Emma13:

---

Machi gern Nillich, han de Termin am 3. November

ah ja isch de so chli? Kennen ebe gar nöd, aber gäll nur scho dases nöd Stadt Züri isch, gitts im Pris en Unterschied. Nimmt mi Wunder und suscht weissi ja woni wieder zrugg chan

Wenn hüratisch denn du?

Hey Nillich, nei han nüd im Postfach, chan demfall kei erhalte...

Danke fürd Nahfrag und sorry dasi nüm gschriebe han, hans doch voll vergesse... Zzzzzz

Also du hesch recht gah, s Gschäft isch seeehr chli, d Uswahl isch dementsprechend au zimli begrenzt. Ich muess ehrlich säge, bin scho bitz enttüscht gsi, han zwar eis aprobiert wo guet gstande und au schön gsi isch, aber het mi no lang nonig so überzügt wie das Pronovias Chleid... het hübschi drunder aber ja, doch nüd für mich han mi also entschiede wieder "mis" go apropbiere gah

und du, bisch scho wiiter?

iladige
schueh
styling
deko
kleid (!!)
songuswahl
candybuffet
zitliche ablauf

ich mach grad alles mitenand

Guete Morge!!

Wow himbeer, du bisch flissig!
Ich han eich vor äntlich mit dä Iladigscharte azfange (sMaterial wär parat zum afange baschtle)...aber irgendwiä chumi nid däzue. Und gester wo ich chli Zyt gha han, hani mir dänn eher Gedanke gmacht über dGeburtsazeige!!

Das mite Lieder überlahni komplett mim Fründ, er isch bi eus de Musik-Spezialist

Mir sind jetzt am Apéro, han verschiedeni Locations usegsuecht wo chli en spezielle Touch hend und bin jetz am Offertene ihole. Am Mittwuch bini no ide Chile gsi go Chilebänk abmässe fürd Maschene und han ide Zwüscheziit d Offerte vode Floristin übercho, am 8.12. hämmer denn s zweite Gspröch wo sie mir konkret d Bilder zeigt etc.

Was s Chleid betrifft... mmhh hani irgendwie echli ufd Site gleit...

S Fest isch am 31.8.13 ihih meinsch ischs echli früeh fürd Floristin? Han ebe gfunde das isch en Poschte vo mir wichtig isch und darum wetti mir gnueg frühe Gedanke drüber mache... z.B. d Iladige hani denkt machi erst afangs nöchst Jahr, han vor das ich sie ca. im April verschicke oder isches z'spaat?