Hoi Zäme

Mir wetid im Mai Juni 2017 hürate.
Weiss öper en Alphüte oder en Buurehof wo mer chan Hürate? Wo evt au na wie en Buureolympiade oder so macht. Es seti für ca. 50 Persone si und im Ruhm ZH,AG,LU,NW,OW,ZG eventuel au appizäll sie.
Aso eifach fürs ässe und de ganz rest vom Abig dete si. Cool wär aber na wämer ned sini Gäst müesti am 1 heischicke.
Ich finds uh Schwirig s passende finde. Was händ er mir für Tips wie händ Ihr eui Location usgsuecht?
Danke jetzt scho für eui Typs!

Hallo Urchig
In Sigigen (Kanton Luzern) gibt es so einen Bauernhof. Schau mal unter bauernhofevent . ch (Familie Seeholzer).

Hallo Urchig

Mier hürated in 2 Wuche bi Nef naturBuur in Oetwil am See ZH. Weiss halt nöd, eb das i dim Gebiet lit aber es isch en mega gmüetliche Burehof zum feste.
Mier werded de ganz Tag det sie, Namittag freii Trauuig bi schön Wetter uf de Wiese, susch im Zelt. Aschlüssend Apéro und denn am Abig Fest mit Grillbuffet (mer chan aber au es Menu ha).
Sie sind sehr unkompliziert und ihres Ziel isch all dini Wünsch und Vorstellige zerfülle. Sie helfed au gern mit, wenn mer ihne das abgit. Bi ois schmeissed eigentlich alles sie, eifach mit oisne Vorgabe.

Mer chan glaubs au eh Buurehof Olympiade ha, mier hend ois aber degäge entschiede, dorum chan ich dier da kei Uskunft gäh.

Au für ois en wichtige Punkt gsi: Es git kei Polizeistund. Mer chan also theoretisch au bis am Morge am 7ni Party mache Ab em 1 zahlt mer pro Halbstund 50 Fr. Zuesätzlich.

I zwei Wuche chönt ich denn nah meh brichte