hallo ihr, ich meld mi au wieder mal... ich ha hüt au s zivile datum chöne reserviere, es wird also definitiv de fritig, 13. september 2013. am tag druf gits denn es fest.

bisher händ mer

ziviltrauig reserviert
fotograf
dj
location

termin mitem konditor hani au scho für i 2 wuche und mir händ grad d offerte für d flittis no dihei. das weekend werded usserdem endlich no d save the date chärtli verschickt. denn lehni mal zrugg bis im dezember, denn wotti go luege wägem kleid :-)

Ihr hend scho s Chleid? Sooo cool... ich getrau mi irgendwie nonig... han s Gfühl dass weni jetz eis nimm, dasi denn irgendes anders schöners, günstigers irgendwo find... ich han denkt gah ca. Endi Jahr afange luege, isch das denn z'spat?

Mir hend de Fotograf für de Morge buecht (letschti Vorbereitige, ca 11h) und denn während de Trauuig am 14 bis und mit Apéro ca. bis am 18h, also Total 7 Stund und das chunt nöd allzu tür, mir hend da au wele spare...

wie machet ihr das mite Deko? Ich bin scho längst am umeluege, find aber di schönste Sache in Dütschland und vili lieferet gar nöd id Schwiz

at Emma: wiär hei z'glich Hochziitsdatum :-) gah öi ersch Ende Jahr fer z'Chleid gah luäge. längt nu güät...

Deko ist so än Sach... miär fehlund Idee, aber isch wirklich so, dass mu in Ditschlang schönri Sache gseht....

Hey Juli, das isch ja suuuper, denn chömer eus ufs gliche Datum freue und uf schöners Wetter hoffe als das Jahr

Genau, wirds ganz bestimmt!!!

Was hesch du scho alles organisiert?

so luschtig, mir hüratet au am 31.8. (chirchlich)

ja, es isch es wunderschöns gfühl, hät nie dänkt das ich mich mal so ines chleid wird verliebe, nachem erschte blick in spiegel isch für mich klar gsi, das und keis anders han mer eigentlich welle ziit lah mitem chleid, aber wos mer dänn gseit händ das mer die alte kollektione au nöd überall ewigs chan nahbstelle hani fascht chli panik übercho und sofort kauft bin so happy, würs am liebschte immer wieder go aprobiere

hans bi chez janine kauft, sehr z empfehle, super bedienig, schöne lade und mer hät vorallem viel platz, hät mer i dä andere gschäfter chli gfehlt ... zahlbar hanis au no gfunde (mis hät 1'800.- koschtet) han eigentlich mit meh grechnet, aber klar gahts au mit weniger, vorallem in dütschland und ich glaub s hochziitshuus in konstanz isch nöd emal so schlecht, bin nur mal chli weg ring det ine go luege ...