bi eus machts euse trauzüüg. er isch en chindsgifründ vo mim schatz und au en sehr guete fründ vo mir. und er cha super rede :-)

ich muessem aber mal no es briefing mache denn, er weiss nonig so was ihn erwartet. ich glaub ich muess mal es paar schöni trauige sueche uf youtube für d inspiration.

himbeerdasch e tolli und sehr persönlichi lösig so. aber ebe mer hendsjo au sco devo gha, mer hend ke super redner em fröndechreis :)
jetzt hemmer am nöchste zschtig mol s gspröch met ehm und mol luege was er meint. hoffe er macht das dosse... verstoh eigentli eh nedwiso das die eischte pfarrer nome ide chelle trauuige mache? guet si werde wohl ere grond ha... jo finanziell wers e rese untersched (1200.- weniger!!!!!)

hallo zemme

so gester hemmers gspröch metem (ref.) Pfarrer gha. und i hamer jo vorher mega sorge gmacht dass er eus gar ned wet traue well i jo konfesionslos be und mer bedi zwar a gott glaube aber halt das ned uslebe oder i chelle gönd oder so. mer send de grad ehrlech gsi ond hend das am afang au gseit und för ehn esch das gar keis problem. mer hend de öber e stond zeme gredet ond er het mega vell gfrogt, wie mer eus kenne glert hend, wiso dass mer wend hürote und eusi wönsch etc. för me eschs emmer wechtig gsi dass mer chli em zentrum stönd vode trauuig ond ned d religion. er het denn gseit es esch klar dass ers wort gott werd bruche aber er wörd secher ned predige oder e gottesdienst abhalte. es sig ehm sehr wechtig dass es persönlich sig und er möcht au ned eifach so floskle verzelle wome a jedere hochzit ghört. er het au gseit er wet eus öpe 4mol treffe (fendi no vell) zom eus guet kenne lere damets au wörkli e ganz e persönlichi trauuig werd. und mer dörfe au bestemme wie lang er sell rede und was er sell aha. aso i be begeisteret gsi wie offe er esch (er esch au erst 32i) und het eus de s DU abote. natürli hemmer au öberd chöschte gredet und er het gseit, er verlangi nüt, aber er möchti dass mer e betrag spende ane chlini organisation (entweder de jugendverein vom dorf oder sosch öpis lokals)! fendi ganz e tolli sach!

jo han euch da rasch müsse verzelle! be froh hemmer öper gfonde wo das dued omsetzte wie mers gern wend... guet min Frönd het de nach 1h labere öber eusi bezihig de chli gnueg gha und au nacheten hetter scho gseit, das schisst ne chli a do 4mol go bezihigstherapie setzige ha aber männer halt, die rede ned so gern öber eri gfüehl... ghört halt dezue anschinend ;)

jo hanem au gseit, susch muess er halt es paar Raucher-pause ilegge zwösche denne :)

himbeer gell bi euch mact en frönd d trauuig? dued er denn alles selber zemestelle und mache der das zeme (aso was er denn seit und so)?