ja es isch no früe, aber mir händ die im erste lade wo mir sind go luege grad gseh und sie händ eus soooooo mega gfalle, dass mir sie eifach grad händ müessä mache lah
und was erledigt isch, isch eredigt
tuen eu denn es föteli ine. sie sind ebe gäl wiessgold und mir händ sie jetzt mis wiess und rotgold mache lah, bin mega gspannt!!
mir hürated ersch am 24.08.13.

@ring: eigentli hämmer sie welä ade mess in zh im januar poste, wil denn söleds ja au chli günstiger sie...
mir sind aber eusi jetzt in de go poste und sind so viiiiiiel günstiger cho. händ eus eusi traumring chöne leiste wo mir in zh scho gseh händ, aber eifach viel ztür gsie sind. jetzt hämmer sie eus dehte mache lah, genau so wie mir sie wänd, und zahled für beidi zäme so viel, wie nur mine kosted hetti da ide schwiiz. beidi chosted jetzt 4200 euro, aber dadevo chömed ja denn au no d'mwst zrug... also ca. 3800 sinds am schluss. mir händ eus eigentli s'budget bi 3500 agsetzt...aber womer die gseh händ, isches um eus gscheh gsie...

Das isch natürli scho en riese Unterschied, mir wend eusi Ring au in DE go aluege, es lohnt sich definitiv, wie tür chunts no mite Verzollig?

Allgemein Nemo, han gseh dass du via Lieferadresse in DE bstellsch, chömet denn no viel Zollchöste druf? Ich het ebe d Streuchörbli und Gästgschenk voni im Usland möcht bstelle (DE/IT), weiss aber nöd öb denn doch no gwaltigi Chöste dezuechömet...

Zuletzt bearbeitet am 19.10.12 08:56

@emma: wenn du d'sache in de bstellsch und sie nach de liefere lahsch, häsch nie zollchöste. ich maches eso, das ich immer wieder mal sache bstell, nöd zviel ufs mal. du dörfsch ja 200 oder 300 franke (wert) übere nä ohni verzolle. denn chasch eifach über grenz und mesch nüt agä.
bide ring hämmers natürli am zoll agä, erstens will de betrag viel höcher isch und zweitens, will mir ja den die dütschi mwst wo ciel höcher isch als eusi zrugg überchömed. das heisst du gasch am zoll mit dinere quittig und de war i das hüsli, lahsch dir die quittig abstämpfle und denn tuesch 8% vo dem betrag mwst zahle. also eusi schwiezer stür. denn gahsch zrugg in lade und chunsch die 19% vo de wieder über. das heisst du machsch immer 11% vorwärts... das isch viel, wennt war e scho günstiger isch zum dehte chaufe...

@Chleid, danke eu! Äs isch würkli äs mega Gfühl...hach!! Mir händ zwar Föteli gmacht, aber es isch mer chli z heikel zum sie da ine stellä...falls min GG au mal umeschwirrt...sooooorry, ich weiss wiä gärn ihr Föteli gsehnt!

@happy, ui, dänn wünsch ich dir ganz vill Spass hüt Namittag!! Gnüsses, es isch mega schön. Ich han eich dänkt, ich wärdi mich nonig festlegä, aber es het dänn eifach passt. Also nüt erzwinge und eifach gnüsse!!

@Emma, ich han mis Chleid im Honeymoon in Winterthur kauft. Häsch äs du dämfall nonig kauft, aber eis wo dir wür gfalle?

@nemo, bi dir stönd ja au ganz vill schöni Sache ah!! wow! Vill Vergnüege!!

@Ring, mir händ üsi scho letscht April kauft, da mir en Guetschii gunne händ und dä suscht abgloffe wär. Mir händ gfunde, das sind üsi Ring und diä müend eim ja dänn au na lang gfalle, da chunts uf äs Jahr meh au nüme druf a! Ich lueges eifach nüme a, damits dänn am Hochzit immer na öpis speziells isch!

ich han au scho oft bi LITB bstellt usw... es chunt extrem uf de warewert druf ah. aber lohne tuet sichs eh immer!
@ adresse in de: ich han mir e lieferadresse in de irichte lah. zahlsch nüt defür, isch gratis. chasch all dini päckli deht here liefere lah (isch in konstanz, gits aber au a anderne grenzregione) und denn chani die dehte go abhole. das isch e lagerhalle, wo denn alli päckli fürd schwiezer ane chömed. du chunsch denn sobald dis pack dehte isch es mail über und denn häsch 2 wuche ziit zum sie abhole. du zahlsch denn pro pack en betrag. je nach dem wie gross dasses isch. die normalgrosse (gr M) chosted glaub 4 euro. wenn nach 2 wuche chunsch, zahlsch nomal 4 euro usw....
das isch de link dezue, ich finds e hammer sach, vor allem jetzt fürs HZ. mir händ STD, iladige und alle schnigg schnagg so bstellt. händ meeeeega viel geld gspart eso.
http://www.lieferadresse-deutschland.de/