Darf ich frage wievil iehr ungefähr für de Fotograf zahlet?

Ich han ursprünglich zerst an d Hochzitsmäss im Januar wöle ga und erst dänn z Chleid ga ussueche... isch ja jtz anders cho

Nomal ä 31.8.13 Brut, das isch ja super

Das glaubi, wenns stimmt, denn stimmts eifach... het's au so gmacht. Ja, han ghört das Chez Janine recht guet sött si, finds halt scho no wichtig dass mär sich im Lade z'recht findt und wohl fühlt. Gang det sicher au mal no go luege. Ä Kollegin isch ebe in Kostanz gsi und schwärmt nur devo, darum isch det sicher au en Bsuech wert...

chez janine isch wüki top, isch dä erscht lade gsi woni chli bin go schneugge, nachher no i diversi anderi, aber han schlussentlich müesse säge, chez janine isch für mich am beschte gsi, mit allem drum und dra, und isch au nöd tüürer als anderi, im gegeteil! ... klar, wür au in konstanz go luege, priislich wür es sich det sicherlich lohne ...

fotograph:
mir händ e bekannti und drum chömer das nöd so säge, zahlet nur 200.- für dä ganz tag und sie macht eus sogar no s album + t gäscht chönd bi ihre t fotene nahbstelle, isch also super

Mier buechet wahrschinlich dänn de Fotograf für d Trauuig und de Apéro. Für de Abig fraget mier en Bekannte wo Fotograf isch. Min GG würd gärn ihn für de ganzi Tag frage, aber är macht eigentlich kei Portrait. Deswäge würd ich für d Trauuig doch gärn en Hochzitsfotograf bueche. Oder was dänket iehr?

ja jede hät halt prioritäte amene andere ort. schlussendlich find ich eifach, sind bilder s einzige wo eim blibed vo dem tag (usser d ring) und drum wotti unbedingt schöni fotene. am zivile chunnt e fründin go fötele, das isch mer nöd sooo wichtig, aber ich hoff das denn am fest viel schöni und au lustigi bilder entstönd. und ich find es git halt "gstellti" und "gstellti" bilder... zum teil findis au ganz schlimm. aber da muess mer halt de fotograf finde, wo de eige stil am beste trifft.

@chleid: danke vielmal!! has im chez janine kauft
@zeige am gg: nei uf kein fall, er weiss weli farb, aber meh nöd
@fotograph: mir händ es päärli, sie tüend zäme fötele. mir händ sie de ganz tag bueched. es isch so es genial paket gsie, dass mir eifach de ganz tag bueched händ. bin mittlerwiele au mega froh drum. han bilder gseh vonere kollegin vom hz. sie händ vom abig sooooo cooli bilder vom tanze, de spieli, laterne stiege lah usw... also mir würs glaub fehle wenn die am abig nöd ume wäred. am abig gits bi eus no es photobooth, das isch denn für die coole blödeli föteli und schnappschüss, findi colll cool!!
@all: mached ihr au es photobooth??
@hochzeitshaus konstanz: unbedingt vorher en termin abmache, suscht dörfsch nöd mal go chleider aluege, geschweige denn go probiere. sie sind mega arogant und müesam i dem lade... also das isch zumindest mini erfahrig gsie. ich bin ohni termin eifach mal inegloffe, will ich eh grad in konstanz gsie bin. alles woni mir ha dörfe alose isch gsie: wenn ich kein termin han, denn dörfi au d'chleider nöd aluege. uf mini frag ob ich eifach mal chngi luege was sie fr marke händ zum au chli priese verglieche mit de schwiiz isch d'antwort gsie: mir sind sowieso viel günstiger als d'schwiiz, aber sie chönd jetzt nöd go luege.... voll denäbed!!!!
also ich hoffe bi dir isch denn besser went verbii gasch. mir häts denn so abglöst, dasi gar nie en termin abgmacht han. und denn bini direkt in chez janine und siehe da: hammer beraterin gha, alli mega fründlich, super uswahl und und und... eifach genial!! klar zahli viel meh als in de , aber das isches mir wert!