Gester isches ändlich sowit gsi.Mir händ euses Zivile Hochziit gha und lustigerwiis simmer beidi gar ned nervös gsi :-) Mer händ di letschti Nacht ned zämme verbracht und so chani nur vo mim morge verzelle i bi am 5:45 Uhr verwachet und han dän für mis mami mini schwoscht und für mi es paar Gipfeli in bachofe da.Ässe hani zwar ned würkli chöne da i bi so wichtige ahläss am afang ned so hunger han. Pünktlich am halbi 8 isch mini "gueti Fee" cho mi go schmincke und go frisiere Mer häns alli mega lustig gha und gäg de schluss hämer fascht no müesse pressiere,will mer glaub chli zviel tratsched händ Am halbi 11 bini dän parat vor de Huustüre gstande und han das tolle Auto chöne bestuune wo mis Mami für eus gmieted hät! ;-) Wo mer losgfahre sind bini dän au langsam chli nervös worde und i ha mi mega gfreut min schatz und di ganzi Familie zgseh. Min Maa hät mi mit em Bruutstruss empfange und er hät mega gstrahled wo er mi gseh hät Nachdäm i au no alli begrüesst han,simer au scho ist Trauigszimmer gange.Mit debi natürlich immer euse super tolli Fotograf Trauig isch sehr schön und locker gsi und nach knapp 30min simer scho verhürated gsi Womer usem Zimmer usecho sind,händ det gueti Fründe mit ihrne Chind uf eus gwarted und eus alls Ehepaar begrüesst! Nach es paar Gruppeföteli und mega lässige Paarföteli simer alli zämme ah euse Festort gfahre,womer dän gmüetlich miteme feine Apero gstarted händ. Mitere guete mischig us grilliere und spieli mache hämer euse namittag und abig verbracht.Bevor das es dunkel worde isch,händ no alli Gescht Ballön für eus lah stiige mit ihrne guete Wünsch für eus. Mit guete Gspröch und viel lache hämer de abig dän no lah usklinge. Öpe am halbi zwei simer dän müed aber glücklich is Bett gläge und zimli schnäll iigschlafe.
danke für din bricht und di schöne föteli. gratuliere dir und dim ma ganz herzlich und wünsch eu nume s bescht! gnüss es frisch verhüratet si, isch würkli schön, gäll... alles gueti!
...glücklich verheiratet seit dem 24. April 2010...
Liäbi Malu au vo minere Siite für eu zwei alles Gueti und nume s'Bescht für di gmeinsam Zuekunft. Danke für de Bricht und di schöne Föteli, häsch es meeega schöns Chleid anegha!
Auch von mir herzliche Glückwünsche. Ein ganz spezielles Auto, toll. Danke für die Fotos, ein sehr hübsches Paar seit ihr.... Alles gute euch beiden, Lg franziska 26. Juni 2010
Anmelden
i bi am 5:45 Uhr verwachet und han dän für mis mami mini schwoscht und für mi es paar Gipfeli in bachofe da.Ässe hani zwar ned würkli chöne da i bi so wichtige ahläss am afang ned so hunger han.
Mer häns alli mega lustig gha und gäg de schluss hämer fascht no müesse pressiere,will mer glaub chli zviel tratsched händ 
