobä nit bröckelet oder so... sehr agnähm. mini augä wärdä violett, gold und grüän gschminkt si (vo innä nach usä)... tönt jetzt bitz farbig aber s fliässt schön und betont mini augä super ha riesig fröid...